ಮುಂಬಯಿ: ರಾಷ್ಟ್ರ ಸೇವೆಯಲ್ಲಿ ಸದಾ ಮುಂಚೂಣಿಯಲ್ಲಿರುವ ಆರ್‌ಎಸ್‌ಎಸ್‌ನ ಶಾಖೆಗಳು ದೇಶದಲ್ಲಿ ಮಾತ್ರವಲ್ಲ ವಿದೇಶದಲ್ಲೂ ಶರವೇಗದಲ್ಲಿ ಬೆಳೆಯುತ್ತಿವೆ. ಇದೀಗ ಬರೋಬ್ಬರಿ 39 ದೇಶಗಳಲ್ಲಿ ಅದರ ಶಾಖೆಗಳು ವಿಸ್ತರಿಸಿದೆ.
ವಿದೇಶದಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಹೆಸರನ್ನು ಹಿಂದೂ ಸ್ವಯಂಸೇವಕ್ ಸಂಘ (ಎಚ್‌ಎಸ್‌ಎಸ್)ಎಂದು ಬದಲಾಯಿಸಲಾಗಿದೆ. ವಿದೇಶಿ ನೆಲವನ್ನು ತನ್ನ ದೇಶ ಎಂದು ಪರಿಗಣಿಸಲು ಸಾಧ್ಯವಿಲ್ಲದ ಕಾರಣ ‘ರಾಷ್ಟ್ರೀಯ’ ಹೆಸರನ್ನು ‘ಹಿಂದೂ’ ಎಂದು ಬದಲಾಯಿಸಲಾಗಿದೆ. ವಿದೇಶಿದಲ್ಲಿ ಕಪ್ಪು ಪ್ಯಾಂಟ್ ಮತ್ತು ಬಿಳಿ ಶರ್ಟ್ ಸಮವಸ್ತ್ರವಿದೆ. ‘ಭಾರತ್ ಮಾತಾ ಕೀ ಜೈ’ ಬದಲು ’ವಿಶ್ವ ಧರ್ಮ್ ಕೀ ಜೈ’ ಎಂಬ ಘೋಷಣೆಯನ್ನು ಇಡಲಾಗಿದೆ.
ಕೀನ್ಯಾದ ಮೊಂಬಾಝದಲ್ಲಿ ಮೊದಲ ಶಾಯನ್ನು ಆರ್‌ಎಸ್‌ಎಸ್ ತೆರೆದಿತ್ತು. ಆದರೀಗ ಯುಕೆ, ಯುಎಸ್‌ಎ, ಮೊರೆಶಿಯಸ್‌ ಸೇರಿದಂತೆ 39 ದೇಶಗಳಲ್ಲಿ ಶಾಖೆಗಳಿವೆ. ವಿಶೇಷವೆಂದರೆ ಇದರಲ್ಲಿ ಐದು ಮಿಡಲ್ ಈಸ್ಟ್ ದೇಶಗಳೂ ಸೇರಿವೆ. ಇಲ್ಲಿ ಸಾರ್ವಜನಿಕವಾಗಿ ಶಾಖೆ ನಡೆಸಲು ಅವಕಾಶವಿಲ್ಲವಾದ್ದರಿಂದ ಮನೆಯೊಳಗೆ ಶಾಖೆಗಳನ್ನು ನಡೆಸಲಾಗುತ್ತದೆ. ಫಿನ್‌ಲ್ಯಾಂಡ್‌ನಲ್ಲಿ ಆನ್‌ಲೈನ್ ಮೂಲಕ ಶಾಖೆಗಳನ್ನು ನಡೆಸಲಾಗುತ್ತದೆ.
ನೇಪಾಳದಲ್ಲಿ ಆರ್‌ಎಸ್‌ಎಸ್ ಹೆಚ್ಚಿನ ಶಾಖೆಗಳನ್ನು ಹೊಂದಿದೆ, ಅದರ ಬಳಿಕ ಅಮೆರಿಕಾ, ಇಲ್ಲಿ 145 ಶಾಖೆಗಳಿವೆ. ಯುಕೆನಲ್ಲಿ 48 ಶಾಖೆಗಳಿವೆ. ಮುಂದಿನ ವರ್ಷ ಇಲ್ಲಿ ಅದು 50 ವರ್ಷಗಳನ್ನು ಪೂರೈಸಲಿದೆ. ವಿದೇಶದಲ್ಲಿರುವ ಚಿನ್ಮಯ ಮತ್ತು ರಾಮಕೃಷ್ಣ ಮಿಶನ್‌ನೊಂದಿಗೆ ಸೇರಿ ಹಲವಾರು ಕಾರ್ಯಕ್ರಮಗಳಲ್ಲಿ ಎಚ್‌ಎಸ್‌ಎಸ್ ಭಾಗಿಯಾಗುತ್ತದೆ ಎಂದು ಸ್ವಯಂಸೇವಕ ಸುಬ್ರಹ್ಮಣ್ಯನ್ ಮಾಹಿತಿ ನೀಡುತ್ತಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
