ಯುಎಸ್ ಸ್ಕ್ರಿಪ್ಪ್ಸ್ ನ್ಯಾಷನಲ್ ಸ್ಪೆಲ್ಲಿಂಗ್ ಬೀ ಸ್ಪರ್ಧೆ ಗೆದ್ದು ಇತಿಹಾಸ ಬರೆದ 7 ಭಾರತೀಯರು ಸಂಜಾತರು

ವಾಷಿಂಗ್ಟನ್: ಅಮೆರಿಕಾ ಪ್ರತಿಷ್ಠಿತ ಸ್ಪರ್ಧೆಯೊಂದರಲ್ಲಿ ಭಾರತೀಯ ಮೂಲದ ತರುಣರು ಇತಿಹಾಸವನ್ನು ಸೃಷ್ಟಿ ಮಾಡಿದ್ದಾರೆ. 2019  ಸ್ಕ್ರಿಪ್ಪ್ಸ್ ನ್ಯಾಷನಲ್ ಸ್ಪೆಲ್ಲಿಂಗ್ ಬೀ ಸ್ಪರ್ಧೆಯಲ್ಲಿ ಭಾರತೀಯ ಮೂಲದ 7 ಮತ್ತು ಅಮೆರಿಕಾದ ಓರ್ವ ವಿದ್ಯಾರ್ಥಿ ವಿಜಯಶಾಲಿಯಾಗಿದ್ದಾರೆ. 550 ವಿದ್ಯಾರ್ಥಿಗಳನ್ನು ಹಿಂದಿಕ್ಕಿ ಅವರು ಈ ಸಾಧನೆಯನ್ನು ಮಾಡಿದ್ದಾರೆ. ವಿಜೇತರಿಗೆ $50,000 ನಗದು ಮತ್ತು ಪುರಸ್ಕಾರ ದೊರೆತಿದೆ.

ವಿಜೇತರಾದ ವಿದ್ಯಾರ್ಥಿಗಳೆಂದರೆ, 13 ವರ್ಷದ ಕ್ಯಾಲಿಫೋರ್ನಿಯಾ ನಿವಾಸಿ ರಿಷಿಕ್ ಗಂಧಶ್ರೀ, 13 ವರ್ಷದ ಮೇರಿಲ್ಯಾಂಡ್ ನಿವಾಸಿ ಸಂಕೇತ್ ಸುಂದರ್, 13 ವರ್ಷದ ನ್ಯೂ ಜೆರ್ಸಿ ನಿವಾಸಿ ಶೃತಿಕಾ ಪಧಿ, 13 ವರ್ಷದ ಟೆಕ್ಸಾಸ್ ನಿವಾಸಿ ಸೋಹಮ್ ಸುಖತಂಕರ್, 12 ವರ್ಷದ ಟೆಕ್ಸಾಸ್ ನಿವಾಸಿ ಅಭಿಜಯ್ ಕೊಡಲಿ, 13 ವರ್ಷದ ಟೆಕ್ಸಾಸ್ ನಿವಾಸಿ ರೋಹನ್ ರಾಜ , 13 ವರ್ಷದ  ನ್ಯೂಜೆರ್ಸಿ ನಿವಾಸಿ ಕ್ರಿಸ್ಟೋಫರ್ ಸೆರ್ರಾವ್, 14 ವರ್ಷದ ಅಲಬಾಮಾ ನಿವಾಸಿ ಎರಿನ್ ಹೋವರ್ಡ್.

History at 2019 Scripps National #SpellingBee! 8 Co-Champions! SEVEN #IndianAmericans! Congratulations to winners Rishik Gandhasri, Erin Howard, Saketh Sundar, Shruthika Padhy, Sohum Sukhatankar, Abhijay Kodali, Christopher Serrao, Rohan Raja. #USIndia #ScrippsNationalSpellingBee pic.twitter.com/kzgoHyE5VO

— U.S. Embassy India (@USAndIndia) May 31, 2019

ಸ್ಕ್ರಿಪ್ಪ್ಸ್ ನ್ಯಾಷನಲ್ ಸ್ಪೆಲ್ಲಿಂಗ್ ಬಿ ಯು ವಿದ್ಯಾರ್ಥಿಗಳಿಗೆ ತಮ್ಮ ಕಾಗುಣಿತವನ್ನು ಸುಧಾರಿಸಲು, ಶಬ್ದಕೋಶಗಳನ್ನು ಹೆಚ್ಚಿಸಲು ಮತ್ತು ಸರಿಯಾದ ಇಂಗ್ಲಿಷ್ ಬಳಕೆಯನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುವ ಉದ್ದೇಶದಿಂದ ಆಯೋಜಿಸಲ್ಪಟ್ಟ ಅಮೆರಿಕಾದ ಅತ್ಯಂತ ಹಳೆಯ ಮತ್ತು ಅತ್ಯಂತ  ಪ್ರತಿಷ್ಠಿತ ಸ್ಪರ್ಧೆಯಾಗಿದೆ. ಈ ವರ್ಷದ ಕಳೆದ  ಮಂಗಳವಾರ ಈ ಸ್ಪರ್ಧೆ ಪ್ರಾರಂಭವಾಯಿತು. ಅಮೆರಿಕಾದ್ಯಂತದ ಮತ್ತು ಹೊರ ದೇಶಗಳ  7 ರಿಂದ 14 ವರ್ಷ ವಯಸ್ಸಿನ ಸುಮಾರು 565 ಸ್ಪರ್ಧಿಗಳು ಇದರಲ್ಲಿ ಭಾಗಿಯಾಗಿದ್ದರು.  ಕಳೆದ ವರ್ಷ 14 ವರ್ಷ ವಯಸ್ಸಿನ ಭಾರತೀಯ ಸಂಜಾತ ಕಾರ್ತಿಕ್ ನೆಮ್ಮಾನಿ ಈ ಸ್ಪರ್ಧೆಯಲ್ಲಿ ಜಯ ಗಳಿಸಿದ್ದ ಮತ್ತು 2017 ರಲ್ಲಿ ಭಾರತೀಯ ಸಂಜಾತೆ ಅನನ್ಯ ವಿನಯ್ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಳು.