ನವದೆಹಲಿ: ಸುದೀರ್ಘ ಕಾಲದ ಬಳಿಕ ಮೈಕ್ರೋಸಾಫ್ಟ್ ತನ್ನ ಸರ್ಫೇಸ್ ಟ್ಯಾಬ್ಲೆಟ್‌ನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಹೊಸ Surface Pro 4 ಟ್ಯಾಬ್ ಹಿಂದಿನ Microsoft Surface Pro 3 ಗಿಂತಲೂ ತೆಳುವಾಗಿದ್ದು, ಹಗುರವಾಗಿದೆ. ಇದರ ಬೆಲೆ ರೂ.89,990 ಎಂದು ಹೇಳಲಾಗಿದ್ದು, ಮುಂಗಡ ಆರ್ಡರ್‌ಗಳು ಆರಂಭವಾಗಿವೆ ಎಂದು ಕಂಪೆನಿ ತಿಳಿಸಿದೆ.
Microsoft Surface Pro 4 ಪ್ರತಿ ಇಂಚ್‌ಗೆ 267 ಪಿಕ್ಸೆಲ್‌ಗಳಂತೆ 12.3 ಇಂಚ್ ಸ್ಕ್ರೀನ್ ಹೊಂದಿದೆ. ಇದು 6ಜಿ ಇಂಟೆಲ್ ಕೋರ್ ಪ್ರೊಸೆಸರ್, 16 ಜಿಬಿ ರ್‍ಯಾಮ್, 1 ಟಿಬಿ ಸ್ಟೋರೇಜ್ ಸಾಮರ್ಥ್ಯ ಹೊಂದಿದೆ.
ಕ್ರೋಸಾಫ್ಟ್ ತನ್ನ Surface Pro 4 ಜೊತೆಯಲ್ಲಿ Surface Pro 3 ಭಾರತದಲ್ಲಿ ಬಿಡುಗಡೆ ಮಾಡಲಿದ್ದು, ಇದರ ಬೆಲೆ ರೂ. 73,990ದಿಂದ ಆರಂಭವಾಗಲಿದೆ ಎಂದು ತಿಳಿಸಿದೆ.
ಆ್ಯಪಲ್‌ನ MacBook Air ಗಿಂತಲೂ ಶೇ.50 ವೇಗವಾಗಿ Surface Pro 4 ಕಾರ್ಯ ನಿರ್ವಹಿಸುತ್ತದೆ ಎಂದು ಮೈಕ್ರಾಸಾಫ್ಟ್ ಹೇಳಿಕೊಂಡಿದೆ.
Surface Pro 4 ಟ್ಯಾಬ್ ಮೈಕ್ರೋಸಾಫ್ಟ್ ಹೆಲ್ಲೋ, ಸ್ವಯಂಚಾಲಿತ ಬಯೋಮೆಟ್ರಿಕ್ ಸೈನ್ ಇನ್ ಜೊತೆಗೆ ಕಾರ್ಯ ನಿರ್ವಹಿಸುತ್ತದೆ. ಬಳಕೆದಾರರು ತಮ್ಮ ಮುಖ, ಬೆರಳಚ್ಚು ಗುರುತಿಸುವಿಕೆ ಸಹಾಯದಿಂದ ಒಳಪ್ರವೇಶಿಸಬಹುದಾಗಿದೆ. ಇದನ್ನು ಮೈಕ್ರೋಸಾಫ್ಟ್ ಫೋನ್, ಲ್ಯಾಪ್‌ಟಾಪ್, ಕಂಪ್ಯೂಟರ್ ಜೊತೆ ಸಂಪರ್ಕಿಸಬಹುದು.
ಕ್ರೋಸಾಪ್ಟ್ ತನ್ನ Surface Pen ಪರಿಚಯಿಸಿದ್ದು, ಒಂದು ವರ್ಷ ಕಾಲ ಬಾಳ್ವಿಕೆಯ ಬ್ಯಾಟರಿಯೊಂದಿಗೆ 5 ವಿವಿಧ ಬಣ್ಣಗಳಲ್ಲಿ ಲಭ್ಯವಾಗಲಿದೆ. Surface Pro 4 ಹಾಗೂ Surface Book ಸಾಧನಗಳಲ್ಲಿ ವಿಂಡೋಸ್ 10 ಅಳವಡಿಸಲಾಗಿದೆ.
Surface Pro 4 ಟ್ಯಾಬ್‌ನ್ನು ಅಮೆಝಾನ್ ಇಂಡಿಯಾ ಮೂಲಕ ಆನ್‌ಲೈನ್‌ನಲ್ಲಿ ಪಡೆಯಬಹುದು ಎಂದು ಕಂಪೆನಿ ತಿಳಿಸಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
