ನವದೆಹಲಿ: ಕೇಂದ್ರ ಸಚಿವ ಸಂಪುಟ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಶಾಸನಕ್ಕೆ ಪೂರಕವಾದ 4 ಮಸೂದೆಗಳಿಗೆ ಸೋಮವಾರ ಅನುಮೋದನೆ ನೀಡಿದ್ದು, ಕೇಂದ್ರ ಸರ್ಕಾರ ಈ ವಾರಾಂತ್ಯದಲ್ಲಿ ಈ ಮಸೂದೆಯನ್ನು ಮನಿ ಬಿಲ್ ಆಗಿ ಸಂಸತ್‌ನಲ್ಲಿ ಪರಿಚಯಿಸುವ ಸಾಧ್ಯತೆ ಇದೆ.
ಪ್ರಧಾನಿ ನರೇಂದ್ರ ಮೋದಿ ಅಧ್ಯಕ್ಷತೆಯ ಸಚಿವ ಸಂಪುಟ ಜಿಎಸ್‌ಟಿಯ ನಾಲ್ಕು ಮಸೂದೆಗಳಾದ ಕೇಂದ್ರ ಸರಕು ಮತ್ತು ಸೇವಾ ಬಿಲ್ 2017 (ಸಿ-ಜಿಎಸ್‌ಟಿ), ಇಂಟಿಗ್ರೇಟೆಡ್ ಜಿಎಸ್‌ಟಿ 2017 (ಐಜಿಎಸ್‌ಟಿ), ಕೇಂದ್ರಾಡಳಿತ ಪ್ರದೇಶಗಳ ಜಿಎಸ್‌ಟಿ ಬಿಲ್ 2017 (ಯುಟಿಜಿಎಸ್‌ಟಿ) ಮತ್ತು ಜಿಎಸ್‌ಟಿ ಬಿಲ್ 2017 (ರಾಜ್ಯಗಳಿಗೆ ಪರಿಹಾರ ಜಿಎಸ್‌ಟಿ ಬಿಲ್)ಗಳಿಗೆ ಅನುಮೋದನೆ ನೀಡಿದೆ ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.
ಜಿಎಸ್‌ಟಿ ಮಂಡಳಿ ಕಳೆದ ಎರಡು ಸಭೆಗಳಲ್ಲಿ ಈ ನಾಲ್ಕು ಶಾಸನಗಳು ಹಾಗೂ ರಾಜ್ಯ ಜಿಎಸ್‌ಟಿ (ಎಸ್-ಜಿಎಸ್‌ಟಿ) ಮಸೂದೆಗಳಿಗೆ ಅನುಮೋದನೆ ನೀಡಿದೆ. ಎಸ್‌ಜಿಎಸ್‌ಟಿ ಮಸೂದೆಯನ್ನು ಎಲ್ಲ ರಾಜ್ಯಗಳು ಶಾಸನಸಭೆಯಲ್ಲಿ ಅನುಮೋದನೆ ನೀಡಬೇಕಿದ್ದು, ಉಳಿದ ನಾಲ್ಕು ಮಸೂದೆಗಳನ್ನು ಸಂಸತ್ ಅನುಮೋದನೆ ನೀಡಬೇಕಿದೆ.
ರಾಜ್ಯಗಳು ಪ್ರತ್ಯೇಕ ರಾಜ್ಯ-ಜಿಎಸ್‌ಟಿ ಮಸೂದೆ ಹಾಗೂ ಸಂಸತ್ತು ಇತರ ಮಸೂದೆಗಳಿಗೆ ಅನುಮೋದನೆ ನೀಡಿದಲ್ಲಿ ಕೇಂದ್ರತೆರಿಗೆಗಳಾದ ಸೇವಾ ತೆರಿಗೆ ಮತ್ತು ಅಬಕಾರಿ ತೆರಿಗೆ ಹಾಗೂ ಎಲ್ಲ ರಾಜ್ಯಗಳ ವ್ಯಾಟ್ ಮತ್ತಿತರ ತೆರಿಗೆಗಳ ವಿಲೀನದೊಂದಿಗೆ ಒಂದು ರಾಷ್ಟ-ಒಂದೇ ತೆರಿಗೆ ಎಂಬ ಜಿಎಸ್‌ಟಿ ಶಾಸನ ರಚನೆ ಪ್ರಕ್ರತಿಯೆ ಪೂರ್ಣಗೊಳ್ಳಲಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
