ಕೊನೆಯ ಹಂತದ ಚುನಾವಣೆಗೆ ಇಂದು ಬಿರುಸಿನ ಪ್ರಚಾರ ಕಾರ್ಯ ನಡೆಸಲಿವೆ ಪಕ್ಷಗಳು

ನವದೆಹಲಿ:  2019ರ ಲೋಕಸಭಾ ಚುನಾವಣೆಯ 7ನೇ ಮತ್ತು ಕೊನೆಯ ಹಂತದ ಮತದಾನಕ್ಕಾಗಿ ಎಲ್ಲಾ ರಾಜಕೀಯ ಪಕ್ಷಗಳು ಇಂದು ಒಂದರ ಹಿಂದೆ ಒಂದರಂತೆ ಸಮಾವೇಶಗಳನ್ನು ಆಯೋಜನೆಗೊಳಿಸುತ್ತಿವೆ. ಇದೇ ಭಾನುವಾರ (ಮೇ 19) ದೇಶದ 7 ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳ 59 ಕ್ಷೇತ್ರಗಳು ಚುನಾವಣೆಯನ್ನು ಎದುರಿಸಲಿವೆ.

ಬಿಜೆಪಿ ನಾಯಕ ಮತ್ತು ಪ್ರಧಾನಿ ನರೇಂದ್ರ ಮೋದಿಯವರು ಬಿಹಾರದ ಪಲಿಗಂಜ್­ನಲ್ಲಿ, ಝಾರ್ಖಾಂಡಿನ ದಿಯೋಘರ್­ನಲ್ಲಿ, ಪಶ್ಚಿಮಬಂಗಾಳದ ಹಸ್ನಾಬಾದ್ ಮತ್ತು ಡೈಮಂಡ್ ಹಾರ್ಬರ್­ನಲ್ಲಿನ ಸಮಾವೇಶಗಳಲ್ಲಿ ಪಾಲ್ಗೊಳ್ಳಲಿದ್ದಾರೆ. ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಅವರು, ಮಧ್ಯಪ್ರದೇಶದ ಧಾರ್ ಮತ್ತು ಅಲಿರಾಜಪುರ್­ನಲ್ಲಿ ಸಮಾವೇಶ ಆಯೋಜನೆಗೊಳಿಸಲಿದ್ದಾರೆ. ಉತ್ತರಪ್ರದೇಶದ ವಿವಿಧೆಡೆ ಸುಷ್ಮಾ ಸ್ವರಾಜ್, ಯೋಗಿ ಆದಿತ್ಯನಾಥ, ಮನೋಜ್ ತಿವಾರಿ ಸಮಾವೇಶಗಳನ್ನು ಆಯೋಜನೆಗೊಳಿಸಲಿದ್ದಾರೆ.

ಇನ್ನು ಕಾಂಗ್ರೆಸ್ ಪಕ್ಷದ ಅಧ್ಯಕ್ಷ ರಾಹುಲ್ ಗಾಂಧೀ ಅವರು, ಪಂಜಾಬಿನ ಫರೀದಕೋಟ್ ಮತ್ತು ಲುಧಿಯಾನದಲ್ಲಿ ಸಮಾವೇಶ ನಡೆಸಲಿದ್ದಾರೆ. ಅವರ ಸಹೋದರಿ ಪ್ರಿಯಾಂಕ ವಾದ್ರಾ ಅವರು, ವಾರಣಾಸಿಯಲ್ಲಿ ರೋಡ್ ಶೋ ನಡೆಸಲಿದ್ದಾರೆ. ಸಮಾಜವಾದಿ, ಬಿಎಸ್­ಪಿ, ಆರ್­ಎಲ್­ಡಿ ಮೈತ್ರಿಕೂಟಗಳು ಉತ್ತರಪ್ರದೇಶದ ಮೂವ ಮತ್ತು ದಿಯೋರಿಯಾದಲ್ಲಿ ಸಾರ್ವಜನಿಕ ಸಭೆಯನ್ನು ನಡೆಸಲಿವೆ.

ಕೊನೆಯ ಹಂತದಲ್ಲಿ, ಉತ್ತರಪ್ರದೇಶದ 12 ಕ್ಷೇತ್ರ, ಪಶ್ಚಿಮಬಂಗಾಳದ 9 ಕ್ಷೇತ್ರ, ಬಿಹಾರದ 8 ಕ್ಷೇತ್ರ, ಮಧ್ಯಪ್ರದೇಶದ 8 ಕ್ಷೇತ್ರ, ಹಿಮಾಚಲಪ್ರದೇಶದ 4 ಕ್ಷೇತ್ರ, ಝಾರ್ಖಾಂಡಿನ 3 ಕ್ಷೇತ್ರ, ಚಂಡೀಗಢದ 1 ಕ್ಷೇತ್ರ ಚುನಾವಣೆಯನ್ನು ಎದುರಿಸಲಿವೆ.

ಮೇ 23 ರಂದು ಎಲ್ಲಾ ಹಂತದ ಚುನಾವಣೆಯ ಮತ ಎಣಿಕೆ ಪ್ರಕ್ರಿಯೆ ನಡೆಯಲಿದ್ದು, ಫಲಿತಾಂಶ ಹೊರಬೀಳಲಿದೆ.