ವಾರಣಾಸಿ: ಗ್ರಾಮೀಣ ವಿದ್ಯುದೀಕರಣ ಕಾರ್ಯಕ್ರಮದ ಅಡಿಯಲ್ಲಿ ಉತ್ತರಪ್ರದೇಶದ 1364 ಗ್ರಾಮಗಳನ್ನು ವಿದ್ಯುದೀಕರಿಸಲಾಗಿದ್ದು, ಎಲ್ಲಾ ಜನರಿಗೂ ಕೈಗೆಟಕುವ ಬೆಲೆಗೆ ಎಲ್‌ಇಡಿ ಬಲ್ಬ್ ವಿತರಿಸುವ ‘ಉಜಾಲಾ’ (ಉನ್ನತ್ ಜ್ಯೋತಿ ಎಲ್‌ಇಡಿ ಕಾರ್ಯಕ್ರಮ)ದ ಅಡಿಯಲ್ಲಿ ಉತ್ತರ ಪ್ರದೇಶದ 1364 ಹಳ್ಳಿಗಳಿಗೆ 2014 ರಿಂದ 2016ರ ವರೆಗೆ ಒಂದು ಕೋಟಿ ಎಲ್‌ಇಡಿ ಬಲ್ಬ್‌ಗಳನ್ನು ವಿತರಿಸಲಾಗಿದೆ ಎಂದು ಕೇಂದ್ರ ವಿದ್ಯುತ್ ಸಚಿವ ಪಿಯುಶ್ ಗೋಯಲ್ ಹೇಳಿದ್ದಾರೆ.
ಈ ಮೊದಲು 100 ರೂ. ದರವಿದ್ದ ಎಲ್‌ಇಡಿ ಬಲ್ಬ್‌ಗಳ ದರವನ್ನು 80 ರೂ.ಗೆ ಇಳಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.
ಜಿಲ್ಲಾ ವಿದ್ಯುತ್ ಅಭಿಯಂತ ಯೋಜನೆ ಬಿಡುಗಡೆ ಮಾಡಿದ ಅವರು, ಈ ಯೋಜನೆ ಜಿಲ್ಲಾ ವಿದ್ಯುತ್ ಸಮಿತಿಗಳ ಕಾರ್ಯಗಳನ್ನು ಬಲಪಡಿಸಲಿದೆ. ಸರ್ಕಾರ ಶೀಘ್ರದಲ್ಲೇ ಗ್ರಾಮ ವಿದ್ಯುತ್ ಅಭಿಯಂತಗಳನ್ನೂ ಅಭಿವೃದ್ಧಿಪಡಿಸಲಿದೆ ಎಂದು ಪಿಯುಶ್ ಗೋಯಲ್ ಹೇಳಿದ್ದಾರೆ.
ವಾರಣಾಸಿಯಲ್ಲಿ ರಾಷ್ಟ್ರೀಯ ವಿದ್ಯುತ್‌ಶಕ್ತಿ ಉಳಿತಾಯ ಫ್ಯಾನ್ ಯೋಜನೆ ಬಿಡುಗಡೆಗೊಳಿಸಿದ ಅವರು, ಗ್ರಾಹಕರಿಗೆ 50 ವ್ಯಾಟ್‌ನ ಬಿಇಇ 5 ಸ್ಟಾರ್ ಸೀಲಿಂಗ್ ಫ್ಯಾನ್‌ಗಳನ್ನು ವಿತರಿಸಲಾಗುವುದು. ಇದರಿಂದ ಗ್ರಾಹಕರ ವಿದ್ಯುತ್ ಬಿಲ್ ದರ ಇಳಿಕೆಯಾಗಲಿದೆ. ಉತ್ತರಪ್ರದೇಶದ ವಿದ್ಯುತ್ ಉಳಿತಾಯ ಫ್ಯಾನ್ ಯೋಜನೆ ದೇಶದಲ್ಲೇ ಎರಡನೆಯದಾಗಿದೆ ಎಂದು ಪಿಯುಶ್ ಗೋಯಲ್ ಹೇಳಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
