ಅಮೃತಸರ: ಸಿಖ್ಖರ ಪವಿತ್ರ ಗ್ರಂಥ ಶ್ರೀ ಗುರು ಗ್ರಂಥ ಸಾಹೀಬ್ ರಚನೆಯ 415 ನೇ ವರ್ಷಾಚರಣೆಯ ‘ಪ್ರಕಾಶ್ ಪರ್ವ’ವನ್ನು ಶನಿವಾರ ಪಂಜಾಬ್‌ನ ಅಮೃತಸರದಲ್ಲಿ ಅದ್ಧೂರಿಯಾಗಿ ಆಚರಿಸಲಾಯಿತು.
‘ಪ್ರಕಾಶ್ ಪರ್ವ್’ ಸಂದರ್ಭದಲ್ಲಿ, ರಾಮ್ಸರ್ ಗುರುದ್ವಾರದ ಹೊರಗೆ ಮೆರವಣಿಗೆ ನಡೆಸಲಾಯಿತು, ಇದರಲ್ಲಿ ಪುರುಷರು ನೀಲಿ ಟರ್ಬನ್ಗಳೊಂದಿಗೆ ಸಾಂಪ್ರದಾಯಿಕ ಉಡುಪನ್ನು ಧರಿಸಿ ನೃತ್ಯ ಮಾಡಿದ್ದಾರೆ. ತಮ್ಮ ಕತ್ತಿಗಳನ್ನು ಹಿಡಿದು ವಿವಿಧ ಸಾಹಸಗಳನ್ನು ಪ್ರದರ್ಶಿಸಿದರು, ಡೊಳ್ಳು ಕುಣಿತಗಳೊಂದಿಗೆ ಮೆರವಣಿಗೆ ನಡೆಸಿದರು.
ಮಕ್ಕಳು ಕೂಡ ತಮ್ಮ ಕೌಶಲ್ಯಗಳನ್ನು ತೋರಿಸುತ್ತಾ ಮೆರವಣಿಗೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಿದರು. ‘ಪ್ರಕಾಶ್ ಪರ್ವ’ ಹಬ್ಬವನ್ನು ಪಂಜಾಬ್‌ನಲ್ಲಿ ಎಲ್ಲೆಡೆ ಆಚರಿಸಲಾಗುತ್ತಿದೆ.
ಹತ್ತು ಸಿಖ್ ಗುರುಗಳ ಕೆಲವು ಸ್ತುತಿಗೀತೆಗಳನ್ನು ಹೊಂದಿರುವ ಶ್ರೀ ಗುರು ಗ್ರಂಥ ಸಾಹೀಬವನ್ನು ಸಂಕಲನ ಮಾಡುವ ಬೃಹತ್ ಯೋಜನೆಯನ್ನು ಸಿಖ್ಖರ ಐದನೇ ಗುರುವಾದ ಗುರು ಅರ್ಜನ್ ದೇವ್ ಕೈಗೆತ್ತಿಕೊಂಡರು. ಬೃಹತ್ ಪುಸ್ತಕವನ್ನು ಅಂತಿಮವಾಗಿ 1604 ರಲ್ಲಿ ಪೂರ್ಣಗೊಳಿಸಲಾಯಿತು ಮತ್ತು ಅದನ್ನು ಸ್ವರ್ಣ ಮಂದಿರದಲ್ಲಿ ಇಡಲಾಗಿದೆ. ಭಾರತದ ಪ್ರಮುಖ ಸಂತರಾದ ರವಿದಾಸ್, ರಮಾನಂದ, ಭಗತ್ ಭಿಖಾನ್, ಕಬೀರ್ ಮತ್ತು ನಾಮದೇವ್ ಮತ್ತು ಮುಸ್ಲಿಂ ಸೂಫಿ ಸಂತ ಶೇಖ್ ಫರೀದ್ ಅವರ ಬೋಧನೆಗಳೂ ಇದರಲ್ಲಿವೆ.
ಈ ಗ್ರಂಥವನ್ನು ಸಿಖ್ಖರು ತಮ್ಮ ಹತ್ತು ಆಧ್ಯಾತ್ಮಿಕ ಗುರುಗಳ ಜೀವಂತ ಸಾಕಾರವೆಂದು ಪರಿಗಣಿಸಿದ್ದಾರೆ. ‘ಪ್ರಕಾಶ್ ಪರ್ವ’ ಸಿಖ್ ಸಮುದಾಯಕ್ಕೆ ಶುಭ ದಿನವಾಗಿದ್ದು, ಬಹಳ ಉತ್ಸಾಹದಿಂದ ಇದನ್ನು ಆಚರಿಸಲಾಗುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
