ಇಂದು ಕಲಾಂ ಜನ್ಮದಿನ: ʼವಿಶ್ವ ವಿದ್ಯಾರ್ಥಿಗಳ ದಿನʼ ಆಚರಣೆ

ನವದೆಹಲಿ: ಅಕ್ಟೋಬರ್ 15, 1931 ರಂದು, ತಮಿಳುನಾಡಿನ ರಾಮೇಶ್ವರಂ ಎಂಬ ಚಿಕ್ಕ ಹಳ್ಳಿಯಲ್ಲಿ ಜನಿಸಿದ ಡಾ. ಎಪಿಜೆ ಅಬ್ದುಲ್‌ ಕಲಾಂ ಅವರು ಭಾರತ ಕಂಡ ಮಹಾನ್‌ ಸಾಧಕರಲ್ಲಿ ಒಬ್ಬರಾಗಿ ರಾರಾಜಿಸಿದರು. ಭಾರತದ 11 ನೇ ರಾಷ್ಟ್ರಪತಿಯಾಗಿ, ಮಹಾನ್‌ ವಿಜ್ಞಾನಿಯಾಗಿ, ಶಿಕ್ಷಕನಾಗಿ ಅವರು ಈ ದೇಶಕ್ಕೆ ನೀಡಿದ ಕೊಡುಗೆ ಅಪ್ರತಿಮವಾದುದು. ಅವರ ಜನ್ಮದಿನವನ್ನು ಇಂದು ದೇಶ ಅತ್ಯಂತ ಪ್ರೀತಿಯಿಂದ ಆಚರಿಸುತ್ತಿದೆ, ಅವರ ಕೊಡುಗೆಗಳನ್ನು ಶ್ಲಾಘಿಸುತ್ತಿದೆ.

ಅ.15 ಅನ್ನು ಕಲಾಂ ಅವರ ಗೌರವಾರ್ಥ “ವಿಶ್ವ ವಿದ್ಯಾರ್ಥಿಗಳ ದಿನ”ವನ್ನಾಗಿಯೂ ಆಚರಿಸಲಾಗುತ್ತದೆ. ಕಲಾಂ ಅವರಿಗೆ ವಿದ್ಯಾರ್ಥಿಗಳೆಂದರೆ ಅಚ್ಚುಮೆಚ್ಚು. ಶಿಕ್ಷಣದ ಬಗ್ಗೆ, ವಿದ್ಯಾರ್ಥಿಗಳನ್ನು ಜ್ಞಾನವಂತರನ್ನಾಗಿ ಮಾಡುವ ಬಗ್ಗೆ, ಅವರಿಗೆ ಸ್ಪೂರ್ತಿ ನೀಡುವ ಬಗ್ಗೆ ಹೆಚ್ಚು ಒಲವನ್ನು ಹೊಂದಿದ್ದರು. ಕೊನೆಯ ಉಸಿರು ಇರುವವರೆಗೂ ನಾನು ಶಿಕ್ಷಕನಾಗಿರುತ್ತೇನೆ ಎಂದು ಕಲಾಂ ಹೇಳುತ್ತಿದ್ದರು. ಅಲ್ಲದೇ ಶಿಕ್ಷಕನಾಗಿಯೇ ಗುರುತಿಸಿಕೊಳ್ಳುವುದು ಅವರ ಇಚ್ಛೆಯೂ ಆಗಿತ್ತು.

ವಿದ್ಯಾರ್ಥಿಗಳ ಮೇಲಿನ ಕಲಾಂ ಅವರ ಪ್ರೀತಿ ಮತ್ತು ಶಿಕ್ಷಣದ ಬಗ್ಗೆ ಅವರಿಗಿದ್ದ ಮಹತ್ವಾಕಾಂಕ್ಷೆಯನ್ನು ಗುರುತಿಸಲು ವಿಶ್ವ ವಿದ್ಯಾರ್ಥಿಗಳ ದಿನವನ್ನು ಅವರ ಹುಟ್ಟುಹಬ್ಬದಂದೇ ಆಚರಿಸಲಾಗುತ್ತದೆ.  ಬಾಹ್ಯಾಕಾಶ ವಿಜ್ಞಾನಿಯಾಗಿ, ಶಿಕ್ಷಕನಾಗಿ, ರಾಷ್ಟ್ರಪತಿಯಾಗಿ ಅವರು ನೀಡಿದ ಕೊಡುಗೆಗೆ ಭಾರತೀಯರು ಸದಾ ಚಿರರುಣಿಗಳಾಗಿರುತ್ತಾರೆ.

सुप्रसिद्ध वैज्ञानिक और पूर्व राष्ट्रपति डॉ. एपीजे अब्दुल कलाम जी को उनकी जयंती पर आदरपूर्ण श्रद्धांजलि। उनका विजन और चिंतन विकसित भारत के संकल्प की सिद्धि में देश के बहुत काम आने वाला है। pic.twitter.com/g36gwh94Y9

— Narendra Modi (@narendramodi) October 15, 2024