ಲಂಡನ್: ವೈವಿಧ್ಯತೆಯು ಭಾರತದ ವಿಶೇಷತೆ, ಶಕ್ತಿ ಮತ್ತು ಹೆಮ್ಮೆಯ ವಿಷಯವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. ಯುನೈಟೆಡ್ ಕಿಂಗ್‌ಡಮ್‌ನ ಪ್ರಧಾನಿ ಡೇವಿಡ್ ಕ್ಯಾಮರೂನ್ ಉಪಸ್ಥಿತಿಯಲ್ಲಿ ಲಂಡನ್‌ನ ವೆಂಬ್ಲೆ ಕ್ರೀಡಾಂಗಣದಲ್ಲಿ ಸುಮಾರು 60 ಸಾವಿರ ಅನಿವಾಸಿ ಭಾರತೀಯರನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ ಅವರು ಸಿಖ್ ಸಮುದಾಯ ಮತ್ತು ಭಾರತೀಯ ಸೂಫಿ ಸಂಪ್ರದಾಯವಾದಿಗಳ ಮಹಾನ್ ಕೊಡುಗೆಯನ್ನು ಸ್ಮರಿಸಿದರು. ಅಲ್ಲಿನ ಸಿಖ್ ಸಮುದಾಯದವರೊಂದಿಗೆ ಭೇಟಿ ಮಾಡಿದ ಮೋದಿ, ಅವರ ನೋವು, ಸಮಸ್ಯೆಗಳನ್ನು ಪರಿಹರಿಸುವ ಕೆಲಸ ಭಾರತ ಮಾಡುತ್ತಿದೆ ಎಂದು ಹೇಳಿದ್ದಾರೆ.
ಭಾರತದ ದೃಷ್ಟಿಕೋನವನ್ನು ಪ್ರತಿಪಾದಿಸಿದ ಅವರು, ಶಿಕ್ಷಣಕ್ಕಾಗಿ ೫೦ಕ್ಕೂ ಅಧಿಕ ಆಪ್‌ಗಳನ್ನು ಉಚಿತವಾಗಿ ಹಂಚಿದ ರಾಜಸ್ಥಾನದ ಅಲ್ವಾರ್‌ನ ಇಮ್ರಾನ್ ಖಾನ್ ಅವರನ್ನು ಈ ಸಂದರ್ಭ ನೆನಪಿಸಿಕೊಂಡರು. ಜಾಗತಿಕ ಯಶಸ್ಸು ಕಂಡ ’ಸೆಲ್ಫೀ ವಿತ್ ಡಾಟರ್’ ಮೂಲಕ ’ಬೇಟಿ ಬಚಾವೋ ಬೇಟಿ ಪಢಾವೋ’ ಆಂದೋಲನಕ್ಕೆ ಬೆಂಬಲಿಸಿದ ಹರಿಯಾಣದ ಓರ್ವ ಸರಪಂಚ್‌ನನ್ನು ಅವರು ಈ ವೇಳೆ ಸ್ಮರಿಸಿದರು.
ವಿಶ್ವದ ಹಲವು ಧರ್ಮದ ಜನರು ಭಾರತದಲ್ಲಿ ಅತ್ಯಧಿಕ ಸಂಖ್ಯೆಯಲ್ಲಿ ನೆಲೆಸಿದ್ದಾರೆ. ಅವರು ಹೋದಲೆಲ್ಲಾ ಭಾರತದ ಅನೇಕ ಮೌಲ್ಯಗಳನ್ನು ತಮ್ಮ ಜೊತೆ ಒಯ್ಯುತ್ತಿದ್ದು, ಅವರು ಭಾರತದ ಮಹಾನ್ ರಾಯಭಾರಿಗಳಾಗಿದ್ದಾರೆ ಎಂದು ಹೇಳಿದರು.
ಭಾರತ ಸರ್ಕಾರದ ಹಲವು ಉಪಕ್ರಮಗಳ ಕುರಿತು ವಿವರಿಸಿದ ಮೋದಿ ಅವರು ಭಾರತದ ಪ್ರಮುಖ ಯೋಜನೆಯಾದ ಸ್ವಚ್ಛ ಭಾರತ ಅಭಿಯಾನ ಜನರ ಜೀವನದಲ್ಲಿ ಬದಲಾವಣೆ ತರುವ ಕಾರ್ಯ ಮಾಡುತ್ತಿದೆ ಎಂದು ಹೇಳಿದರು. ’ಸೋಲಾರ್ ಅಲಾಯನ್ಸ್’ ಮೂಲಕ ಆರ್ಥಿಕ ಸೌರ ಶಕ್ತಿ ಪೀಳಿಗೆಯನ್ನು ಹೊಂದುವ ಗುರಿ ಹೊಂದಿದೆ ಎಂದು ಹೇಳಿದರು.
ಭಾರತವು ದಿನಪತ್ರಿಕೆಗಳಲ್ಲಿ, ಟಿವಿಗಳಲ್ಲಿ ಕಾಣಿಸುವುದಕ್ಕಿಂತ ವಿಶಾಲವಾದ ರಾಷ್ಟ್ರವಾಗಿದೆ ಎಂದು ಅವರು ಹೇಳಿದರು.
ಕಿಕ್ಕಿರಿದ ವೆಂಬ್ಲೆ ಕ್ರೀಡಾಂಗಣ, ಮಾತು ಮಾತಿಗೂ ಚಪ್ಪಾಳೆ, ಮೋದಿ ಮೋದಿ ಎನ್ನುವ ಕಲರವ ಬ್ರಿಟನ್‌ನಲ್ಲೂ ಮೋದಿ ಅಲೆಯನ್ನು ಕಂಡಿತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
