ಶ್ರೀಲಂಕಾ: ಜಾಫ್ನಾದ ಖ್ಯಾತ ನಲ್ಲೂರು ಕಂದಸ್ವಾಮಿ ದೇಗುಲಕ್ಕೆ ನಿರ್ಮಲಾ ಸೀತಾರಾಮನ್‌ ಭೇಟಿ

ಜಾಫ್ನಾ: ಶ್ರೀಲಂಕಾ ಭೇಟಿಯಲ್ಲಿರುವ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಜಾಫ್ನಾದಲ್ಲಿರುವ ಹೆಸರಾಂತ ನಲ್ಲೂರು ಕಂದಸ್ವಾಮಿ ಕೋವಿಲ್‌ಗೆ ಭೇಟಿ ನೀಡಿ ಪೂಜೆ ಸಲ್ಲಿಸಿದರು. ದ್ವೀಪ ರಾಷ್ಟ್ರಕ್ಕೆ ಅವರ ಮೂರು ದಿನಗಳ ಅಧಿಕೃತ ಪ್ರವಾಸ ಈ ಭೇಟಿಯು ಭಾರತ ಮತ್ತು ಶ್ರೀಲಂಕಾ ನಡುವಿನ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಬಂಧಗಳನ್ನು ಪುನರುಚ್ಚರಿಸುತ್ತದೆ.

ನಿರ್ಮಲಾ ಸೀತಾರಾಮನ್ ಅವರ ಸಚಿವಾಲಯವು ಟ್ವಿಟ್‌ ಮಾಡಿ, “ಶ್ರೀಮತಿ ನಿರ್ಮಲಾ ಸೀತಾರಾಮನ್‌ ಅವರ ಶ್ರೀಲಂಕಾಕ್ಕೆ ಮೂರು ದಿನಗಳ ಅಧಿಕೃತ ಭೇಟಿಯ ಸಂದರ್ಭದಲ್ಲಿ ಜಾಫ್ನಾದಲ್ಲಿರುವ ನಲ್ಲೂರು ಕಂದಸ್ವಾಮಿ ಕೋವಿಲ್‌ಗೆ ಭೇಟಿ ನೀಡಿದ್ದಾರೆ” ಎಂದು ಹೇಳಿದೆ.

ನಲ್ಲೂರ್ ಕಂದಸ್ವಾಮಿ ಕೋವಿಲ್ ಅನ್ನು ನಲ್ಲೂರ್ ಮುರುಗನ್ ಕೋವಿಲ್ ಎಂದೂ ಕರೆಯಲಾಗುದೆ, ಇದು ಶ್ರೀಲಂಕಾದ ಉತ್ತರ ಪ್ರಾಂತ್ಯದ ಜಾಫ್ನಾ ಜಿಲ್ಲೆಯ ಹೃದಯಭಾಗದಲ್ಲಿರುವ ಒಂದು ಸಾಂಪ್ರದಾಯಿಕ ಹಿಂದೂ ದೇವಾಲಯವಾಗಿದೆ. ಈ ಪವಿತ್ರ ತಾಣವು ತಮಿಳು ಹಿಂದೂ ಸಮುದಾಯಕ್ಕೆ ಅಪಾರ ಪ್ರಾಮುಖ್ಯತೆಯನ್ನು ಹೊಂದಿದೆ ಮತ್ತು ಅವರ ಸಾಂಸ್ಕೃತಿಕ ಗುರುತಿನ ಸಂಕೇತವಾಗಿ ಕಾರ್ಯನಿರ್ವಹಿಸುತ್ತದೆ.

ದೇಗುಲದ ಪ್ರಭಾವವು ಶ್ರೀಲಂಕಾದ ಗಡಿಯನ್ನು ಮೀರಿ ವಿಸ್ತರಿಸಿದೆ, ಯುರೋಪ್ ಮತ್ತು ಉತ್ತರ ಅಮೆರಿಕಾದಲ್ಲಿ ಅದೇ ಹೆಸರನ್ನು ಹೊಂದಿರುವ ದೇವಾಲಯಗಳನ್ನು ಸ್ಥಾಪಿಸಲಾಗಿದೆ, ಇವು ನಲ್ಲೂರ್ ಕಂದಸ್ವಾಮಿ ಕೋವಿಲ್‌ಗೆ ಸಂಬಂಧಿಸಿದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಸಂರಕ್ಷಿಸುತ್ತದೆ.

ದೇವಾಲಯದ ಮುಖ್ಯ ದೇವರು ಮುರುಗ, ಇದನ್ನು ಕಾರ್ತಿಕೇಯ ಎಂದೂ ಕರೆಯಲಾಗುತ್ತದೆ. ಇಲ್ಲಿರುವ ನಲ್ಲೂರು ದೀವಿಯ ವಿಗ್ರಹವನ್ನು 10 ನೇ ಶತಮಾನದಲ್ಲಿ ಚೋಳ ರಾಣಿ ಸೆಂಬಿಯನ್ ಮಹಾದೇವಿ ದೇವಾಲಯಕ್ಕೆ ಉಡುಗೊರೆಯಾಗಿ ನೀಡಿದ್ದಳು ಎನ್ನಲಾಗಿದೆ.

Smt @nsitharaman visits Nallur Kandaswamy Kovil in Jaffna during her three-day official visit to Sri Lanka. pic.twitter.com/rN7hWwtFh9

— Nirmala Sitharaman Office (@nsitharamanoffc) November 3, 2023