ನವದೆಹಲಿ: ಜರ್ಮನಿಯ ನ್ಯೂರೆಂಬರ್ಗ್‌ನಲ್ಲಿ ನಡೆದ ಐದು ದಿನಗಳ ಅಂತರರಾಷ್ಟ್ರೀಯ ಆಟಿಕೆ ಮೇಳದಲ್ಲಿ ಭಾರತೀಯ ಆಟಿಕೆ ತಯಾರಕರು ಭಾಗವಹಿಸಿ ಉತ್ತಮ ಗುಣಮಟ್ಟದ ಉತ್ಪನ್ನಗಳನ್ನು ಪ್ರದರ್ಶಿಸಿದ್ದಾರ. ಇದರಿಂದಾಗಿ ಅವರಿಗೆ ಕೋಟ್ಯಂತರ ಮೌಲ್ಯದ ದೊಡ್ಡ ಆರ್ಡರ್‌ಗಳು ದೊರೆತಿವೆ ಎಂದು ಮೂಲಗಳು ತಿಳಿಸಿವೆ.
ಯುಎಸ್, ಯುಕೆ, ದಕ್ಷಿಣ ಆಫ್ರಿಕಾ ಮತ್ತು ಜರ್ಮನಿಯಂತಹ ದೇಶಗಳ ಖರೀದಿದಾರರು ಭಾರತೀಯ ಉತ್ಪನ್ನಗಳಲ್ಲಿ ಆಸಕ್ತಿಯನ್ನು ತೋರಿಸಿ ಉತ್ತಮ ಸಂಖ್ಯೆಯ ಆರ್ಡರ್‌ಗಳನ್ನು ನೀಡಿದ್ದಾರೆ ಎಂದು ಆಟಿಕೆ ರಫ್ತುದಾರರು ತಿಳಿಸಿದ್ದಾರೆ.
ನ್ಯೂರೆಂಬರ್ಗ್ ಅಂತರಾಷ್ಟ್ರೀಯ ಆಟಿಕೆ ಮೇಳವು ಫೆಬ್ರವರಿ 3 ರಂದು ಮುಕ್ತಾಯವಾಯಿತು. 65 ಕ್ಕೂ ಹೆಚ್ಚು ದೇಶಗಳಿಂದ 2,000 ಕ್ಕೂ ಹೆಚ್ಚು ಪ್ರದರ್ಶಕರು ವಿಶ್ವದ ಅತಿದೊಡ್ಡ ಆಟಿಕೆ ಮೇಳಗಳಲ್ಲಿ ಭಾಗವಹಿಸಿದರು.
ಗ್ರೇಟರ್ ನೋಯ್ಡಾ ಮೂಲದ ಲಿಟಲ್ ಜೀನಿಯಸ್ ಟಾಯ್ಸ್ ಪ್ರೈವೇಟ್ ಲಿಮಿಟೆಡ್ ಸಿಇಒ ನರೇಶ್ ಕುಮಾರ್ ಗೌತಮ್ ಮಾತನಾಡಿ, ”ನಮ್ಮ ಉತ್ಪನ್ನಗಳಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಮರದ ಶಿಕ್ಷಣ ಆಟಿಕೆಗಳು ಅಥವಾ ಮೃದು ಆಟಿಕೆಗಳಿಗೆ ಭಾರೀ ಬೇಡಿಕೆ ದೊರೆತಿದೆ. ಚೀನಾ ಆಟಿಕೆಗಳ ಬಗ್ಗೆ ಬಲವಾದ ಚೀನಾ ವಿರೋಧಿ ಭಾವನೆ ಇತ್ತು ಮತ್ತು ಭಾರತೀಯ ಆಟಿಕೆಗಳು ಮೆಚ್ಚುಗೆ ಪಡೆದವು. ಭಾರತದ ಸುಮಾರು 60 ಸಂಸ್ಥೆಗಳು ಭಾಗವಹಿಸಿದ್ದವು.’ ಆಟಿಕೆ ತಯಾರಿಕೆಗಾಗಿ ಭಾರತದಲ್ಲಿ ಲಿಟಲ್ ಜೀನಿಯಸ್ ಜೊತೆ ಜಂಟಿ ಉದ್ಯಮಗಳನ್ನು ಸ್ಥಾಪಿಸಲು ಎರಡು-ಚೀನೀ ಸಂಸ್ಥೆಗಳು ತೀವ್ರ ಆಸಕ್ತಿಯನ್ನು ವ್ಯಕ್ತಪಡಿಸಿವೆ ಎಂದು ಅವರು ಹೇಳಿದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
