ಚೀನಾದ ಸವಾಲು ಎದುರಿಸಸು ಸೇನೆ ಸದಾ ಸಿದ್ಧ: ಸಿಡಿಎಸ್‌ ಚೌವ್ಹಾಣ್

ಪುಣೆ: ಭಾರತದ ಉತ್ತರ ಗಡಿಯಲ್ಲಿ ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ ನಿಯೋಜನೆ 2020ರ ಮಟ್ಟದಲ್ಲೇ ಇದೆ, ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿಲ್ಲ ಎಂದು ರಕ್ಷಣಾ ಸಿಬ್ಬಂದಿ ಮುಖ್ಯಸ್ಥ ಜನರಲ್ ಅನಿಲ್ ಚೌಹಾಣ್ ಮಂಗಳವಾರ ಹೇಳಿದ್ದಾರೆ.

ಪುಣೆಯಲ್ಲಿ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿ 144 ನೇ ಕೋರ್ಸ್ ಪಾಸಿಂಗ್ ಔಟ್ ಪರೇಡ್ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಉತ್ತರದ ಗಡಿಗಳಲ್ಲಿ ಪಿಎಲ್‌ಎ ನಿಯೋಜನೆಯು 2020 ರಲ್ಲಿ ಅದೇ ಮಟ್ಟದಲ್ಲಿದೆ. ಚೀನಾ ಸೇನೆಯ ನಿಯೋಜನೆ ಹೆಚ್ಚಾಗುತ್ತಿಲ್ಲ. ಪರಿಸ್ಥಿತಿ ಹದಗೆಡದಂತೆ ನೋಡಿಕೊಳ್ಳಲು ಭಾರತೀಯ ಸೇನೆಯಿಂದ ಸಾಧ್ಯವಿರುವ ಎಲ್ಲ ಪ್ರಯತ್ನಗಳನ್ನು ಮಾಡಲಾಗುತ್ತಿದೆ. ಚೀನಾದ ಪ್ರತಿಯೊಂದು ಸವಾಲನ್ನು ಎದುರಿಸಲು ಸಶಸ್ತ್ರ ಪಡೆಗಳು ಸಿದ್ಧವಾಗಿವೆ. ಗಡಿ ವಿವಾದ ಬಗೆಹರಿಸುವುದು ಪ್ರತ್ಯೇಕ ವಿಚಾರ. 2020 ರ ಮೊದಲು ನಾವು ಗಸ್ತು ತಿರುಗುತ್ತಿದ್ದ ಪ್ರದೇಶಗಳಲ್ಲಿ ಯಥಾಸ್ಥಿತಿ ಕಾಯ್ದುಕೊಳ್ಳಬೇಕು, ಅದರ ಮೇಲೆ ನಮಗೆ ಹಕ್ಕು ಇದೆ ಎಂದಿದ್ದಾರೆ.

“ಚೀನಾ ಸೇನೆ ಗಡಿಯಿಂದ ಹಿಂತಿರುಗಿಲ್ಲ. ಆದ್ದರಿಂದ, ವಾಸ್ತವವಾಗಿ ಸವಾಲು ಇದೆ. ಸಶಸ್ತ್ರ ಪಡೆಗಳು ಯಾವುದೇ ಅಹಿತಕರ ಪರಿಸ್ಥಿತಿ ಉಂಟಾಗದಂತೆ ಎಲ್ಲಾ ರೀತಿಯ ಕ್ರಮಗಳನ್ನು ತೆಗೆದುಕೊಳ್ಳುತ್ತಿವೆ. ನಾವು ಎರಡು ಡೆಮ್ಚೋಕ್ ಮತ್ತು ಡೆಪ್ಸಾಂಗ್ ಪ್ರದೇಶವನ್ನು ಹೊರತುಪಡಿಸಿ ಎಲ್ಲಾ ಸ್ಥಳಗಳಿಗೆ ಮರಳಲು ಸಾಧ್ಯವಾಯಿತು. ಮಾತುಕತೆಗಳು ನಡೆಯುತ್ತಿವೆ. ಆಶಾದಾಯಕವಾಗಿ ಕಂಡುಬರುತ್ತದೆ, ನಾವು ಸಮಸ್ಯೆ ಬಗೆಹರಿಯುವ ಬಗ್ಗೆ ಭರವಸೆ ಹೊಂದಿದ್ದೇವೆ” ಎಂದು ಅವರು ಹೇಳಿದರು.