ಜಕಾರ್ತದಿಂದ ಹಿಂದಿರುಗುವಾಗ ಸಿಂಗಾಪುರಕ್ಕೆ ಭೇಟಿ ನೀಡಿದ ರಾಜನಾಥ್‌ ಸಿಂಗ್

ನವದೆಹಲಿ: ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಇಂಡೋನೇಷ್ಯಾದಿಂದ ಹಿಂದಿರುಗುವ ಸಂದರ್ಭದಲ್ಲಿ ಶನಿವಾರ ಸಿಂಗಾಪುರಕ್ಕೆ ಸಂಕ್ಷಿಪ್ತ ಭೇಟಿ ನೀಡಿದರು.

ಸಿಂಗಾಪುರದಲ್ಲಿ, ಸಿಂಗ್ ಅವರು ಇಂಡಿಯನ್‌ ನ್ಯಾಷನಲ್‌ ಆರ್ಮಿ (ಐಎನ್‌ಎ) ಮಾರ್ಕರ್‌ಗೆ  ಪುಷ್ಪಗುಚ್ಛ ಅರ್ಪಿಸುವ ಮೂಲಕ ನೇತಾಜಿ ಸುಭಾಸ್ ಚಂದ್ರ ಬೋಸ್ ಅವರಿಗೆ ಗೌರವ ಸಲ್ಲಿಸಿದರು ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.

ರಕ್ಷಣಾ ಸಚಿವರು ಇಂಡೋನೇಷಿಯಾದ ರಾಜಧಾನಿ ಜಕಾರ್ತಕ್ಕೆ ಎರಡು ದಿನಗಳ ಭೇಟಿ ನೀಡಿ 10 ರಾಷ್ಟ್ರಗಳ ಆಸಿಯಾನ್ (ಆಗ್ನೇಯ ಏಷ್ಯಾ ರಾಷ್ಟ್ರಗಳ ಒಕ್ಕೂಟ) ಮತ್ತು ಅದರ ಕೆಲವು ಸಂವಾದ ಪಾಲುದಾರರ ಸಭೆಯಲ್ಲಿ ಭಾಗವಹಿಸಿದರು.

“ಇಂಡೋನೇಷ್ಯಾ ಪ್ರವಾಸವನ್ನು ಮುಗಿಸಿದ ನಂತರ, ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಭಾರತಕ್ಕೆ ಹಿಂದಿರುಗುವಾಗ, ನವೆಂಬರ್ 18 ರಂದು ಸಿಂಗಾಪುರಕ್ಕೆ ಸಂಕ್ಷಿಪ್ತ ಭೇಟಿ ನೀಡಿದರು” ಎಂದು ಸಚಿವಾಲಯ ತಿಳಿಸಿದೆ.

”ಸಿಂಗಾಪೂರ್‌ನ ಐಎನ್‌ಎ ಸ್ಮಾರಕಕ್ಕೆ ಗೌರವ ಸಲ್ಲಿಸಿದೆ. ಐಎನ್‌ಎಯ ‘ಅಜ್ಞಾತ ಯೋಧರಿಗೆ’ ನನ್ನ ಹೃತ್ಪೂರ್ವಕ ನಮನಗಳು,” ಎಂದು ಸಿಂಗ್ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

1995 ರಲ್ಲಿ, ಸಿಂಗಾಪುರದ ರಾಷ್ಟ್ರೀಯ ಪರಂಪರೆ ಮಂಡಳಿಯು ಮೂಲ ಸ್ಮಾರಕದ ಸ್ಥಳದಲ್ಲಿಯೇ INA ಮಾರ್ಕರ್ ಅನ್ನು ಸ್ಥಾಪಿಸಿತು ಎಂದು ಸಚಿವಾಲಯವು ಹೇಳಿಕೆಯಲ್ಲಿ ತಿಳಿಸಿದೆ.

ರಕ್ಷಣಾ ಸಚಿವರು ವಿಷ್ಣುವಿಗೆ ಸಮರ್ಪಿತವಾದ ಶ್ರೀ ಶ್ರೀನಿವಾಸ ಪೆರುಮಾಳ್ ದೇವಸ್ಥಾನದಲ್ಲಿ ಪ್ರಾರ್ಥನೆ ಸಲ್ಲಿಸಿದರು, ಇದು 1855 ರ ಸಿಂಗಾಪುರದ ಅತ್ಯಂತ ಹಳೆಯ ಹಿಂದೂ ದೇವಾಲಯಗಳಲ್ಲಿ ಒಂದಾಗಿದೆ.

Feeling blessed after offering prayers at Sri Srinivasa Perumal temple in Singapore. pic.twitter.com/EWZpiAgqKJ

— Rajnath Singh (@rajnathsingh) November 18, 2023

Paid homage at the INA Memorial marker in Singapore. My heartfelt tributes to the ‘Unknown Warriors’ of the INA. pic.twitter.com/lXnz2R8AlG

— Rajnath Singh (@rajnathsingh) November 18, 2023