ಬಾಗಲಕೋಟೆ: ವೀರಶೈವ, ಲಿಂಗಾಯತರೆಲ್ಲ ಒಂದು ಎನ್ನುವುದನ್ನು ಸಾರಲು ಗುರು, ವಿರಕ್ತ ಮಠಾಧೀಶರು ಹಾಗೂ ಭಕ್ತರ ಸದ್ಭಾವನಾ ಸಮಾವೇಶಕ್ಕೆ ಶಿವಯೋಗ ಮಂದಿರ ಸಜ್ಜಾಗಿದೆ.
ಸಮಾವೇಶಕ್ಕಾಗಿ ಶಿವಯೋಗ ಮಂದಿರದಲ್ಲಿನ ಐದು ಎಕರೆ ವಿಶಾಲ ಜಾಗೆಯಲ್ಲಿ ಸಮಾವೇಶಕ್ಕೆ ವ್ಯವಸ್ಥಿತ ಸಿದ್ಧತೆ ಮಾಡಲಾಗಿದೆ. ವೇದಿಕೆ ಮೇಲೆ ಮಠಾಧೀಶರು ಹಾಗೂ ಗಣ್ಯರಿಗಾಗಿ ಸಾವಿರ ಆಸನಗಳ ವ್ಯವಸ್ಥೆ ಆಗಿದೆ.
ನಾಡಿನ ನಾನಾ ಭಾಗಗಳಿಂದ ಸಾವಿರಕ್ಕೂ ಅಧಿಕ ಮಠಾಧೀಶರು ಹಾಗೂ ಒಂದು ಲಕ್ಷಕ್ಕೂ ಅಧಿಕ ಜನ ಭಕ್ತರು ಚಾಮರಾಜ ನಗರ ಜಿಲ್ಲೆಯಿಂದ ಬೀದರ್ ವರೆಗಿನ ಪ್ರದೇಶದಿಂದ ಆಗಮಿಸಲಿದ್ದಾರೆ. ಬರುವ ಎಲ್ಲ ಭಕ್ತರಿಗೂ ಆಸನಗಳ ವ್ಯವಸ್ಥೆ ಆಗಿದೆ.
ಹೀಗೆ ರಾಜ್ಯದ ನಾನಾ ಭಾಗದಿಂದ ಬರುವ ಭಕ್ತರಿಗಾಗಿ ನಾಲ್ಕು ಕಡೆಗಳಲ್ಲಿ ಊಟದ ವ್ಯವಸ್ಥೆ ಮಾಡಲಾಗಿದೆ. ಒಂದು ಪಂಕ್ತಿಗೆ 200 ಜನ ಕುಳಿತುಕೊಂಡು ಊಟ ಮಾಡಬಹುದಾಗಿದೆ.
ಬೆಂಗಳೂರು ಮತ್ತು ಬೀದರ್‌ನಿಂದ ಬರುವವರಿಗೆ ಬನಶಂಕರಿಯಲ್ಲಿ, ವಿಜಯಪುರ ಕೊಲ್ಲಾಪುರದಿಂದ ಆಗಮಿಸುವವರಿಗೆ ಮಹಾಕೂಟದಲ್ಲಿ, ಕೊಪ್ಪಳ, ರಾಯಚೂರು ಮತ್ತು ಬಳ್ಳಾರಿಯಿಂದ ಬರುವವರಿಗೆ ಸಾಯಿಬಾಬಾ ಮಂದಿರದಲ್ಲಿ ವ್ಯವಸ್ಥೆ ಮಾಡಲಾಗಿದೆ.
ವಾಹನ ದಟ್ಟನೆ ತಡೆಯಲು ಪ್ರತ್ಯೇಕವಾಗಿ ವಾಹನಗಳ ನಿಲುಗಡೆ ವ್ಯವಸ್ಥೆ ಆಗಿದ್ದು, ಮಠಾಧೀಶರು, ಗಣ್ಯರು ಹಾಗೂ ಭಕ್ತರ ವಾಹನಗಳ ನಿಲುಗಡೆಗೆ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ.
ಇವೆಲ್ಲಕ್ಕೂ ಮುಖ್ಯವಾಗಿ ಶಿವಯೋಗ ಮಂದಿರದ ಆಯಕಟ್ಟಿನ ಸ್ಥಳಗಳಲ್ಲಿ ಭಕ್ತರಿಗಾಗಿ ಕುಡಿವ ನೀರಿನ ವ್ಯವಸ್ಥೆ ಆಗಿದೆ. ಒಟ್ಟಾರೆ ಸೋಮವಾರದ ಸಮಾವೇಶ ಯಶಸ್ವಿಗೆ ಬೇಕಾದ ಎಲ್ಲ ಅನುಕೂಲತೆಗಳು ಸಿದ್ದಗೊಂಡಿವೆ.
ವೀರಶೈವ ಲಿಂಗಾಯತ ಪ್ರತೈಕ ಧರ್ಮದ ಕುರಿತು ಕೆಲ ಮಠಾಧೀಶರು ಹಾಗೂ ರಾಜಕೀಯ ಮುಖಂಡರು ಮಾತನಾಡುತ್ತಿರುವುದು ಬೇಸರದ ಸಂಗತಿ. ಈ ಭಿನ್ನಾಭಿಪ್ರಾಯವನ್ನು ನಿವಾರಿಸಿ ನಾವೆಲ್ಲ ಒಂದೇ ಎಂದು ತೋರಿಸುವುದಕ್ಕಾಗಿಯೇ ಬಾದಾಮಿಯ ಶಿವಯೋಗ ಮಂದಿರದಲ್ಲಿ ಸೆ. ೪ ರಂದು ವೀರಶೈವ ಲಿಂಗಾಯತ ಧರ್ಮದ ಸಂಘಟನೆಗಾಗಿ ಗುರು ವಿರಕ್ತರ ಹಾಗೂ ಸದ್ಭಕ್ತರ ಸದ್ಭಾವನಾ ಸಮಾವೇಶ ಹಮ್ಮಿಕೊಳ್ಳಲಾಗಿದೆ.
– ಸಂಗನ ಬಸವ ಸ್ವಾಮೀಜಿ, ಅಧ್ಯಕ್ಷರು, ಶಿವಯೋಗ ಮಂದಿರ
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
