ನವದೆಹಲಿ : ಜಮ್ಮು ಮತ್ತು ಕಾಶ್ಮೀರದಲ್ಲಿ ಹೆಚ್ಚುತ್ತಿರುವ ಉಗ್ರರ ಉಪಟಳವನ್ನು ನಿಲ್ಲಿಸಿ ಅವರನ್ನು ಸದೆಬಡಿಯಲು ಎನ್ಎಸ್ಜಿ ಕಮಾಂಡೋಸ್ಗಳು ಸರ್ವ ಸನ್ನದ್ಧರಾಗಿ ಕಾಶ್ಮೀರವನ್ನು ತಲುಪಿದ್ದಾರೆ. ಈ ಮೂಲಕ ಉಗ್ರರ ಮಟ್ಟ ಹಾಕುವುದು ಗ್ಯಾರಂಟಿ.
ಇದಕ್ಕೆ ಪೂರಕವೆಂಬಂತೆ ಶ್ರೀನಗರ ಬಳಿ ಇರುವ ಗಡಿ ಭದ್ರತಾ ಪಡೆಗಳ ಶಿಬಿರದಲ್ಲಿ ಇದೀಗ ವಿಶೇಷ ರಾಷ್ಟ್ರೀಯ ಭದ್ರತಾ ಸಿಬ್ಬಂದಿಗಳ ಕಮಾಂಡೋಸ್ಗಳು ತರಬೇತಿ ನಡೆಸಿದ್ದಾರೆ. ತಮ್ಮ ವಿಶೇಷವಾದ ಉಡುಪು(ಕಪ್ಪು ಬಣ್ಣದ ಸಮವಸ್ತ್ರ) ಧರಿಸಿ, ಈ ಕಮಾಂಡೋಗಳು ವಿಶೇಷ ಕವಾಯತ್ತು, ತರಬೇತಿ ಕಾರ್ಯಗಾರಗಳನ್ನು ಭದ್ರತಾ ಪಡೆಗಳೊಂದಿಗೆ ನಡೆಸುವ ಮೂಲಕ ಹೊಸ ಹುಮ್ಮಸ್ಸನ್ನು ನಿರ್ಮಿಸುತ್ತಿದ್ದಾರೆ.
ಕಳೆದ ಎರಡು ವಾರಗಳಿಂದ ಎನ್ಎಸ್ಜಿ ತಂಡದ (HIT ಕಮಾಂಡೋಸ್) ಸುಮಾರು 24 ಸ್ನೈಪರ್ಸ್ಗಳು ಇಲ್ಲಿ ತರಬೇತಿಯನ್ನು ನೀಡುತ್ತಿದ್ದಾರೆ. ಕೆಲವೇ ಸಮಯದಲ್ಲಿ ಬಿಎಸ್ಎಫ್ ಸ್ಥಳದಲ್ಲಿ 100 ಎನ್ಎಸ್ಜಿ ಕಮಾಂಡೋಗಳನ್ನು ನಿಯೋಜಿಸಲು ಗೃಹ ಸಚಿವಾಲಯವು ಯೋಚಿಸಿದೆ. ಈ ಎನ್ಎಸ್ಜಿ ಕಮಾಂಡೋಗಳು ವಿಮಾನ ಹೈಜಾಕ್ ಪರಿಸ್ಥಿತಿ ಮುಂತಾದ ಹಲವು ಸಮಸ್ಯೆಗಳನ್ನು ಬಗೆಹರಿಸುವ ಪರಿಣಿತಿಯನ್ನು ಹೊಂದಿರುವುದರಿಂದ, ಅವರನ್ನು ಸದ್ಯಕ್ಕೆ ವಿಮಾನ ನಿಲ್ದಾಣದ ಬಳಿ ನಿಯೋಜನೆಗೊಳಿಸಲಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಕಳೆದ ತಿಂಗಳಲ್ಲಿ ಗೃಹ ಸಚಿವಾಲಯದ ಆದೇಶದ ಮೆರೆಗೆ ಎನ್ಎಸ್ಜಿ ಕಮಾಂಡೋ ಭದ್ರತಾ ವ್ಯವಸ್ಥೆಯನ್ನು ಕಾಶ್ಮೀರದಿಂದ ತೆರವುಗೊಳಿಸಲಾಗಿತ್ತು. ಆದರೆ ಕಣಿವೆಯಲ್ಲಿ ಭಯೋತ್ಪಾದನಾ ವಿರೋಧಿ ಕಾರ್ಯಾಚರಣೆಗಳನ್ನು ನಡೆಸುವ ಸಲುವಾಗಿ ಶೀಘ್ರದಲ್ಲೇ ಪುನಃ ನಿಯೋಜನೆಗೊಳಿಸಲಾಗುವುದು ಎಂದು ಹೇಳಲಾಗುತ್ತಿದೆ.
ಕಾಶ್ಮೀರದ ಕಣಿವೆಯಲ್ಲಿ ಭಯೋತ್ಪಾದನಾ ವಿರೋಧಿ ಕಾರ್ಯಾಚರಣೆ ನಡೆಸಲು ರಾಷ್ಟ್ರೀಯ ಭದ್ರತಾ ಸಿಬ್ಬಂದಿ(ಎನ್ಎಸ್ಜಿ) ಕಮಾಂಡೋಗಳನ್ನು ನಿಯೋಜನೆಗೊಳಿಸಲಾಗುವುದು. ’ನಮ್ಮ ಯೋಧರ ಬಳಿ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳಿವೆ ಆದರೆ ಅವರಿಗೆ ರಿಯಲ್-ಟೈಮ್ ಆಧಾರದ ಮೇಲೆ ಅಭ್ಯಾಸದ ಅಗತ್ಯವಿದೆ.’ ಎಂದು ಗೃಹ ಸಚಿವಾಲಯದ ಅಧಿಕಾರಿ ಹೇಳಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.