ನವದೆಹಲಿ: ಇದೇ ಮೊದಲ ಬಾರಿಗೆ ಅವಳಿ ಸಹೋದರರಿಬ್ಬರು ಪ್ರತಿಷ್ಠಿತ ಇಂಡಿಯನ್ ಮಿಲಿಟರಿ ಅಕಾಡೆಮಿಯಿಂದ ಒಟ್ಟಿಗೆ ಪದವಿ ಪಡೆದುಕೊಂಡು ಭಾರತೀಯ ಸೇನೆಯನ್ನು ಸೇರ್ಪಡೆಗೊಂಡಿದ್ದಾರೆ. ಲೆಫ್ಟಿನೆಂಟ್ ಅಭಿನಮ್ ಪಾಠಕ್ ಮತ್ತು ಲೆಫ್ಟಿನೆಂಟ್ ಪರಿನವ್ ಪಾಠಕ್ ಅವರು ಕಳೆದ ಶನಿವಾರ ಅಕಾಡೆಮಿಯಿಂದ ಪಾಸ್ ಔಟ್ ಆಗಿದ್ದು, ಇವರಿಬ್ಬರೂ ಅಮೃತಸರದಲ್ಲಿ 1996ರ ಆಗಸ್ಟ್ 10ರಂದು ಜನಿಸಿದ್ದಾರೆ.
ಈ ಅವಳಿ ಸಹೋದರರು ಯಾವುದೇ ಸೇನಾ ಹಿನ್ನಲೆಯನ್ನು ಹೊಂದಿಲ್ಲ, ಆದರೆ ಬಾಲ್ಯದಿಂದಲೂ ಸೇನೆ ಸೇರುವ ಬಗ್ಗೆ ಅತೀವ ಆಸಕ್ತಿಯನ್ನು ಇವರು ಬೆಳೆಸಿಕೊಂಡಿದ್ದರು. ಎಂಜಿನಿಯರಿಂಗ್ ಪದವಿಯನ್ನು ಪೂರೈಸಿದ್ದರೂ ಸೇನೆಗೆ ಸೇರಬೇಕು ಎಂಬ ಆಶಯದೊಂದಿಗೆ 2018ರಲ್ಲಿ ಇವರು ಸರ್ವಿಸ್ ಸೆಲೆಕ್ಷನ್ ಬೋರ್ಡ್ ಎಕ್ಸಾಮಿನೇಶನ್ ಅನ್ನು ಪೂರ್ಣಗೊಳಿಸಿದರು ಮತ್ತು ಇಂಡಿಯನ್ ಮಿಲಿಟರಿ ಅಕಾಡೆಮಿಗೆ ಕೆಡೆಟ್ ಗಳಾಗಿ ಸೇರ್ಪಡೆಗೊಂಡರು.
ಶನಿವಾರ ಇವರಿಬ್ಬರು ಅಕಾಡೆಮಿಯಿಂದ ಪಾಸ್ ಔಟ್ ಆಗಿದ್ದಾರೆ. ಅಕಾಡೆಮಿಯ ಗ್ರಾಜ್ಯವೇಟಿಂಗ್ ಬ್ಯಾಚಿನ ಮೊದಲ ಅವಳಿ ಸಹೋದರರು ಎಂಬ ಹೆಗ್ಗಳಿಕೆಗೆ ಇವರು ಪಾತ್ರರಾಗಿದ್ದಾರೆ.
ಡೆಹ್ರಾಡೂನಿನಲ್ಲಿ ಶನಿವಾರ ಇಂಡಿಯನ್ ಮಿಲಿಟರಿ ಅಕಾಡೆಮಿಯ ಆಕರ್ಷಕ ಪಾಸಿಂಗ್ ಔಟ್ ಪೆರೇಡ್ ಜರುಗಿದ್ದು, ಇದರಲ್ಲಿ ಭಾಗಿಯಾಗಿದ್ದ 382 ಮಂದಿ ಭಾರತೀಯ ಸೇನೆಯನ್ನು ಸೇರ್ಪಡೆಗೊಂಡಿದ್ದಾರೆ. ಇದರಲ್ಲಿ ಭಾಗಿಯಾಗಿದ್ದ ಇತರ 77 ಮಿಲಿಟರಿ ಅಧಿಕಾರಿಗಳು ಅಫ್ಘಾನಿಸ್ತಾನ್, ಭೂತಾನ್, ಫಿಜಿ, ಮಾರಿಷಿಯಸ್ ಮುಂತಾದ ಮಿತ್ರ ರಾಷ್ಟ್ರಗಳಿಗೆ ಸೇರಿದವರಾಗಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
