ಬಿಬಿಸಿಯ ವಿಶ್ವದ ಮಹತ್ವಾಕಾಂಕ್ಷಿ 100 ಮಹಿಳೆಯರಲ್ಲಿ 7ಭಾರತೀಯರು

ನವದೆಹಲಿ :ಬಿಬಿಸಿಯು  ವಿಶ್ವದಾದ್ಯಂತ ಇರುವ ಪ್ರಭಾವಿ 100 ಮಹತ್ವಾಕಾಂಕ್ಷಿ ಮಹಿಳೆಯರ ಪಟ್ಟಿಯನ್ನು ತಯಾರಿಸಿದ್ದು ಭಾರತದ 7 ಮಹಿಳೆಯರು ಅದರಲ್ಲಿ ಸ್ಥಾನ ಪಡೆದಿದ್ದಾರೆ.

ಪ್ರತಿ ವರ್ಷ ಬಿಬಿಸಿಯು ಪ್ರಪಂಚದಾದ್ಯಂತ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಯನ್ನು ಮಾಡಿದ ಮಹಿಳೆಯರನ್ನು ಆಯ್ಕೆ ಮಾಡುತ್ತದೆ. ರಾಜಕೀಯ, ವಿಜ್ಞಾನ, ಕಲೆ ಹಾಗೂ ಜನಪ್ರಿಯತೆ ಹೊಂದಿರದಿದ್ದರೂ ಸ್ಫೂರ್ತಿ ನೀಡುವಂತಹ ಕೆಲಸಗಳನ್ನು ಮಾಡಿರುವ ಮಹಿಳೆಯರನ್ನು ಕೂಡಾ ಆಯ್ಕೆ ಮಾಡುತ್ತದೆ.

ಈ ವರ್ಷದ ಮಹತ್ವಾಕಾಂಕ್ಷಿ ಮಹಿಳೆಯರ ಪಟ್ಟಿಯು ಬುಧವಾರ ಬಿಡುಗಡೆಗೊಂಡಿದ್ದು ಈ ಪಟ್ಟಿಯಲ್ಲಿ ಭಾರತದ ಆಶಾ ಭೋಂಸ್ಲೆ, ರಿಂಪಿ ಕುಮಾರಿ, ಸ್ಮೃತಿನಾಗ್‌ಪಾಲ್, ಮುಮ್ತಾಜ್ ಶೇಖ್, ಕನ್ನಿಕಾ ಟೆಕ್ರಿವಾಲಾ, ಸಾನಿಯಾ ಮಿರ್ಜಾ, ಕಾಮಿನಿ ಸ್ಥಾನ ಪಡೆದಿದ್ದಾರೆ.

ಆಶಾ ಭೋಂಸ್ಲೆ ತನ್ನ ಸಂಗೀತ ಕ್ಷೇತ್ರದ ಸಾಧನೆಗೆ ಸ್ಥಾನ ಪಡೆದಿದ್ದು, 1000 ಕ್ಕಿಂತಲೂ ಹೆಚ್ಚಿನ ಚಲನಚಿತ್ರಗಳಲ್ಲಿ ಹಾಡನ್ನು ಹಾಡಿರುವುದಕ್ಕಾಗಿ ಅವರು ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.

ರಿಂಪಿ ಕುಮಾರಿಯವರು ಕೃಷಿಕರಾಗಿದ್ದು ಅವರ ಸೋದರಿ ಕರಮ್‌ಜಿತ್ ಅವರೊಂದಿಗೆ ತನ್ನ ತಂದೆಯ ನಿಧನದ ಬಳಿಕ ೩೨ ಎಕರೆ ಭೂಮಿಯಲ್ಲಿ ಕೃಪಿಯನ್ನು ಮಾಡುತ್ತಿದ್ದಾರೆ.

ಸ್ಮೃತಿನಾಗ್‌ಪಾಲ್ ರವರು ವಿಶ್ವದ ಅತೀ ದೊಡ್ಡ ಸಂಜ್ಞ್ಯ ಭಾಷೆಯ ಸಂಸ್ಥೆಯಾದ ಅತುಲ್ಯಕಲಾದಲ್ಲಿ ಸಂಜ್ಞ್ಯ ಭಾಷೆಯ ಅರ್ಥವ್ಯಾಖ್ಯಾನಕಾರರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಮುಮ್ತಾಜ್ ಶೇಖ್‌ರವರು ಮಹಿಳೆಯರಿಗಾಗಿ ಶೌಚಾಲಯ ನಿರ್ಮಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದ್ದಲ್ಲದೆ ಮುಂಬೈ ನಗರದಲ್ಲಿ ೯೦ ಶೌಚಾಲಯಗಳು ಮಹಿಳೆಯರ ಉಪಯೋಗಕ್ಕಾಗಿ ನಿರ್ಮಿಸಿದ್ದು ಇವರ ಸಾಧನೆ.

ಕನ್ನಿಕಾ ಟೆಕ್ರಿವಾಲಾ ಕ್ಯಾನ್ಸರ್ ಪೀಡಿತೆಯಾಗಿದ್ದರೂ ಅವರು ಹೆಲಿಕಾಪ್ಟರ್ ಮತ್ತು ಜೆಟ್‌ಗಳನ್ನು ಮಾರಕಟ್ಟೆ ಮಾಡುವಲ್ಲಿ ಯಶಸ್ವಿಯಾಗಿದ್ದರು.

ಸಾನಿಯಾ ಮಿರ್ಜಾ ಅವರು ಟೆನ್ನಿಸ್ ಕ್ಷೇತ್ರದಲ್ಲಿ ಸಾಧನೆ ಮಾಡಿದ್ದಕ್ಕಾಗಿ ಆಯ್ಕೆಯಾಗಿದ್ದಾರೆ.

ಕಾಮಿನಿಯವರು ಸಿನಿಮಾ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದಕ್ಕಾಗಿ ಆಯ್ಕೆಗೊಂಡಿದ್ದಾರೆ.