ದುಬೈ: ದುಬೈಯ ವಿಶ್ವದ ಅತೀ ಎತ್ತರದ ಗಗನಚುಂಬಿ ಗೋಪುರ ಬುರ್ಜ್ ಖಲೀಫಾಗಿಂತಲೂ ಎತ್ತರದ ಮತ್ತೊಂದು ಗೋಪುರವನ್ನು ದುಬೈನಲ್ಲಿ ನಿರ್ಮಿಸಲು ಯೋಜಿಸಲಾಗಿದೆ ಎಂದು ಯುಎಇಯ ಪ್ರಖ್ಯಾತ ಡೆವೆಲಪರ್ ಇಮಾರ್ ಪ್ರಾಪರ್ಟೀಸ್ ವರದಿ ಮಾಡಿದೆ.
ಈ ವೀಕ್ಷಣಾ ಗೋಪುರದ ನಿರ್ಮಾಣ ವೆಚ್ಚ 1 ಬಿಲಿಯನ್ ಡಾಲರ್ ಇರಲಿದ್ದು, ಇದು ಬುರ್ಜ್ ಖಲೀಫಾಗಿಂತಲೂ ಎತ್ತರದ್ದಾಗಲಿದೆ ಎಂದು ಇಮಾರ್ ಪ್ರಾಪರ್ಟೀಸ್ ಅಧ್ಯಕ್ಷ ಮಹಮಮದ್ ಅಲಬ್ಬರ್ ಹೇಳಿದ್ದಾರೆ.
ಇದರ ಒಟ್ಟು ಎತ್ತರ ಮಾಪನ ನಿರ್ಮಾಣದ ಬಳಿಕ ಮಾಡಲಾಗುತ್ತಿದ್ದು, ದುಬೈನಲ್ಲಿ 2020 ರಲ್ಲಿ ನಡೆಯುವ ವಿಶ್ವ ಎಕ್ಸ್ಪೋ ವ್ಯಾಪಾರ ಉತ್ಸವಕ್ಕೂ ಮುನ್ನ ನಿರ್ಮಿಸುವ ಗುರಿ ಹೊಂದಿದೆ. ದುಬೈ ನಗರಕ್ಕೆ ಉಡುಗೊರೆಯಾಗಿ ನೀಡಲಾಗುವುದು ಎಂದು ಅಲಬ್ಬರ್ ತಿಳಿಸಿದ್ದಾರೆ.
ಸ್ವಿಸ್-ಸ್ಪ್ಯಾನಿಷ್ ವಾಸ್ತುಶಿಲ್ಪಿ ಸ್ಯಾನ್ಟಿಯಾಗೋ ಕಲಟ್ರವಾ ವಾಲ್ಸ್ ವಿನ್ಯಾಸದ ಈ ಗೋಪುರ ರೆಸ್ಟೋರೆಂಟ್ಗಳು, ಹೊಟೇಲ್ಗಳುಳ್ಳ ಮಿಶ್ರ ವ್ಯಾಪಾರಗಳ ವಿವಿಧ ಅಂತಸ್ತಿನ ಗೋಪುರವಾಗಿರಲಿದೆ ಎಂದು ಅಲಬ್ಬರ್ ಹೇಳಿದ್ದಾರೆ.
828 ಮೀಟರ್ ಎತ್ತರದ 1.5 ಬಿಲಿಯನ್ ಡಾಲರ್ ವೆಚ್ಚದ ಬುರ್ಜ್ ಖಲೀಫಾ ಗೋಪುರವನ್ನು 2010ರ ಜನವರಿಯಲ್ಲಿ ಉದ್ಘಾಟಿಸಲಾಗಿತ್ತು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.