“ಕೇಜ್ರಿವಾಲ್‌ ಅವರ ಶೀಶ್ ಮಹಲ್ ಸಾರ್ವಜನಿಕ ವೀಕ್ಷಣೆಗೆ ಮುಕ್ತಗೊಳಿಸಲಾಗುವುದು”- ಅಮಿತ್‌ ಶಾ

ನವದೆಹಲಿ: ಕೇಂದ್ರ ಗೃಹ ಸಚಿವ ಅಮಿತ್ ಶಾ ಸೋಮವಾರ ದೆಹಲಿಯ ಮಾಜಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ಅವರ ನಿವಾಸ ‘ಶೀಶ್ ಮಹಲ್’ ಅನ್ನು ಸಾರ್ವಜನಿಕ ವೀಕ್ಷಣೆಗೆ ಮುಕ್ತಗೊಳಿಸಲಾಗುವುದು ಎಂದು ಪ್ರತಿಪಾದಿಸಿದ್ದಾರೆ.

ಜಂಗ್ಪುರ ವಿಧಾನಸಭಾ ಕ್ಷೇತ್ರದಲ್ಲಿ ಚುನಾವಣಾ ಸಮಾವೇಶವನ್ನುದ್ದೇಶಿಸಿ ಮಾತನಾಡಿದ ಶಾ, ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ವಿರುದ್ಧ ವಾಗ್ದಾಳಿ ನಡೆಸಿದರು, ದೆಹಲಿಯ ಮಾಜಿ ಸಿಎಂ ಒಂದೇ ಮನೆಯಲ್ಲಿ ಇದ್ದು ತೃಪ್ತರಾಗಲಿಲ್ಲ, ಅದಕ್ಕಾಗಿ ಅವರು ‘ಶೀಶ್ ಮಹಲ್’ ಅನ್ನು ನಿರ್ಮಿಸಿದರು ಎಂದು ಆರೋಪಿಸಿದರು.

‘ಶೀಶ್ ಮಹಲ್’ ಗೆ ದೆಹಲಿಯ ಜನರಿಗೆ ಸೇರಿದ 51,000 ಕೋಟಿ ರೂ. ಖರ್ಚು ಮಾಡಲಾಗಿದೆ ಎಂದು ಶಾ ಹೇಳಿದ್ದಾರೆ.

“2013 ರಲ್ಲಿ, ಕೇಜ್ರಿವಾಲ್ ಮುಖ್ಯಮಂತ್ರಿಯಾದ ನಂತರ ಮನೆ, ಕಾರು ಅಥವಾ ಭದ್ರತೆಯನ್ನು ತೆಗೆದುಕೊಳ್ಳುವುದಿಲ್ಲ ಎಂದು ಹೇಳುತ್ತಿದ್ದರು. ಆದರೆ ಅವರು ಒಂದು ಕಾರು ಮತ್ತು ಬಂಗಲೆಯನ್ನೂ ತೆಗೆದುಕೊಂಡರು. ಅವರು ಒಂದೇ ಮನೆಯಿಂದ ತೃಪ್ತರಾಗಲಿಲ್ಲ, ಆದ್ದರಿಂದ ಅವರು ‘ಶೀಶ್ ಮಹಲ್’ ಅನ್ನು ನಿರ್ಮಿಸಿದರು. ಅದಕ್ಕೆ ವ್ಯಯಿಸಿದ  51,000 ಕೋಟಿ ರೂ. ಯಾರಿಗೆ ಸೇರಿದೆ? ಅದು ದೆಹಲಿಯ ಜನರಿಗೆ ಸೇರಿದೆ. ನಾವು ‘ಶೀಶ್ ಮಹಲ್’ ಅನ್ನು ಸಾರ್ವಜನಿಕ ವೀಕ್ಷಣೆಗೆ ತೆರೆಯುತ್ತೇವೆ ಎಂದು ನಾನು ಭರವಸೆ ನೀಡುತ್ತೇನೆ. ಕೇಜ್ರಿವಾಲ್ ಕೋಟ್ಯಂತರ ರೂಪಾಯಿಗಳ ಭ್ರಷ್ಟಾಚಾರದಲ್ಲಿ ತೊಡಗಿದ ನಂತರ, ಅವರನ್ನು ಮತ್ತೆ ಅಧಿಕಾರಕ್ಕೆ ಆಯ್ಕೆ ಮಾಡಬೇಕೇ?” ಎಂದು ಶಾ ಪ್ರಶ್ನೆ ಮಾಡಿದ್ದಾರೆ.

#DelhiElection2025 | Addressing an election rally in Jangpura, Union Home Minister Amit Shah says, "…In 2013, Kejriwal used to say he would not take a house, car or security after becoming CM. But he took a car and bungalow also. He was not satisfied with one house, so he… pic.twitter.com/dPbRgdzcqh

— ANI (@ANI) February 3, 2025