ನವದೆಹಲಿ: ಗ್ರೀಸ್ನ ಪ್ರಮುಖ ಬ್ಯಾಂಕ್ ಯುರೋಬ್ಯಾಂಕ್ ಭಾರತದ UPI ವ್ಯವಸ್ಥೆಯನ್ನು ಬಳಸಿಕೊಂಡು ಕ್ರಾಸ್-ಬಾರ್ಡರ್ ರೆಮಿಟೆನ್ಸ್ (ಹಣ ಕಳುಹಿಸುವಿಕೆ) ಸೇವೆಯನ್ನು ಪ್ರಾರಂಭಿಸಿದೆ. ಇದು ಯುರೋಪಿನಲ್ಲಿ ಮೊದಲ ಬಾರಿಗೆ ಯಾವುದೇ ಬ್ಯಾಂಕ್ UPI ಮೂಲಕ ಭಾರತಕ್ಕೆ ನೇರ ಹಣ ಕಳುಹಿಸುವ ಸೌಲಭ್ಯವಾಗಿದೆ.
ಈ ಸೇವೆಯಿಂದ ಹಣವು ತಕ್ಷಣ ಅಥವಾ ನಿಜ ಸಮಯದಲ್ಲಿ (near real-time) ಭಾರತದ UPI ಖಾತೆಗೆ ತಲುಪುತ್ತದೆ. ಸಾಂಪ್ರದಾಯಿಕ ವಿಧಾನಗಳಿಗಿಂತ ಬಹಳ ಕಡಿಮೆ ಶುಲ್ಕ ಇದಕ್ಕೆ ತಗಲುತ್ತದೆ. 24×7 ಸೌಲಭ್ಯ ಇದಾಗಿದ್ದು, ವರ್ಷದುದ್ದಕ್ಕೂ ಯಾವುದೇ ಸಮಯದಲ್ಲಿ ಹಣ ಕಳುಹಿಸಬಹುದು.
ಪ್ರಸ್ತುತ ಇದು ಗ್ರೀಸ್ನಲ್ಲಿರುವ ಭಾರತೀಯರಿಗೆ ಲಭ್ಯ (ಯುರೋಬ್ಯಾಂಕ್ ಖಾತೆ ಹೊಂದಿರುವವರಿಗೆ). ಸದ್ಯದಲ್ಲೇ ಸೈಪ್ರಸ್ನಲ್ಲೂ ಪ್ರಾರಂಭವಾಗಲಿದೆ.
ಯುರೋಬ್ಯಾಂಕ್ ಮುಂಬೈನಲ್ಲಿ ತನ್ನ ಮೊದಲ ಪ್ರತಿನಿಧಿ ಕಚೇರಿಯನ್ನು ತೆರೆಯುತ್ತಿದೆ. ಇದು ಭಾರತ-ಯುರೋಪ್ ವ್ಯಾಪಾರ ಸಂಬಂಧಗಳನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆ ಎಂದು ಬ್ಯಾಂಕ್ ಹೇಳಿದೆ.
ಯುರೋಬ್ಯಾಂಕ್ ಸಿಇಒ ಫೋಕಿಯಾನ್ ಕರವಿಯಾಸ್ ಈ ಬಗ್ಗೆ ಮಾಹಿತಿ ನೀಡಿದ್ದು, “UPI ತಂತ್ರಜ್ಞಾನವನ್ನು ಬಳಸಿಕೊಂಡು ಗ್ರೀಸ್ನಲ್ಲಿರುವ ಭಾರತೀಯ ಸಮುದಾಯಕ್ಕೆ ಸುಲಭ, ವೇಗದ ಮತ್ತು ಕಡಿಮೆ ವೆಚ್ಚದ ಸೇವೆ ಒದಗಿಸುತ್ತಿದ್ದೇವೆ. ಭಾರತದ NPCI International ಜೊತೆಗಿನ ಒಪ್ಪಂದದ ಫಲಿತಾಂಶವಾಗಿ ಈ ಸೇವೆ ಲಭ್ಯವಾಗಿದೆ. UPI ಈಗ ಜಾಗತಿಕ ಮಟ್ಟದಲ್ಲಿ ವಿಸ್ತರಣೆ ಹೊಂದುತ್ತಿದೆ” ಎಂದಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
