ನವದೆಹಲಿ: ಶತಮಾನಗಳಿಂದ ಇದೇ ಮೊದಲ ಬಾರಿಗೆ ವಿಶ್ವ ಮಟ್ಟದಲ್ಲಿ ಹುಲಿಗಳ ಸಂಖ್ಯೆ ಏರಿಕೆಯಾಗುತ್ತಿದೆ, ಇದಕ್ಕೆಲ್ಲಾ ಸಕ್ರಿಯವಾಗಿ ನಡೆಯುತ್ತಿರುವ ಹುಲಿ ಸಂರಕ್ಷಣಾ ಪ್ರಯತ್ನಗಳೇ ಕಾರಣ ಎಂದು ವೈಲ್ಡ್‌ಲೈಫ್ ಗ್ರೂಪ್ ಹೇಳಿದೆ.
WWF ಮತ್ತು ಗ್ಲೋಬಲ್ ಟೈಗರ್ ಫೋರಂ ಸಂಗ್ರಹಿಸಿರುವ ಮಾಹಿತಿಯಂತೆ ವೈಲ್ಡ್ ಟೈಗರ್‌ಗಳ ಜಾಗತಿಕ ಜನಸಂಖ್ಯೆ 3,980ಕ್ಕೆ ಏರಿಕೆಯಾಗಿದೆ. 2010ರಲ್ಲಿ ಇದರ ಸಂಕ್ಯೆ 3,200 ಆಗಿತ್ತು.
ದಶಕಗಳಿಂದ ನಡೆಯುತ್ತಿದ್ದ ನಿರಂತರ ಇಳಿಕೆಯ ಬಳಿಕ ಇದೀಗ ಹುಲಿಗಳ ಸಂಖ್ಯೆ ಏರುಗತಿಯಲ್ಲಿ ಸಾಗುತ್ತಿದೆ. ಭಾರತ ಜಗತ್ತಿನ ಅರ್ಧದಷ್ಟು ಹುಲಿಗಳ ತವರಾಗಿದ್ದು, ಇದರ 18ರಾಜ್ಯಗಳಲ್ಲಿ ಸುಮಾರು 2,226 ಹುಲಿಗಳು ಓಡಾಡುತ್ತಿವೆ ಎಂದು WWF ಇಂಟರ್‌ನ್ಯಾಷನಲ್ ಪ್ರಕಟನೆಯಲ್ಲಿ ತಿಳಿಸಿದೆ.
ರಷ್ಯಾ, ಭೂತಾನ್ ಮತ್ತು ನೇಪಾಳದಲ್ಲೂ ಹುಲಿಗಳ ಸಂಖ್ಯೆಯಲ್ಲಿ ಏರಿಕೆಯಾಗಿದೆ.
ಪ್ರಧಾನಿ ನರೇಂದ್ರ ಮೋದಿ ಅವರು Asia Ministerial Conference on Tiger Conservation ನ್ನು ಎ. 12 ರಂದು ಉದ್ಘಾಟಿಸಲಿದ್ದಾರೆ. ಈ ಸಭೆಯಲ್ಲಿ ಹುಲಿಗಳ ಮೇಲಿನ ದಾಳಿ ವಿರೋಧಿ ಯೋಜನೆ, ಹುಲಿ ಸಂರಕ್ಷಣೆ ಮತ್ತಿತರ ವಿಚಾರಗಳ ಬಗ್ಗೆ ಹುಲಿಗಳ ಸಂತತಿ ಹೊಂದಿರುವ ರಾಷ್ಟ್ರಗಳ ಸಚಿವರುಗಳು ಚರ್ಚಿಸಲಿದ್ದಾರೆ.
700 ಕ್ಕೂ ಅಧಿಕ ಹುಲಿ ತಜ್ಞರು, ವಿಜ್ಞಾನಿಗಳು, ವ್ಯವಸ್ಥಾಪಕರು, ದಾನಿಗಳು, ಹುಲಿ ಸಂರಕ್ಷಣಾ ಸಂಬಂಧಿತ ಸಭೆಯಲ್ಲಿ ಭಾಗವಹಿಸಲಿದ್ದಾರೆ.
ಸ್ನೋ ಲೆಪರ್ಡ್ ಸಂತತಿ ಹೊಂದಿರುವ ರಾಷ್ಟ್ರಗಳಾದ ಭಾರತ, ಭೂತಾನ್, ಬಾಂಗ್ಲಾದೇಶ, ಮ್ಯಾನ್ಮಾರ್, ಮಲೇಷ್ಯಾ, ಕಝಕಿಸ್ಥಾನ, ನೇಪಾಳ ಮತ್ತಿತರ ರಾಷ್ಟ್ರಗಳ ಸಚಿವರು ಹಾಗೂ ಸರ್ಕಾರಿ ಅಧಿಕಾರಿಗಳು ಈ ಸಭೆಯಲ್ಲಿ ಭಾಗವಹಿಸಲಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
