ನ್ಯೂಯಾರ್ಕ್: ಭಯೋತ್ಪಾದಕ ಸಂಘಟನೆ ಇಸಿಸ್ ನಿರ್ನಾಮ ಮಾಡುವುದರ ಜೊತೆಗೆ, ಅದರ ನಾಯಕರನ್ನು ಹತ್ಯೆಗೈಯುವ ಮೂಲಕ ಮಧ್ಯ ಪ್ರಾಚ್ಯದ ಪ್ರದೇಶಗಳನ್ನು ಮರಳಿ ಪಡೆಯುತ್ತೇವೆ ಎಂದು ಅಮೇರಿಕ ಅಧ್ಯಕ್ಷ ಬರಾಕ್ ಒಬಾಮಾ ಹೇಳಿದ್ದಾರೆ.
ಅಮೇರಿಕ ಹಾಗೂ ಅದರ ಮಿತ್ರ ರಾಷ್ಟ್ರಗಳು ಇರಾಕ್ ಮತ್ತು ಸಿರಿಯಾದಲ್ಲಿ ತೀವ್ರಗಾಮಿ ಇಸಿಸ್ ವಿರುದ್ಧ ಹೋರಾಡಲಿದೆ. ಆದರೆ ಇದಕ್ಕೆ ವೇಗದ ಪ್ರಗತಿ ಅಗತ್ಯವಿದೆ ಎಂದು ಅವರು ಹೇಳಿದ್ದಾರೆ.
’ಯು ಆರ್ ನೆಕ್ಸ್ಟ್’ ಎನ್ನುವ ಮೂಲಕ ಒಬಾಮಾ ಇಸಿಸ್ ನಾಯಕರಿಗೆ ನೇರ ಎಚ್ಚರಿಕೆ ರವಾನಿಸಿದ್ದಾರೆ. ಅಮೇರಿಕದ ವಿಶೇಷ ಸೇನಾ ಪಡೆಗಳು ಸಿರಿಯಾದಲ್ಲಿದ್ದು, ಅಲ್ಲಿನ ಸ್ಥಳೀಯ ಗುಂಪುಗಳೊಂದಿಗೆ ಇಸಿಸ್ ಸಂಘಟನೆಯನ್ನು ಹೊಡೆದೊಡಿಸಲು ಹಾಗೂ ರಾಕಾ ಪ್ರದೇಶದಲ್ಲಿ ಇಸಿಸ್‌ನ ಸ್ವಯಂ ಘೋಷಿತ ರಾಜಧಾನಿಯನ್ನು ಹಿಂಪಡೆಯುವಲ್ಲಿ ಕಾರ್ಯನಿರತವಾಗಿವೆ.
ಇರಾಕಿ ಪಡೆಗಳು ಫಲ್ಲುಜ್ ಸುತ್ತುವರಿದು ಆ ಪ್ರದೇಶದಿಂದ ಮೊಸುಲ್ ಕಡೆಗೆ ಬರುವ ಸರಕು ಸಾಗಣೆ ಮಾರ್ಗವನ್ನು ತಡೆದಿವೆ.
ಡಿ.2ರಂದು ಕ್ಯಾಲಿಫೋರ್ನಿಯಾದಲ್ಲಿ ಮುಸ್ಲಿಂ ದಂಪತಿಗಳು ನಡೆಸಿದ ದಾಳಿಯಲ್ಲಿ 14 ಮಂದಿ ಸಾವನ್ನಪ್ಪಿದ್ದು, ಭಯೋತ್ಪಾದನೆ ಬೆದರಿಕೆ ಹೆಚ್ಚಿದೆ. ಇದೀಗ ಅಮೇರಿಕವು ರಾಷ್ಟ್ರೀಯ ಭದ್ರತೆಗೆ ಹೆಚ್ಚಿನ ಆದ್ಯತೆ ನೀಡುವಲ್ಲಿ ಗಮನ ಹರಿಸುತ್ತಿದೆ ಎನ್ನಲಾಗಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
