ವಾಷಿಂಗ್ಟನ್ : ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರೊಂದಿಗೆ ಅಮೆರಿಕೆಯ ಅಧ್ಯಕ್ಷ ಇಂದು ರಾತ್ರಿ ದೂರವಾಣಿ ಮೂಲಕ ಮಾತನಾಡುತ್ತಾರೆ ಎಂದು ವೈಟ್ ಹೌಸ್ ಹೇಳಿದೆ.
ಇಂದು 1 ಗಂಟೆಗೆ (ವಾಷಿಂಗ್ಟನ್ ಡಿಸಿ ಟೈಮ್), ಅಂದರೆ ಭಾರತದ ರಾತ್ರಿ 11.30ಕ್ಕೆ ಟ್ರಂಪ್ ಭಾರತದ ಪ್ರಧಾನಿ ಮೋದಿಯವರೊಂದಿಗೆ ಮಾತನಾಡುವರು ಎಂದು ಟ್ರಂಪ್ ಅವರ ಇಂದಿನ ದಿನಚರಿಯಲ್ಲಿ ನಮೂದಾಗಿದೆಯಂತೆ.
ಪ್ರಮಾಣ ವಚನ ಸ್ವೀಕರಿಸಿದ ನಂತರ ದೂರವಾಣಿಯಲ್ಲಿ ಈಗಾಗಲೇ 4 ಜನ ವಿದೇಶಿ ನಾಯಕರೊಂದಿಗೆ ಮಾತನಾಡಿದ್ದು, ಮೋದಿ ಅವರೊಂದಿಗೆ ಮಾತನಾಡುವುದು ಬಹುಶಃ 5 ನೇ ನಾಯಕನ ಜೊತೆಯ ಮಾತು ಇದಾಗಿದೆ.
ಜ.20 ಕ್ಕೆ ಪ್ರಮಾಣ ವಚನ ಸ್ವೀಕರಿಸಿದ್ದ ಟ್ರಂಪ್, ಜ.21 ರಂದು ಕೆನಡಿಯನ್ ಪ್ರಧಾನ ಮಂತ್ರಿ ಜಸ್ಟಿನ್ ಟ್ರುಡಿವು ಮತ್ತು ಮ್ಯಾಕ್ಸಿಕ್‌ನ ಪ್ರಿಮೀಯ್ ಪೆನಾ ನಿಯಟೊ ಅವರೊಂದಿಗೆ ಮಾತನಾಡಿದ್ದಾರೆ.
ಭಾನುವಾರ ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆಟನ್ಯಾಹು ಮತ್ತು ಸೋಮವಾರ ಈಜಿಪ್ಟಿಯನ್ ಅಧ್ಯಕ್ಷ ಅಬ್ದೆಲ್ ಫತಾಹ್ ಎಲ್ ಸಿಸಿ ಅವರೊಂದಿಗೆ ಟ್ರಂಪ್ ಸಂಭಾಷಿಸಿದ್ದಾರೆ.
ವಿಶೇಷ ಎಂದರೆ ನವೆಂಬರ್ 8 ರ ಚುನಾವಣೆಯಲ್ಲಿ ಟ್ರಂಪ್ ಗೆಲುವು ಸಾಧಿಸಿದಾಗ, ಅವರನ್ನು ಅಭಿನಂದಿಸಿದ ಮೊದಲ ಐವರಲ್ಲಿ ಮೋದಿ ಪ್ರಥಮರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
