ನವದೆಹಲಿ: ರಿಲಯನ್ಸ್ ಜಿಯೋ ಇನ್ಫೋಕಾಂ 10 kb ಡಾಟಾ 0.5 ಪೈಸೆಗೆ ನೀಡಲಿದೆ. ಇದು ಇತರ ಟೆಲಿಕಾಂ ಸೇವಾದಾರರಾದ ಭಾರ್ತಿ ಏರ್ಟೆಲ್, ವೊಡಾಫೋನ್, ಐಡಿಯಾ ಸೆಲ್ಯುಲರ್ ನೀಡುತ್ತಿರುವ 4 ಪೈಸೆ ಪ್ರತಿ 10 kb ಡಾಟಾ ದರಗಳಿಗಿಂತ ಕಡಿಮೆ ಇರಲಿದೆ ಎಂದು ರಿಲಯನ್ಸ್ ಜಿಯೋ ಹೇಳಿದೆ.
ದೆಹಲಿಯಾದ್ಯಂತ ರಿಲಯನ್ಸ್ ಡಿಜಿಟಲ್ ಎಕ್ಸ್‌ಪ್ರೆಸ್ ಸಿಮ್ ಕಾರ್ಡ್ ಕಿಟ್ ಪ್ರಕಾರ, ಇತರ ಕಂಪೆನಿಗಳ ಮಾರುಕಕಟ್ಟೆ ದರಗಳನ್ನು ಹೋಲಿಸಿದರೆ ರಿಲಯನ್ಸ್ ಜಿಯೋ ಸ್ಥಳೀಯ ಹಾಗೂ ಎಸ್‌ಟಿಡಿ ಕರೆಗಳಿಗೆ 2 ಪೈಸೆ ಪ್ರತಿ ಸೆಕೆಂಡ್, ಎಸ್‌ಎಮ್‌ಎಸ್‌ಗಳಿಗೆ 1 ರೂ. ಹಾಗೂ ಅಂತಾರಾಷ್ಟ್ರೀಯ ಎಸ್‌ಎಮ್‌ಎಸ್‌ಗಳಿಗೆ 5 ರೂ., ವೀಡಿಯೋ ಕಾಲ್ 5 ಪೈಸೆ ಪ್ರತಿ ಸೆಕೆಂಡ್ ಮೂಲ ದರಗಳಲ್ಲಿ ನೀಡುತ್ತಿದೆ.
ಓರ್ವ ಇಂಟರ್ನೆಟ್ ಬಳಕೆದಾರನಿಗೆ ಒಂದು ಆಡಿಯೋ ಸ್ಟ್ರೀಮ್ ಮಾಡಲು 1 MB ಹಾಗೂ ಯೂಟ್ಯೂಬ್‌ನಲ್ಲಿ ಒಂದು ಗಂಟೆ ಕಾಲದ ವೀಡಿಯೋ ಸ್ಟ್ರೀಮಿಂಗ್ ಮಾಡಲು ಕನಿಷ್ಟ 440 MB ಅಗತ್ಯವಾಗುತ್ತದೆ.
ರಿಲಯನ್ಸ್ ಜಿಯೋದ ಈ ಮೂಲ ದರಗಳು ಮಾರುಕಟ್ಟೆಯಲ್ಲಿ ಲಭ್ಯವಿರುವ ಇತರ ಡಾಟಾ ಪ್ಯಾಕ್‌ಗಳಿಗಿಂತ ಭಿನ್ನವಾಗಿದೆ. ಆದರೆ ಈ ದರಗಳು ಡಾಟಾ ಪ್ಯಾಕ್ ರಹಿತ ಗ್ರಾಹಕರಿಗೆ ಮಾತ್ರ ಲಭ್ಯವಾಗಲಿದೆ.
ಏರ್‌ಟೆಲ್‌ನ 28 ದಿನಗಳ 1 GB ಡಾಟಾ ಪ್ಯಾಕ್ ದರ 259 ರೂ. ಆಗಿದ್ದರೆ ಆದೇ ವೋಡಾಫೋನ್ ದರ 257 ರೂ. ಆಗಿದೆ.
ದೆಹಲಿಯಾದ್ಯಂತ ರಿಲಯನ್ಸ್ ಡಿಜಿಟಲ್ ಎಕ್ಸ್‌ಪ್ರೆಸ್ ಸ್ಟೋರ್‌ಗಳು ಎಲ್‌ವೈಎಫ್ ಬ್ರಾಂಡ್‌ನ ಸ್ಮಾರ್ಟ್‌ಫೋನ್‌ಗಳ ಜೊತೆಗೆ ರಿಲಯನ್ಸ್ ಜಿಯೋ 4ಜಿ ಸಿಮ್‌ಗಳನ್ನು ಹೊಂದಿವೆ. ಆದರೆ ಸದ್ಯ ಈ ಸಿಮ್ ಕಾರ್ಡ್‌ಗಳ ಮಾರಾಟಕ್ಕೆ ಯಾವುದೇ ಸೂಚನೆ ದೊರೆತಿಲ್ಲ ಎಂದು ಕಾರ್ಯನಿರ್ವಾಹಕರು ತಿಳಿಸಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
