ಮಂಗಳೂರು : ಯುವಾಬ್ರಿಗೇಡ್ ದಕ್ಷಿಣ ಕನ್ನಡ ಕಾರ್ಯಕರ್ತರು #ಕಣಕಣದಲ್ಲೂ_ಶಿವ ಎಂಬ ಹೆಸರಿನಲ್ಲಿ ಬೀದಿಬದಿಗಳಲ್ಲಿ, ದೇವಾಲಯದ ಕಟ್ಟೆಗಳಲ್ಲಿ, ರಸ್ತೆಬದಿಗಳಲ್ಲಿ, ಮರದ ಬುಡಗಳಲ್ಲಿ ಬಿಸಾಡಿರುವ ನಮ್ಮ ದೇವರುಗಳ ಫೋಟೋಗಳನ್ನು ಹೆಕ್ಕಿ ತಂದು ಅದನ್ನು ವಿಂಗಡಿಸಿ ನಮ್ಮ ಧರ್ಮವನ್ನುಳಿಸುವ ಕಾರ್ಯವನ್ನು ಮಾಡುತ್ತಿದ್ದಾರೆ. ಇದು ನಿರಂತರವಾಗಿ ಯುವಾಬ್ರಿಗೇಡಿನಿಂದ ರಾಜ್ಯದೆಲ್ಲೆಡೆ ನಡೆಯುತ್ತಿದೆ.
ಮಂಗಳೂರು ನಗರದಲ್ಲಿ ಆರನೇ ಹಂತವಾಗಿ ಇತ್ತೀಚೆಗೆ ಶ್ರೀ ಕಟೀಲು ದೇವಾಲಯದ ಪರಿಸರ ಮತ್ತು ಮಂಗಳೂರು ಪೇಟೆ, ಮಂಗಳೂರಿನಿಂದ ಶ್ರೀ ಕಟೀಲು ದೇವಾಲಯ ಸಂಪರ್ಕಿಸುವ ರಸ್ತೆಗಳಿಂದ ಫೋಟೋ ಸಂಗ್ರಹಿಸಲಾಗಿತ್ತು. ಅಂದಾಜು 2000 ಕ್ಕಿಂತ ಅಧಿಕ ಫೋಟೋಗಳು ಸಿಕ್ಕಿದ್ದು ಅದರ ವಿಲೇವಾರಿ ರಾತ್ರಿ ಸಮಯದಲ್ಲಿ ಮಾಡಲಾಗುತ್ತಿದೆ.
ಸಮಯಕ್ಕನುಗುಣವಾಗಿ ಕಾರ್ಯಕರ್ತರು ಬಂದು ಕೆಲಸ ಮಾಡುತ್ತಾರೆ. ಆರು ಹಂತಗಳಲ್ಲಿ ಈ ಕೆಲಸವನ್ನು ಯುವಾಬ್ರಿಗೇಡ್ ಮಾಡಿದ್ದು ಸುಮಾರು 8000 ಕ್ಕಿಂತಲೂ ಅಧಿಕ ಫೋಟೋಗಳನ್ನು ಸಂಗ್ರಹಿಸಿ ವಿಲೇವಾರಿ ಮಾಡಿದೆ.
ಮಂಗಳೂರಿನ ಭಾಗಗಳಲ್ಲಿ ಈ ರೀತಿ ದೇವರ ಫೋಟೋಗಳು ಬಿದ್ದಿರುವುದು ಕಂಡರೆ ಇವರನ್ನು ಸಂರ್ಪಕಿಸಬಹುದು – ತಿಲಕ್ ಶಿಶಿಲ-9035779185
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
