ಟೆಲ್ ಅವಿವ್: ಕಳೆದ ಶನಿವಾರದಂದು ಇಸ್ರೇಲಿ ಜನರ ಮೇಲೆ ಮಾರಣಾಂತಿಕ ದಾಳಿಗಳನ್ನು ಸಂಘಟಿಸಿದ್ದರ ಹಿಂದಿನ ರುವಾರಿ ಎನ್ನಲಾದ ಹಮಾಸ್ ಕಮಾಂಡೋ ಪಡೆಗಳ ಮುಖ್ಯಸ್ಥನನ್ನು ಇಂದು ದಕ್ಷಿಣ ಇಸ್ರೇಲ್‌ನಲ್ಲಿ ಕೊಂದುಹಾಕಿರುವುದಾಗಿ ಇಸ್ರೇಲಿ ರಕ್ಷಣಾ ಪಡೆಗಳು ಹೇಳಿಕೊಂಡಿವೆ.
ನುಖ್ಬಾ ಯುನಿಟ್‌ನೊಳಗಿದ್ದ ಹಮಾಸ್ ಕಮಾಂಡರ್ ಅಲಿ ಖಾದಿ ಅಥವಾ ಖಾದಿಯನ್ನು ಡ್ರೋನ್ ದಾಳಿಯಲ್ಲಿ ಗುರಿಯಾಗಿಸಿಕೊಂಡು ಕೊಂದಿರುವುದಾಗಿ IDF ವರದಿ ಮಾಡಿದೆ.
ಈ ಕಾರ್ಯಾಚರಣೆಯು ಶಿನ್ ಬೆಟ್ ಭದ್ರತಾ ಸಂಸ್ಥೆ ಮತ್ತು ಮಿಲಿಟರಿ ಗುಪ್ತಚರ ನಿರ್ದೇಶನಾಲಯದಿಂದ ವ್ಯಾಪಕವಾದ ಗುಪ್ತಚರ ಸಂಗ್ರಹಣೆಯನ್ನು ಅನುಸರಿಸಿ ನಡೆದಿದೆ. “ಅಲಿ ಖಾದಿ ಅಕ್ಟೋಬರ್ 7 ರಂದು ಇಸ್ರೇಲ್‌ನಲ್ಲಿ ನಾಗರಿಕರ ಅಮಾನವೀಯ, ಬರ್ಬರ ಹತ್ಯಾಕಾಂಡದ ನೇತೃತ್ವ ವಹಿಸಿದ್ದ. ನಾವು ಅವನನ್ನು ನಿರ್ಮೂಲನೆ ಮಾಡಿದ್ದೇವೆ. ಎಲ್ಲಾ ಹಮಾಸ್ ಭಯೋತ್ಪಾದಕರು ಅದೇ ವಿಧಿಯನ್ನು ಎದುರಿಸುತ್ತಾರೆ” ಎಂದು ಹೇಳಿದೆ.
ಇಸ್ರೇಲಿ ನಾಗರಿಕರ ಅಪಹರಣ ಮತ್ತು ಹತ್ಯೆಯಲ್ಲಿ ಭಾಗಿಯಾಗಿದ್ದ ಕಾರಣ ಖಾದಿಯನ್ನು 2005ರಲ್ಲಿ ಇಸ್ರೇಲಿ ಅಧಿಕಾರಿಗಳು ಈ ಹಿಂದೆ ಬಂಧಿಸಿದ್ದರು. 2011ರಲ್ಲಿ ಖೈದಿಗಳ ವಿನಿಮಯದ ಭಾಗವಾಗಿ ಅವನನ್ನು ಗಾಜಾ ಪಟ್ಟಿಗೆ ಬಿಡುಗಡೆ ಮಾಡಲಾಯಿತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
