ಇಂದು ರಾಷ್ಟ್ರೀಯ ವಿದ್ಯಾರ್ಥಿ ದಿವಸ್ 1949 ಜುಲೈ 9 ರಂದು ವಿದ್ಯಾರ್ಥಿ ಮತ್ತು ಶಿಕ್ಷಕರನ್ನು ಒಳಗೊಂಡು ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಅನ್ನು ಸ್ಥಾಪಿಸಲಾಯಿತು. ಈ ದಿನವನ್ನು ಎ.ಬಿ.ವಿ.ಪಿ.ಯು ರಾಷ್ಟ್ರೀಯ ವಿದ್ಯಾರ್ಥಿ ದಿವಸ್ ಆಗಿ ಆಚರಿಸುತ್ತಿದೆ.
ಎಬಿವಿಪಿ ಭಾರತದ ಅತ್ಯಂತ ದೊಡ್ಡ ವಿದ್ಯಾರ್ಥಿ ಸಂಘಟನೆಯಾಗಿ ಬೆಳೆದಿದೆ. ಮೂಲತಃವಾಗಿ 1948 ಎಬಿವಿಪಿ ಹುಟ್ಟಿತ್ತು. ಅದನ್ನು ನೊಂದಾಯಿಸಿದ್ದು 1949ರಲ್ಲಿ. ತದ ನಂತರ ಕೆಲವು ವರ್ಷಗಳ ಕಾಲ ಈ ವಿದ್ಯಾರ್ಥಿ ಸಂಘಟನೆಯ ಅಷ್ಟು ಬೆಳವಣಿಗೆಯನ್ನು ಕಾಣದಿದ್ದರು 1958 ಪ್ರೋ. ಯಶವಂತ ರಾವ್ ಕೇಳ್ಕರ್ ಅವರು ಎ.ಬಿ.ವಿ.ಪಿ.ಯನ್ನು ಪ್ರಬಲವಾಗಿ ಬೆಳಸಿ ಭದ್ರ ಬುನಾದಿ ಹಾಕಿದರು.
ಎಬಿವಿಪಿ ಜ್ಞಾನ, ಶೀಲ, ಏಕತೆ ಎಂಬ ಮೂರು ತತ್ವದಡಿ ಕಾರ್ಯೋನ್ಮುಖವಾಗಿದೆ. ಇದುವೇ ಅದರ ಮೂಲ ಸಿದ್ಧಾಂತ. ಇದು ದೇಶದ ಹಲವು ಮುಖ್ಯ ಸಂದರ್ಭಗಳಲ್ಲಿ ತನ್ನ ಹೋರಾಟ ರೂಪಿಸಿದ್ದಲ್ಲದೆ ರಾಷ್ಟ್ರೀಯ ಚಿಂತನೆ ಬಗ್ಗೆ ಬೆಳಕುಚೆಲ್ಲಿದೆ. 1975 ತುರ್ತುಪರಿಸ್ಥಿತಿ ಸಂದರ್ಭ ಎ.ಬಿ.ವಿ.ಪಿ.ಯ 10,000 ಸಾವಿರ ಕಾರ್ಯಕರ್ತರು ಜೈಲು ಪಾಲಾಗಿದ್ದರು. ಅಲ್ಲದೇ 1978 ರಲ್ಲಿ ಗ್ರಾಮೋತ್ಥಾನಕ್ಕಾಗಿ ವಿದ್ಯಾರ್ಥಿಗಳು ಎಂಬ ಕಾರ್ಯಕ್ರಮದಡಿ 350 ಗ್ರಾಮಗಳಲ್ಲಿ ಯಶಸ್ವಿ ಜಾಗೃತಿ ಕ್ರಾರ್ಯಕ್ರಮಗಳನ್ನು ಮಾಡಲಾಯಿತು. ಅಲ್ಲದೇ 2006 ರಲ್ಲಿ ಬಾಂಗ್ಲಾ ನುಸುಳುಕೋರರ ಬಗ್ಗೆ ಆಂದೋಲನ ಮಾಡಿ ರಾಷ್ಟ್ರಮಟ್ಟದಲ್ಲಿ ಸರಕಾರವನ್ನು ಎಚ್ಚರಿಸುವ ಕೆಲಸ ಮಾಡಿತ್ತು. ಹೀಗೆ ಸರಕಾರ, ಸಮಾಜ, ವಿದ್ಯಾರ್ಥಿಗಳಲ್ಲಿ ಸಾಮಾಜಿಕ ಕಾಳಜಿಯನ್ನು ರೂಪಿಸುವಲ್ಲಿ ಎ.ಬಿ.ವಿ.ಪಿ ಮುಂದಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
