ಮೇ 26 : ‘ಸಂಗೀತಕಂ’ ನಲ್ಲಿಯಕ್ಷಗಾನ-ಭರತನಾಟ್ಯಗಳ ಜುಗಲ್‌ಬಂದಿ

ಬೆಂಗಳೂರು : ಕಲಾಸಂಕಲ್ಪಸಂಸ್ಥೆ `ಸಂಗೀತಕಂ’ ಎಂಬ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಆಯೋಜಿಸಿದೆ. ಈ `ಸಂಗೀತಕಂ’ ಕಾರ್ಯಕ್ರಮವು ಮೇ 26ರಂದು ಬೆಂಗಳೂರಿನ ಕಮಲಾನಗರದ ಕೆಇಎ ಪ್ರಭಾತ್ ರಂಗ ಮಂದಿರದಲ್ಲಿ ನಡೆಯಲಿದೆ. ಇಬ್ಬರು ಖ್ಯಾತ ಕಲಾವಿದರಿಂದ ಯಕ್ಷಗಾನ ಮತ್ತು ಭರತನಾಟ್ಯಗಳ ಏಕವ್ಯಕ್ತಿ ಜುಗಲ್‌ಬಂದಿ! ನಡೆಯುವುದು ಈ ಕಾರ್ಯಕ್ರಮದ ವಿಶೇಷ.

ಕಲಾಸಂಕಲ್ಪ ಸಂಸ್ಥೆ ಆಯೋಜಿಸಿರುವ `ಸಂಗೀತಕಂ’ ಕಾರ್ಯಕ್ರಮದಲ್ಲಿ ಖ್ಯಾತಯಕ್ಷಗಾನ ಸ್ತ್ರೀವೇಷಧಾರಿ, ಯಕ್ಷಗಾನದ ಸ್ತ್ರೀವೇಷಕ್ಕೆ ಹೊಸ ಆಯಾಮವನ್ನೇ ನೀಡಿದ ಮಂಟಪ ಪ್ರಭಾಕರ ಉಪಾಧ್ಯ ಅವರಿಂದ ಏಕವ್ಯಕ್ತಿ ಯಕ್ಷಗಾನ ಮತ್ತು ಅಂತಾರಾಷ್ಟ್ರೀಯಖ್ಯಾತಿಯ ಭರತನಾಟ್ಯ ಕಲಾವಿದ ಪ್ರವೀಣ್ ಕುಮಾರ್ ಅವರಿಂದ `ಪಂಡರಾಪುರ’ ಎಂಬ ವಿಶೇಷ ಏಕವ್ಯಕ್ತಿ ನೃತ್ಯರೂಪಕ ನಡೆಯಲಿದೆ.

ಏಕವ್ಯಕ್ತಿ ಯಕ್ಷಗಾನ ಎಂಬ ನವನೀತ; ಮಂಟಪ ಪ್ರಭಾಕರ ಉಪಾಧ್ಯ: ಯಕ್ಷಗಾನದ ಸ್ತ್ರೀವೇಷಗಳ ಪೈಕಿ ಬಹು ಜನಪ್ರಿಯ ಮತ್ತು ಪ್ರಚಲಿತ ಹೆಸರು. ಯಕ್ಷಗಾನ ಸ್ತ್ರೀವೇಷಧಾರಿಯಾಗಿ ದಾಖಲೆ ಸೃಷ್ಟಿಸಿದವರು. ಮಂಟಪ ಉಪಾಧ್ಯರ ಸ್ತ್ರೀಪಾತ್ರ ನಿರ್ವಹಣೆಯಲ್ಲಿ ಮಂಟಪ ಅವರಿಗೆ ಮಂಟಪ ಅವರೇ ಸಾಟಿ. ಕೇವಲ ಸ್ತ್ರೀಪಾತ್ರವೊಂದನ್ನೇ ಇಟ್ಟುಕೊಂಡು ಯಕ್ಷಗಾನಕ್ಕೆ `ಏಕವ್ಯಕ್ತಿ ಯಕ್ಷಗಾನ’ ಎಂಬ ಸ್ಪರ್ಶ, ಆಯಾಮ ನೀಡುವಲ್ಲಿ ಮಂಟಪ ಅವರ ಸಾಧನೆ ಶ್ಲಾಘನೀಯ. ವಿವಿಧ ಪ್ರಸಂಗಗಳಲ್ಲಿ ತಾರಾ, ಮೇನಕೆಯಾಗಿ ಮಂಟಪ ಉಪಾಧ್ಯ ಅವರು ನಿರ್ವಹಿಸಿದ ಪಾತ್ರಗಳನ್ನು ಯಾರೂ ಮರೆಯಲು ಸಾಧ್ಯವಿಲ್ಲ.

ಭರತನಾಟ್ಯದಲ್ಲಿ ಅರಳಲಿದೆ ಪಂಡಾಪುರವೆಂಬ ಭಕ್ತಿ ಪುಷ್ಪ : ಖ್ಯಾತ ಭರತನಾಟ್ಯ ಕಲಾವಿದ ಪ್ರವೀಣ್ ಕುಮಾರ್ ಏಕವ್ಯಕ್ತಿಯಾಗಿ ನೃತ್ಯದಲ್ಲಿ `ಪಂಡರಾಪುರ’ವನ್ನು ಅನಾವರಣಗೊಳಿಸಲಿದ್ದಾರೆ. `ಚಿತ್ರಕಲಾ ಸ್ಕೂಲ್‌ಆಫ್‌ಡ್ಯಾನ್ಸ್’ ಮೂಲಕ ಭರತನಾಟ್ಯವನ್ನು ತಮ್ಮ ಶಿಷ್ಯರಿಗೆ ಧಾರೆ ಎರೆಯುತ್ತಿರುವ ಪ್ರವೀಣ್‌ಕುಮಾರ್‌ ಅಂತಾರಾಷ್ಟ್ರೀಯ ವೇದಿಕೆಗಳಲ್ಲೂ ತಮ್ಮ ನಾಟ್ಯ ಪ್ರತಿಭೆಯನ್ನು ಪ್ರದರ್ಶಿಸಿದವರು. ಉಸ್ತಾದ್ ಬಿಸ್ಮಿಲ್ಲಾ ಖಾನ್‌ಯುವ ಪುರಸ್ಕಾರ ಸೇರಿದಂತೆ ಹಲವು ಪ್ರಶಸ್ತಿ ಪುರಸ್ಕಾರಗಳಿಗೆ ಭಾಜನರಾಗಿರುವ ಪ್ರವೀಣ್ ಹಲವು ನೃತ್ಯರೂಪಗಳಲ್ಲಿ ತಮ್ಮ ನಾಟ್ಯಸಾಮರ್ಥ್ಯವನ್ನುಒರೆಗೆ ಹಚ್ಚಿದ್ದಾರೆ. ಪ್ರೇಕ್ಷಕರ ಮೆಚ್ಚುಗೆಗೆ, ಗೌರವಕ್ಕೆ ಪಾತ್ರರಾಗಿದ್ದಾರೆ.