ನವದೆಹಲಿ: ಸ್ಮಾರ್ಟ್‌ಫೋನ್ ಬಳಕೆದಾರರನ್ನು ಆಕರ್ಷಿಸುವ ಗುರಿಯೊಂದಿಗೆ ಸಾರ್ವಜನಿಕ ಪ್ರಸಾರಕ ದೂರದರ್ಶನ ನಾಲ್ಕು ಮೆಟ್ರೋ ಸೇರಿದಂತೆ 16 ನಗರಗಳಲ್ಲಿ ಮೊಬೈಲ್ ಫೋನ್ ಟಿವಿ ಸೇವೆಗಳನ್ನು ಆರಂಭಿಸಿದೆ.
ಟಿವಿ ಪ್ರಸಾರಕ ದೂರದರ್ಶನ್‌ನ ಡಿಜಿಟಲ್ ಟೆರೆಸ್ಟ್ರಿಯಲ್ ಟೆಲಿವಿಷನ್ ಸರ್ವೀಸಸ್ 16 ನಗರಗಳಲ್ಲಿ ಫೆ.25ರಿಂದ ಮೊಬೈಲ್ ಬಳಕೆದಾರರಿಗೆ ಮೊಬೈಲ್ ಟಿವಿ ಆರಂಭಿಸಿದೆ. ದೆಹಲಿ, ಮುಂಬಯಿ, ಕೋಲ್ಕತಾ, ಚೆನ್ನೈ, ಗುವಾಹಟಿ, ಪಾಟ್ನಾ, ರಾಂಚಿ, ಕಟಕ್, ಲಕ್ನೌ, ಜಲಂಧರ್, ರಾಯ್ಪುರ, ಇಂದೋರ್, ಔರಂಗಾಬಾದ್, ಭೋಪಾಲ್, ಬೆಂಗಳೂರು ಹಾಗೂ ಅಹ್ಮದಾಬಾದ್‌ಗಳಲ್ಲಿ ಸೇವೆ ಆರಂಭಿಸಲಾಗಿದೆ ಎಂದು ದೂರದರ್ಶನ್ ಹೇಳಿದೆ.
ಮೊಬೈಲ್ ಟಿವಿಯನ್ನು ಓಟಿಜಿ ಸ್ಮಾರ್ಟ್‌ಫೋನ್‌ಗಳು ಹಾಗೂ ಟ್ಯಾಬ್‌ಗಳಲ್ಲಿ DVB-T2 ಡಾಂಗಲ್ ಸಹಾಯದಿಂದ, ವಾಹನಗಳಲ್ಲಿ ವೈ-ಫೈ, ಬಿಲ್ಟ್- ಇನ್ DVB-T2 ಟ್ಯೂನರ್ ಅಥವಾ ಇಂಟೀಗ್ರೆಟೆಡ್ ಡಿಜಿಟಲ್ ಟಿವಿ (iDT) ಟಿವಿಗಳು ಈ ಟಿವಿ ಸೇವೆ ಪಡೆಯಪಹುದು.
ಸೋನಿ, ಪ್ಯಾನಸೋನಿಕ್, ಸ್ಯಾಮ್ಸಂಗ್ ಟಿವಿಗಳು ಐಡಿಟಿವಿ ಹೊಂದಿದ್ದು, ಡಾಂಗಲ್‌ನ್ನು ಆನ್‌ಲೈನ್ ಮಾರಾಟ ಸೈಟ್‌ಗಳಾದ ಫ್ಲಿಪ್‌ಕಾರ್ಟ್, ಸ್ನ್ಯಾಪ್‌ಡೀಲ್, ಇಬೇಗಳಲ್ಲಿ ಪಡೆಯಬಹುದು. ಫೋನ್ ಹಾಗೂ ಟ್ಯಾಬ್‌ಗಳಲ್ಲಿ ಈ ಸಾಫ್ಟ್‌ವೇರ್ ಡೌನ್‌ಲೋಡ್ ಮಾಡಿ ಡಿಡಿ ಸೇವೆ ಪಡೆಯಬಹುದು ಎಂದು ದೂರದರ್ಶನ್ ವರದಿ ತಿಳಿಸಿದೆ.
ಸಾಫ್ಟ್‌ವೇರ್ ಡೌನ್‌ಲೋಡ್ ಬಳಿಕ ಡಿಡಿ ನ್ಯಾಷನಲ್, ಡಿಡಿ ಸ್ಪೋರ್ಟ್ಸ್, ಡಿಡಿ ಕಿಸಾನ್, ಡಿಡಿ ನ್ಯೂಸ್, ಡಿಡಿ ಭಾರತಿ ಮುಂತಾದ ಡಿಡಿ ಚ್ಯಾನೆಲ್‌ಗಳನ್ನು ಉಚಿತವಾಗಿ ವೀಕ್ಷಿಸಬಹುದು ಎಂದು ಹೇಳಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
