ಯುನೆಸ್ಕೋ: ನಮ್ಮ ಜಗತ್ತು ವಿಶ್ವಸಂಸ್ಥೆಯಿಂದಾಗಿ ಉತ್ತಮ ಸ್ಥಿತಿಯಲ್ಲಿದೆ ಮುಂದೆಯೂ ಉತ್ತಮವಾಗಿಯೇ ಇರುತ್ತದೆ. ಭವಿಷ್ಯದಲ್ಲಿ ಶಾಂತಿಯುತ ಮತ್ತು ಸಮೃದ್ಧ ಜಗತ್ತನ್ನು ಸೃಷ್ಟಿಗೊಳಿಸುವುದು, ಎಲ್ಲರ ಧ್ವನಿಯೂ ಗಟ್ಟಿಯಾಗುವಂತೆ ಮಾಡುವುದು ನಮ್ಮ ಒಗ್ಗಟ್ಟಿನ ಗುರಿ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.
ಫ್ರಾನ್ಸ್ ಪ್ರವಾಸದಲ್ಲಿರುವ ಅವರು ಶುಕ್ರವಾರ ಯುನೆಸ್ಕೋ ಹೆಡ್ ಕ್ವಾಟರ್‌ಗೆ ಭೇಟಿಯಿತ್ತು ಮಾತನಾಡಿದರು. ಈ ಸಂಸ್ಥೆಯ 70ನೇ ವರ್ಷಾಚರಣೆಯ ಸಂದರ್ಭ ಇಲ್ಲಿಗೆ ಭೇಟಿಯಿತ್ತಿರುವುದು ನನ್ನ ಸೌಭಾಗ್ಯ ಎಂದರು.
ಎಲ್ಲರಿಗೂ ಗುರುತಿಸುವಿಕೆ ಇದೆ, ಎಲ್ಲಾ ಸಂಸ್ಕೃತಿಗಳೂ ಉದ್ಯಾನವನದಲ್ಲಿನ ಹೂವುಗಳಂತೆ, ಪ್ರತಿಯೊಬ್ಬ ಮಾನವ ಜೀವಿಯ ಬದುಕಿಗೂ ಘನತೆ ಇದೆ, ಪ್ರತಿ ಮಗುವಿಗೂ ಭವಿಷ್ಯದ ಅವಕಾಶಗಳಿವೆ ಎಂದ ಅವರು, ಯುನೆಸ್ಕೋದಂತೆ ಸೇವೆ ಮಾಡುವ ಸಂಸ್ಥೆ ಬೇರೊಂದಿಲ್ಲ ಎಂದರು.
ಪ್ರತಿಯೊಬ್ಬ ನಾಗರಿಕನ ಹಕ್ಕು ಮತ್ತು ನ್ಯಾಯವನ್ನು ರಕ್ಷಿಸಲು ನಾವು ಬದ್ಧರಾಗಿದ್ದೇವೆ. ಎಲ್ಲಾ ನಂಬಿಕೆ, ಸಂಸ್ಕೃತಿ, ಜನಾಂಗದವರಿಗೂ ನಮ್ಮ ಸಮಾಜದಲ್ಲಿ ಸಮಾನ ಸ್ಥಾನವಿದೆ. ನಮ್ಮ ಪರಂಪರೆಯಲ್ಲಿ ಶಿಕ್ಷಣಕ್ಕೆ ಮಹತ್ವದ ಸ್ಥಾನವಿದೆ ಎಲ್ಲಾ ಪ್ರಜೆಗಳೂ ಕೈಜೋಡಿಸಿದಾಗ ಮಾತ್ರ ಸಮಾಜ ಬಲಿಷ್ಠಗೊಳ್ಳುತ್ತದೆ ಎಂದರು.
ಶಿಕ್ಷಣ ಮತ್ತು ವಿಜ್ಞಾನ, ಭಾರತ ಪರಂಪರೆಯನ್ನು ಕಾಪಾಡಲು ಸಹಕಾರ ನೀಡುತ್ತಿರುವ ಯುನೆಸ್ಕೋಗೆ ನಾವು ಸದಾ ಚಿರಋಣಿಗಳು ಎಂದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
