ನವದೆಹಲಿ: ‘ನಮೋಹ್ 108’ ಎಂಬ ಹೊಸ ವಿಧದ ಕಮಲದ ಹೂವನ್ನು ಲಕ್ನೋ ಇನ್‌ಸ್ಟಿಟ್ಯೂಟ್ CSIR-NBRI (ರಾಷ್ಟ್ರೀಯ ಸಸ್ಯಶಾಸ್ತ್ರೀಯ ಸಂಶೋಧನಾ ಸಂಸ್ಥೆ) ಅಭಿವೃದ್ಧಿಪಡಿಸಿದೆ. ಇದು 108 ದಳಗಳನ್ನು ಹೊಂದಿದೆ ಎಂದು ಪತ್ರಿಕಾ ಮಾಹಿತಿ ಬ್ಯೂರೋ ಪ್ರಕಟಣೆ ತಿಳಿಸಿದೆ.
ಇದು ವಿಶಿಷ್ಟ ಮಾದರಿಯ ಅಂದರೆ ನೆಲುಂಬೊ ನ್ಯುಸಿಫೆರಾ ಜಾತಿಯ ಕಮಲದ ಹೂವಾಗಿದ್ದು 108 ದಳಗಳನ್ನು ಹೊಂದಿದೆ. ಇದರ ಗಾತ್ರವು ಗರಿಷ್ಠ 10 ಇಂಚು. ಇತರೆ ಕಮಲದ ಹೂವುಗಳಂತೆ ಈ ಕಮಲದ ಹೂವುಗಳು ಕೂಡ ಮನುಷ್ಯರ ಕಾಳಜಿಯೊಂದಿಗೆ ಮಾರ್ಚ್ ತಿಂಗಳಿಂದ ಡಿಸೆಂಬರ್ ವರೆಗೆ ಅರಳುತ್ತವೆ. ಈ ವೆರೈಟಿಯಲ್ಲಿ ಅಮಿನೋ ಆಸಿಡ್‍, ಪೋಲಿಫಿನೋಲ್ಸ್, ಫ್ಲವೋನೋಯ್ಡ್ಸ್, ಕೆಟೆಚಿನ್ಸ್, ಫ್ಯಾಟಿ ಆಸಿಡ್‍, ಕಾರ್ಬೊಹೈಡ್ರೇಟ್ಸ್ ಮತ್ತು ಮಿನರಲ್ಸ್ ಇವೆ.
ನಮೋಹ್ 108 ಕಮಲದ ಹೂವನ್ನು ಅವುಗಳ ರೈಜೋಮ್‍ಗಳ ಮೂಲಕ ಮತ್ತು ಬೀಜಗಳ ಮೂಲಕ ಬೆಳೆಯಬಹುದು. ಇದನ್ನು ಪಾಂಡ್‍ಗಳಲ್ಲಿ, ಟ್ಯಾಂಕ್‍ಗಳಲ್ಲಿ, ಪಾಟ್‍ಗಳಲ್ಲಿ ಬೆಳೆಸಬಹುದು.
ಇದಕ್ಕೆ ಪ್ರಧಾನಿ ಮೋದಿಯವರನ್ನು ಉಲ್ಲೇಖಿಸುವ ಹೆಸರನ್ನು ಇಡಲಾಗಿದೆ. ಕೇಂದ್ರ ಸಚಿವ ಜಿತೇಂದ್ರ ಸಿಂಗ್ ಅವರು ಈ ಕಮಲವನ್ನು ಅನಾವರಣಗೊಳಿಸಿ ಇದು ಪ್ರಧಾನಿ ಮೋದಿಯವರ ಅವಿರತ ಉತ್ಸಾಹ ಮತ್ತು ಸಹಜ ಸೌಂದರ್ಯ ವನ್ನು ಗುರುತಿಸುತ್ತದೆ. ಮೋದಿಯವರ ಸರ್ಕಾರ 10 ವರ್ಷಗಳನ್ನು ಪೂರೈಸುತ್ತಿರುವ ಸಂದರ್ಭದಲ್ಲಿ ಈ ಹೂವು ಅನಾವರಣಗೊಂಡಿದೆ ಎಂದು ಶ್ಲಾಘಿಸಿದರು.
ಈ ವೇಳೆ ಜಿತೇಂದ್ರ ಸಿಂಗ್ ಅವರು ‘ಲೋಟಸ್ ಮಿಷನ್’ ಅನ್ನು ಸಹ ಪ್ರಾರಂಭಿಸಿದರು, ಇದು “ಇತರ ಆದ್ಯತೆಯ ಯೋಜನೆಗಳಂತೆ” ಮಿಷನ್ ಮೋಡ್‌ನಲ್ಲಿ ಕೈಗೊಳ್ಳಲಾಗುತ್ತಿದೆ ಎಂದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
