ವಿಶ್ವಸಂಸ್ಥೆ: ಭಯಾನಕ ಭಯೋತ್ಪಾದನ ಸಂಘಟನೆ ಇಸಿಸ್‌ನೊಂದಿಗೆ ಜಗತ್ತಿನ 34 ಸಂಘಟನೆಗಳು ಕೈಜೋಡಿಸಿವೆ, 2016 ರಲ್ಲಿ ಇದರ ಸಂಖ್ಯೆ ಇನ್ನೂ ಹೆಚ್ಚಳವಾಗುವ ಅಪಾಯವಿದೆ ಎಂಬ ಸ್ಫೋಟಕ ಮಾಹಿತಿಯನ್ನು ನೀಡಿದ್ದಾರೆ ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಬಾನ್ ಕೀ ಮೂನ್.
ಫಿಲಿಫೈನ್ಸ್, ಉಜಬೇಕಿಸ್ತಾನ, ಲಿಬಿಯಾ, ಪಾಕಿಸ್ಥಾನ, ನೈಜೀರಿಯಾದಂತಹ ದೇಶಗಳಲ್ಲಿ ಇಸಿಸ್ ಸಹ ಸಂಘಟನೆಗಳ ದಾಳಿ ಹೆಚ್ಚಾಗಿದೆ. ವಿಶ್ವಸಂಸ್ಥೆಯ ಸದಸ್ಯ ರಾಷ್ಟ್ರಗಳು ಹೆಚ್ಚುತ್ತಿರುವ ದಾಳಿಗಳನ್ನು ಎದುರಿಸಲು ಸನ್ನದ್ಧವಾಗಿರಬೇಕು.
ಇಸಿಸ್ ಜಗತ್ತಿನ ಅತೀ ಹೆಚ್ಚು ಶ್ರೀಮಂತ ಉಗ್ರ ಸಂಘಟನೆಯಾಗಿದೆ. ತೈಲ ಮತ್ತು ತೈಲ ಉತ್ಪಾದನೆಯಿಂದ ಈ ಸಂಘಟನೆ 2015 ರಲ್ಲಿ ಸುಮಾರು 400-500 ಮಿಲಿಯನ್ ಯುಎಸ್‌ಡಿ ಸಂಪಾದಿಸಿದೆ. ಇರಾಕ್‌ನಲ್ಲಿನ ಕೆಲ ಬ್ಯಾಂಕ್‌ಗಳನ್ನು ದರೋಡೆ ಮಾಡಿ ಅದು ಒಂದು ಬಿಲಿಯನ್ ಡಾಲರ್ ಸಂಪಾದಿಸಿದೆ. ತನ್ನ ಸ್ವಾಧೀನದ ಪ್ರದೇಶಗಳೊಳಗೆ ಬರುವ ಟ್ರಕ್‌ಗಳಿಂದ ತೆರಿಗೆ ಸಂಗ್ರಹಿಸಿ ಅದು ವರ್ಷಕ್ಕೆ 1 ಬಿಲಿಯನ್ ಯುಎಸ್‌ಡಿ ಗಳಿಸಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
ಕೇವಲ ಎರಡೇ ವರ್ಷದಲ್ಲಿ ಇಸಿಸ್ ಇರಾಕ್ ಮತ್ತು ಸಿರಿಯಾದ ಹಲವಾರು ಭೂಭಾಗಗಳನ್ನು ಸ್ವಾಧೀನಪಡಿಸಿಕೊಂಡಿದೆ. ಅಂತಾರಾಷ್ಟ್ರೀಯ ಶಕ್ತಿಗಳು ಅವರನ್ನು ತಡೆಯಲು ಎಷ್ಟೇ ಪ್ರಯತ್ನಪಟಟ್ರು ಅವರ ಪ್ರಭಾವ ಇತರ ದೇಶಗಳಿಗೂ ವ್ಯಾಪಿಸುತ್ತಿದೆ ಎಂದು ಬಾನ್ ಅಭಿಪ್ರಾಯಪಟ್ಟಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
