‘ಪಾಕ್ ಉಗ್ರ ರಾಷ್ಟ್ರ’ ಘೋಷಣೆಯ ಆನ್­ಲೈನ್ ಅರ್ಜಿಯನ್ನು ಆರ್ಕೈವ್­ಗೆ ಸೇರಿಸಿದ ಅಮೇರಿಕಾ!

ವಾಷಿಂಗ್ಟನ್ : ಪಾಕಿಸ್ಥಾನವನ್ನು ಉಗ್ರ ರಾಷ್ಟ್ರ ಎಂದು ಘೋಷಿಸಬೇಕೆಂಬ  ಆನ್­ಲೈನ್ ಅರ್ಜಿಯನ್ನು ಅಮೇರಿಕಾ ಆರ್ಕೈವ್­ಗೆ ಸೇರಿಸಿದೆ. ಇದರಿಂದಾಗಿ ಎಲ್ಲರಲ್ಲೂ ಅಚ್ಚರಿ ಮೂಡಿದೆ.

ವಿಶ್ವದಾದ್ಯಂತ ಪಾಕಿಸ್ಥಾನವನ್ನು ಉಗ್ರ ರಾಷ್ಟ್ರ ಎಂದು ಘೋಷಿಸಲು ಆಗ್ರಹಿಸಿದರೂ, ಅಮೇರಿಕಾ ಮಾತ್ರ ತನ್ನ ದ್ವಂದ್ವ ನಿಲುವನ್ನು ಪ್ರದರ್ಶಿಸಿದೆ.  ಪಾಕಿಸ್ಥಾನವನ್ನು ಉಗ್ರ ರಾಷ್ಟ್ರ ಎಂದು ಘೋಷಿಸುವುದರ ಬಗ್ಗೆ ಶ್ವೇತ ಭವನದ ವೆಬ್­ಸೈಟ್ ಪ್ರಾರಂಭಿಸಿದ್ದ ಆನ್­ಲೈನ್ ಅರ್ಜಿಯನ್ನು ಹಠಾತ್ತಾಗಿ ಆರ್ಕೈವ್­ಗೆ ಸೇರಿಸಿದೆ. ಇದು ಪಾಕಿಸ್ಥಾನದ ವಿರುದ್ಧ ಕಠಿಣ ನಿಲುವು ತಳೆದಿರುವಂತೆ ಪ್ರದರ್ಶಿಸುತ್ತಿದ್ದ ಅಮೇರಿಕಾದ ನಿಜ ಬಣ್ಣವನ್ನು ತೋರಿಸುವಂತೆ ಮಾಡಿದೆ !

ಪಾಕ್ ವಿರುದ್ಧದ ಆನ್­ಲೈನ್ ಅರ್ಜಿಯನ್ನು ಆರ್ಕೈವ್­ಗೆ ತಳ್ಳಲು ಕೊಟ್ಟಿರುವ ಕಾರಣವನ್ನು ಕೇಳಿದರೆ ನಿಜಕ್ಕೂ ಅಚ್ಚರಿಯಾಗುತ್ತದೆ. ಅಮೇರಿಕಾ ಕೊಟ್ಟ ಕಾರಣವೇನೆಂದರೆ,  ಆನ್­ಲೈನ್ ಅರ್ಜಿಗೆ ಕನಿಷ್ಠ ಸಂಖ್ಯೆಯ ಸಹಿ ಬಂದಿಲ್ಲ,  ಹೀಗಾಗಿ ಇದನ್ನು ಆರ್ಕೈವ್­ಗೆ ಸೇರಿಸಲಾಗಿದೆ ಎಂದು ಹೇಳಿ ಅದರ ನಿಜ ಬಣ್ಣ ಬಯಲು ಮಾಡಿದಂತಾಗಿದೆ.

ಸೆಪ್ಟೆಂಬರ್ 21 ರಂದು ಪ್ರಾರಂಭವಾಗಿದ್ದ ಆನ್­ಲೈನ್ ಅರ್ಜಿಯು ಕೇವಲ 6 ದಿನಗಳಲ್ಲೇ ಒಂದು ಲಕ್ಷ ಸಹಿಯನ್ನು ದಾಖಲಿಸಿತ್ತು.  ತದನಂತರ ಸುಮಾರು ಅರ್ಧ ಮಿಲಿಯನ್­ನಷ್ಟು ಸಹಿಗಳನ್ನು ಪಡೆದು ಗಡುವು ಮುಕ್ತಾಯವಾಗುವ ಮೊದಲೇ ಅತಿ ಹೆಚ್ಚು ಸಹಿಗಳನ್ನು ಪಡೆದಿತ್ತು. ಇದು ಅಮೇರಿಕಾ ಪಾಕಿಸ್ಥಾನವನ್ನು ಉಗ್ರ ರಾಷ್ಟ್ರ ಎಂದು ಘೋಷಿಸಲು ಬೇಕಾದಷ್ಟು ಆಗಿತ್ತು. ಆದರೆ ಪಾಕಿಸ್ಥಾನವನ್ನು ಉಗ್ರ ರಾಷ್ಟ್ರ ಎಂದು ಪ್ರಕಟಿಸಲು ದ್ವಂದ್ವ ನಿಲುವನ್ನು ತಳೆದ ಅಮೇರಿಕಾ ಅಕ್ಟೋಬರ್ 3 ರಂದು ಆನ್­ಲೈನ್ ಅರ್ಜಿಯನ್ನು ಆರ್ಕೈವ್­ಗೆ ಸೇರಿಸಿ, ಕನಿಷ್ಠ ಸಹಿಗಳೂ ಬರದಿರುವ ಹಿನ್ನಲೆಯಲ್ಲಿ ಇದನ್ನು ಇಲ್ಲಿಗೆ ಮುಕ್ತಾಯಗೊಳಿಸಲಾಗಿದೆ ಎಂಬ ಹೇಳಿಕೆಯನ್ನು ನೀಡಿದೆ.

ಒಟ್ಟಿನಲ್ಲಿ ಅಮೇರಿಕಾ ಪಾಕಿಸ್ಥಾನವನ್ನು ಭಯೋತ್ಪಾದಕ ರಾಷ್ಟ್ರ ಎಂದು ಘೋಷಿಸುವಲ್ಲಿ ತನ್ನ ದ್ವಂದ್ವ ನಿಲುವನ್ನು ವ್ಯಕ್ತಪಡಿಸಿ ಅದರ ನಿಜ ಬಣ್ಣ ಬಯಲು ಮಾಡಿದಂತಾಗಿದೆ.