ನವದೆಹಲಿ: ವಿಶ್ವಾದ್ಯಂದ ಸುಮಾರು 200 ಕೋಟಿಗೂ ಅಧಿಕ ಬೌದ್ಧರ, ಹಿಂದೂಗಳ ಮತ್ತು ಜೈನರ ಶಾಂತಿ ಮತ್ತು ಸೌಹಾರ್ದತೆಯ ಪವಿತ್ರ ಸಂಕೇತವೆಂದು ಪರಿಗಣಿಸಲಾಗಿರುವ ಸ್ವಸ್ತಿಕದ ಮೇಲೆ ಬೆಳಕು ಚೆಲ್ಲುವ ಸಾಕ್ಷ್ಯಚಿತ್ರವನ್ನು ಯುಎಸ್ ಮೂಲದ ಹಿಂದೂ ಸಂಘಟನೆ ಶುಕ್ರವಾರ ಬಿಡುಗಡೆ ಮಾಡಿದೆ.
AKTK ಮೀಡಿಯಾದ ಸಹಭಾಗಿತ್ವದಲ್ಲಿ ಉತ್ತರ ಅಮೆರಿಕಾದ ಹಿಂದೂಗಳ ಒಕ್ಕೂಟ (CoHNA) ಬಿಡುಗಡೆ ಮಾಡಿದ ʼದಿ ಸೈಲೆನ್ಸ್‌ ಆಫ್ ಸ್ವಸ್ತಿಕʼ ಎಂಬ ಶೀರ್ಷಿಕೆಯ ಸಾಕ್ಷ್ಯಚಿತ್ರವು ದ್ವೇಷದ ಅಪರಾಧಗಳು, ನಾಜಿ ಹತ್ಯಾಕಾಂಡ ಮತ್ತು ಇತರ ಅಪರಾಧಗಳಿಗೆ ಸ್ವಸ್ತಿಕವನ್ನು ಜೋಡಿಸುತ್ತಿರುವ ಪಾಶ್ಚಿಮಾತ್ಯ ಮಾಧ್ಯಮಗಳ ಧೋರಣೆಯನ್ನು ಅಲ್ಲಗೆಳೆಯುತ್ತದೆ ಮತ್ತು ಸ್ವಸ್ತಿಕದ ನಿಜವಾದ ಅರ್ಥವನ್ನು ಪ್ರತಿಫಲಿಸುತ್ತದೆ.
“ಹಿಟ್ಲರನ ಚಿಹ್ನೆಯನ್ನು ಪಾಶ್ಚಿಮಾತ್ಯ ಜಗತ್ತಿನಲ್ಲಿ ಸ್ವಸ್ತಿಕ ಎಂದು ತಪ್ಪಾಗಿ ಕರೆಯುವ ಮೂಲಕ ನೈಜ ನಿರೂಪಣೆಯನ್ನು ಹೇಗೆ ವಿರೂಪಗೊಳಿಸಲಾಗಿದೆ ಎಂಬುದನ್ನು ಅರ್ಥಪಡಿಸಲು ಈ ಸಾಕ್ಷ್ಯಚಿತ್ರವು ಸಹಾಯ ಮಾಡುತ್ತದೆ” ಎಂದು CoHNA ಅಧ್ಯಕ್ಷ ನಿಕುಂಜ್ ತ್ರಿವೇದಿ ಹೇಳಿದ್ದಾರೆ.
ಸ್ವಸ್ತಿಕಕ್ಕೆ ಸಂಬಂಧಿಸಿದಂತೆ ಪ್ರಮುಖ ವಿಷಯದ ಕುರಿತು ಶಿಕ್ಷಣ ಮತ್ತು ಸಂಭಾಷಣೆಗಳನ್ನು ಹೆಚ್ಚಿಸಲು ಸಾಕ್ಷ್ಯಚಿತ್ರವು ಸಹಾಯ ಮಾಡುತ್ತದೆ ಎಂದು ನಾವು ಭಾವಿಸುತ್ತೇವೆ. ನಾವು 2020 ರಿಂದ ನಡೆಸುತ್ತಿರುವ ಜಾಗೃತಿ ಅಭಿಯಾನದ ಭಾಗವಾಗಿ ಸಾಕ್ಷ್ಯಚಿತ್ರ ನಿರ್ಮಿಸಿದ್ದೇವೆ ಎಂದಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
