ನವದೆಹಲಿ: ರಿಯೋ ಒಲಿಂಪಿಕ್ಸ್‌ನಲ್ಲಿ ಭಾಗವಹಿಸಲು ಭಾರತೀಯ ತಂಡ ಸಕಲ ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿದೆ. ಈ ತಂಡ ತಮ್ಮೊಂದಿಗೆ ಎ. ಆರ್. ರೆಹಮಾನ್ ಅವರು ಹೇಳಿದ ಸ್ಫೂರ್ತಿದಾಯಕ ಮಾತುಗಳನ್ನೂ ತೆಗೆದುಕೊಂಡು ರಿಯೋಗೆ ಪ್ರಯಾಣಿಸಲಿದೆ.
ರೆಹಮಾನ್ ರಿಯೋ ಒಲಿಂಪಿಕ್ಸ್‌ನ ನಾಲ್ಕು ಗುಡ್‌ವಿಲ್ ರಾಯಭಾರಿಗಳಲ್ಲಿ ಒಬ್ಬರು, ಇವರನ್ನು ಇಂಡಿಯಾ ಒಲಿಂಪಿಕ್ಸ್ ಕಮಿಟಿ ಆಯ್ಕೆ ಮಾಡಿದೆ.
ಭಾರತೀಯ ತಂಡಕ್ಕೆ ಫೇಸ್‌ಬುಕ್ ಮೂಲಕ ಸಂದೇಶ ನೀಡಿರುವ ರೆಹಮಾನ್, ‘ನಮ್ಮನ್ನು ಯಾವ ಶಕ್ತಿಯೂ ತಡೆಯಲಾರದು, ಶ್ರದ್ಧೆ ಮತ್ತು ಪ್ರಯತ್ನವಿದ್ದರೆ ಈ ಜಗತ್ತಲ್ಲಿ ಅಸಾಧ್ಯವೆಂಬುದು ಯಾವುದೂ ಇಲ್ಲ. ಪ್ರಯತ್ನ, ಸ್ಥಿರತೆ ಮತ್ತು ಬಿಟ್ಟು ಕೊಡದ ಮನೋಭಾವ ಅತ್ಯಂತ ಮುಖ್ಯವಾದುದು’ ಎಂದಿದ್ದಾರೆ.
‘ಒಂದು ಕಾಲದಲ್ಲಿ ಆಸ್ಕರ್, ಗ್ರ್ಯಾಮಿ ಅವಾರ್ಡ್ ಪಡೆಯುವುದು ಭಾರತೀಯರಿಗೆ ಸಾಧ್ಯವಾಗುತ್ತಿರಲಿಲ್ಲ, ಆದರೆ ಸಮಯ ಅದು ಸಾಧ್ಯವೆಂದು ಸಾಬೀತುಪಡಿಸಿದೆ’ ಎಂದು ತನ್ನ ಉದಾಹರಣೆಯನ್ನೇ ಅವರು ನೀಡಿದ್ದಾರೆ.
ಭಾರತ ಈ ಬಾರಿ ಅತೀ ಹೆಚ್ಚು ಆಟಗಾರರನ್ನು ಒಲಿಂಪಿಕ್ಸ್‌ಗೆ ಕಳುಹಿಸಿಕೊಡುತ್ತಿದೆ. ಒಟ್ಟು 121 ಆಟಗಾರರಿದ್ದು, ಅದರಲ್ಲಿ 54 ಮಹಿಳೆಯರು.
ಸಲ್ಮಾನ್ ಖಾನ್, ಸಾನಿಯಾ ಮಿರ್ಜಾ ಸೇರಿದಂತೆ ಇನ್ನಿತರರು ಪಾಲ್ಗೊಂಡಿದ್ದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
