ನವದೆಹಲಿ: ಸುಮಾರು 8 ಮಿಲಿಯನ್ ಸ್ಮಾರ್ಟ್ಫೋನ್ಗಳನ್ನು ನೇರವಾಗಿ ತಲುಪಲು ಆಂಡ್ರಾಯ್ಡ್ ಕಾರ್ಯನಿರ್ವಹಣಾ ವ್ಯವಸ್ಥೆ ಇಂಡಸ್ ಒಎಸ್ ಜೊತೆ ಪಾಲುದಾರಿಕೆ ನಿರ್ವಹಿಸಿರುವುದಾಗಿ ದೇಶೀಯ ವಾಣಿಜ್ಯ ಸಂಸ್ಥೆ ಸ್ನ್ಯಾಪ್ಡೀಲ್ ಸ್ವಾಮ್ಯದ ವ್ಯಾಲೆಟ್ ಸೇವಾ ಸಂಸ್ಥೆ ಫ್ರೀಚಾರ್ಜ್ ತಿಳಿಸಿದೆ.
ಈ ಪಾಲುದಾರಿಕೆ ಅಡಿಯಲ್ಲಿ ಇಂಡಸ್ ಒಎಸ್ ತನ್ನ ಎಲ್ಲ ಗ್ರಾಹಕರು ತಮ್ಮ ಡಾಟಾ ಮತ್ತು ಕರೆ ಬಳಕೆ ಮಾಹಿತಿ ಟ್ರ್ಯಾಕ್ ಮಾಡಲು ಮತ್ತು ಫ್ರೀಚಾರ್ಜ್ ವ್ಯಾಲೆಟ್ ಮೂಲಕ ಮೊಬೈಲ್ ರೀಚಾರ್ಜ್ ಮಾಡಲು ಅನುಮತಿಸಲಿದೆ.
ಪ್ರಸ್ತುತ ಫ್ರೀಚಾರ್ಜ್ ಮೂಲಕ ಇಂಡಸ್ ಒಎಸ್ ಬಳಕೆದಾರರು ರೀಚಾರ್ಜ್ ಮಾಡಬಹುದಾಗಿದ್ದು, ಮುಂದೆ ಆನ್ಲೈನ್ ಮತ್ತು ಆಫ್ಲೈನ್ ಮೂಲಕ ಪಾವತಿ ಸೇವೆಗಳಾದ ಡಿಟಿಎಚ್ ಬಿಲ್ ಪಾವತಿ, ವಿದ್ಯುತ್ ಬಿಲ್ ಪಾವತಿ, ವ್ಯಾಪಾರ ಪಾವತಿಗಳಿಗೆ ವಿಸ್ತರಿಸಲಾಗುವುದು ಎಂದು ಫ್ರೀಚಾರ್ಜ್ ಸಿಇಒ ಗೋವಿಂದ ರಾಜನ್ ಹೇಳಿದ್ದಾರೆ.
ಅಲ್ಲದೇ ಪ್ರಾದೇಶಿಕ ಸ್ಮಾರ್ಟ್ಫೋನ್ ಬಳಕೆದಾರರಿಗೆ ಸೇವೆ ಒದಗಿಸಲು, ಇಂಡಸ್ ಒಎಸ್ ಜೊತೆ ೧೨ ಪ್ರಾದೇಶಿಕ ಭಾಷೆಗಳು ಲಭ್ಯವಾಗಲಿದೆ ಎಂದು ರಾಜನ್ ಹೇಳಿದ್ದಾರೆ.
ಭಾರತದ ಶೇ. ೯೦ರಷ್ಟು ಜನರು ಪ್ರೀಪೇಯ್ಡ್ ಬಳಕೆದಾರರಿದ್ದು, ಬಳಕೆದಾರರು ನಿಯಮಿತ ಡಾಟಾ ಬಳಕೆ ಆಫರ್ಗಳನ್ನು ಆಯ್ಕೆ ಮಾಡುತ್ತಾರೆ ಎಂದು ವಿವಿಧ ಕೈಗಾರಿಕೆಗಳು ಅಂದಾಜಿಸಿವೆ.
ಕೇವಲ 12 ತಿಂಗಳುಗಳಲ್ಲಿ 5 ಮಿಲಿಯನ್ ಬಳಕೆದಾರರನ್ನು ಗಳಿಸಿರುವ ಇಂಡಸ್ ಒಎಸ್, ಶೇ.7.6 ಶೇರುಗಳೊಂದಿಗೆ ಭಾರತದ ಎರಡನೇ ಅತಿ ದೊಡ್ಡ ಮಾರುಕಟ್ಟೆ ಶೇರು ಹೊಂದಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.