ಭುವನೇಶ್ವರ: ಸೌಂದರ್ಯ ಎನ್ನುವುದು ನೋಡುಗರ ಕಣ್ಣಲ್ಲಿ ಇರುತ್ತದೆ ಎಂಬ ಮಾತಿದೆ. ಆಂತರ್ಯದ ಸೌಂದರ್ಯ ಇಲ್ಲವಾದರೆ ಬಾಹ್ಯ ಸೌಂದರ್ಯ ನಗಣ್ಯ ಎನಿಸಿಕೊಳ್ಳುತ್ತದೆ. ಆದರೆ ಇಂದಿನ ದಿನಗಳಲ್ಲಿ ಸೌಂದರ್ಯವನ್ನು ತೂಗುವ ಮಾನದಂಡವೇ ಬೇರೆಯಾಗಿದೆ. ತೆಳ್ಳಗೆ, ಬೆಳ್ಳಗೆ, ಬಳಕುವ ದೇಹ ಹೊಂದಿದರೆ ಮಾತ್ರ ಸೌಂದರ್ಯ ಎಂಬ ತಪ್ಪು ಕಲ್ಪನೆ ಎಲ್ಲರಲ್ಲೂ ಮೂಡಿದೆ. ಸೌಂದರ್ಯ ಸ್ಪರ್ಧೆಗಳು ಈ ಕಲ್ಪನೆ ಬೆಳೆಯಲು ಪ್ರೇರೇಪಣೆ ನೀಡುತ್ತಿವೆ.
ಸೌಂದರ್ಯ ಸ್ಪರ್ಧೆಗಳ ಸ್ಥಾಪಿತ ಮಾನದಂಡಗಳಿಗೆ ಸೆಡ್ಡು ಹೊಡೆಯುವಂತೆ, ಒರಿಸ್ಸಾದ ಉತ್ಕಲ್ ಮಂಡಪ್ನಲ್ಲಿ ಬುಡಕಟ್ಟು ಮಹಿಳೆಯರಿಗಾಗಿ ಸೌಂದರ್ಯ ಸ್ಪರ್ಧೆಯನ್ನು ಆಯೋಜನೆಗೊಳಿಸಲಾಗಿದೆ. ಆದಿ ರಾಣಿ ಕಳಿಂಗ ಬುಡಕಟ್ಟು ರಾಣಿ ಸ್ಪರ್ಧೆ ಇದಾಗಿದ್ದು, ಹಲವಾರು ಮಂದಿ ಬುಡಕಟ್ಟು ಮಹಿಳೆಯರು ಇದರಲ್ಲಿ ಭಾಗಿಯಾಗಿದ್ದರು.
ಒರಿಸ್ಸಾದ ಕೊರಪುತ್ ಜಿಲ್ಲೆಗೆ ಸೇರಿದ ಪಲ್ಲವಿ ದುರುವ ಎಂಬುವವರು ಭಾರತದ ಮೊದಲ ಬುಡಕಟ್ಟು ಸೌಂದರ್ಯ ರಾಣಿಯಾಗಿ ಹೊರಹೊಮ್ಮಿದ್ದಾರೆ. ಪಂಚಮಿ ಮಾಜ್ಹಿ, ರಶ್ಮಿರೇಖಾ ಹಂಸ್ದಾಹ ದ್ವಿತೀಯ ಮತ್ತು ತೃತೀಯ ರಾಣಿಯರಾಗಿ ಹೊರಹೊಮ್ಮಿದ್ದಾರೆ.
ಬುಡಕಟ್ಟು ಮಹಿಳೆಯರಿಗೆ ವಿದ್ಯಾಭ್ಯಾಸಕ್ಕೂ ಓಡಾಡಲು ಅನುಮತಿ ಸಿಗದ ಪರಿಸ್ಥಿತಿ ಇದೆ. ಇಂತಹುದರಲ್ಲಿ ನಾನು ಸೌಂದರ್ಯ ರಾಣಿ ಕಿರೀಟ ತೊಟ್ಟಿದ್ದು ಹೆಮ್ಮೆ ಎನಿಸುತ್ತದೆ. ನನ್ನ ವರ್ಗದ ಇತರ ಹೆಣ್ಣುಮಕ್ಕಳಿಗೆ ನಾನು ಉದಾಹರಣೆಯಾಗಿರುವುದು ನನ್ನ ಅದೃಷ್ಟ ಎಂದು ಪಲ್ಲವಿ ಹೇಳಿದ್ದಾರೆ.
ಈ ಮೂರು ಸೌಂದರ್ಯ ರಾಣಿಯರು ಶೀಘ್ರದಲ್ಲೇ ಬಾಲಿವುಡ್ ನಿರ್ಮಾಪಕರ ಕಿರುಚಿತ್ರವೊಂದರಲ್ಲಿ ಅಭಿನಯಿಸಲಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.