ನ್ಯೂಯಾರ್ಕ್ : ಫೋರ್ಬ್ಸ್‌ನ ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿ ಭಾರತದ 5 ಮಹಿಳೆಯರು ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಒಟ್ಟು 1810 ಶತಕೋಟ್ಯಾಧಿಪತಿಗಳ ಪಟ್ಟಿಯಲ್ಲಿ 190 ಮಹಿಳೆಯರು ಸ್ಥಾನ ಪಡೆದಿದ್ದಾರೆ.
ಭಾರತೀಯ ಮಹಿಳೆಯರಾದ ಸಾವಿತ್ರಿ ಜಿಂದಾಲ್, ಇಂದೂ ಜೈನ್, ಸ್ಮಿತಾ ಗೋದ್ರೇಜ್, ಲೀನಾ ತಿವಾರಿ, ವಿನೋದ್ ಗುಪ್ತಾ ಇವರುಗಳು ಈ ಬಾರಿ ಫೋರ್ಬ್ಸ್ ಪಟ್ಟಿಯಲ್ಲಿದ್ದಾರೆ.
453 ನೇ ಸ್ಥಾನದಲ್ಲಿ ಸಾವಿತ್ರಿ ಜಿಂದಾಲ್ ಮತ್ತು ಕುಟುಂಬ ಸ್ಥಾನವನ್ನು ಪಡೆದಿದ್ದು, ಇವರ ಒಟ್ಟು ಆಸ್ತಿ ಮೌಲ್ಯ 3.5 ಬಿಲಿಯನ್ ಡಾಲರ್.
549 ನೇ ಸ್ಥಾನದಲ್ಲಿ ಮಾಧ್ಯಮ ಸಂಸ್ಥೆ ಬೆನ್ನೆಟ್ ಮತ್ತು ಕೋಲ್ಮನ್ ಅಂಡ್ ಕಂಪೆನಿಯ ಅಧ್ಯಕ್ಷೆ ಇಂದೂ ಜೈನ್ ಇದ್ದು, ಇವರ ಒಟ್ಟು ಆಸ್ತಿ ಮೌಲ್ಯ 3.1 ಬಿಲಿಯನ್ ಡಾಲರ್.
810 ನೇ ಸ್ಥಾನದಲ್ಲಿ ಗೋದ್ರೇಜ್ ಕಂಪೆನಿಯ ಸ್ಮಿತಾ ಗೋದ್ರೇಜ್ ಅವರಿದ್ದು, ಇವರ ಒಟ್ಟು ಆಸ್ತಿ ಮೌಲ್ಯ 2.2 ಬಿಲಿಯನ್ ಡಾಲರ್. ಇವರು ಗೋದ್ರೇಜ್ ಕಂಪೆನಿಯಲ್ಲಿ ಐದನೇ ಒಂದರಷ್ಟು ಪಾಲು ಹೊಂದಿದ್ದಾರೆ.
1067 ನೇ ಸ್ಥಾನದಲ್ಲಿ ಮಧುಮೇಹ ಮತ್ತು ಹೃದ್ರೋಗದ ಔಷಧ ತಯಾರಿಕಾ ಸಂಸ್ಥೆಯಾದ ಯುಎಸ್‌ವಿಯ ಲೀನಾ ತಿವಾರಿಯವರಿದ್ದು, ಇವರ ಒಟ್ಟು ಆಸ್ತಿ ಮೌಲ್ಯ 1.7 ಬಿಲಿಯನ್ ಡಾಲರ್.
1577 ನೇ ಸ್ಥಾನದಲ್ಲಿ ವಿದ್ಯುತ್ ಉಪಕರಣಗಳ ತಯಾರಿಕಾ ಕಂಪೆನಿ ಹ್ಯಾವೆಲ್ಸ್ ಇಂಡಿಯಾದ ಅನುರಾಧಾ ವಿನೋದ್ ಗುಪ್ತಾ ಅವರಿದ್ದು, ಇವರ ಒಟ್ಟು ಆಸ್ತಿ ಮೌಲ್ಯ 1.1 ಬಿಲಿಯನ್ ಡಾಲರ್. ಇವರು ದಿವಂಗತ ಖೀಮತ್ ರಾಯ್ ಗುಪ್ತಾ ಅವರ ಪತ್ನಿ.
ಲಾ ಓರಿಯಲ್ ಕಂಪೆನಿಯ ಲಿಲಿಯನ್ ಬೆಟನ್ ಕೋರ್ಟ್ ಮತ್ತು ಮಕ್ಕಳು ವಿಶ್ವದ ಶ್ರೀಮಂತ ಮಹಿಳೆಯರಲ್ಲಿ ಅಗ್ರಸ್ಥಾನವನ್ನು ಪಡೆದಿದ್ದು, 11 ನೇ ಸ್ಥಾನದಲ್ಲಿದ್ದಾರೆ. ಇವರ ಒಟ್ಟು ಆಸ್ತಿ ಮೌಲ್ಯ 36.1 ಬಿಲಿಯನ್ ಡಾಲರ್.
2015 ರಲ್ಲಿ 197 ಮಹಿಳೆಯರು ವಿಶ್ವದ ಶ್ರೀಮಂತರ ಪಟ್ಟಿಯಲ್ಲಿದ್ದರು. ಆದರೆ ಈ ಬಾರಿ ಇದು 190 ಕ್ಕೆ ಇಳಿದಿದೆ ಎಂದು ಫೋರ್ಬ್ಸ್ ವರದಿ ತಿಳಿಸಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
