ನವದೆಹಲಿ: ದೇಶದಲ್ಲಿನ ರೆಮ್ಡೆಸಿವಿರ್ ಕೊರತೆಯನ್ನು ನೀಗಿಸಲು ಭಾರತ ಸರ್ಕಾರವು ಇತರ ದೇಶಗಳಿಂದ ಕೋವಿಡ್‌ ಚಿಕಿತ್ಸೆಯಲ್ಲಿ ಬಳಸಲಾಗುವ ಪ್ರಮುಖ ಔಷಧಿಯಾದ ರೆಮ್ಡೆಸಿವಿರ್ ಅನ್ನು ಆಮದು ಮಾಡಿಕೊಳ್ಳಲು ಪ್ರಾರಂಭಿಸಿದೆ. 75,000 ಶೀಶೆಗಳ ಮೊದಲ ರವಾನೆ ಶುಕ್ರವಾರ ಭಾರತವನ್ನು ತಲುಪಿದೆ.
ಭಾರತ ಸರ್ಕಾರದ ಒಡೆತನದ ಕಂಪನಿಯಾದ ಎಚ್‌ಎಲ್‌ಎಲ್ ಲೈಫ್‌ಕೇರ್ ಲಿಮಿಟೆಡ್, ಮೆಸರ್ಸ್ ಗಿಲ್ಯಾಡ್ ಸೈನ್ಸಸ್ ಇಂಕ್ ಯುಎಸ್ಎ ಮತ್ತು ಈಜಿಪ್ಟ್ ಫಾರ್ಮಾ ಕಂಪನಿ, ಮೆವಾಸ್ ಇವಾ ಫಾರ್ಮಾದಿಂದ 4,50,000 ಶೀಶೆ ರೆಮ್ಡೆಸಿವಿರ್ ಅನ್ನು ಆದೇಶಿಸಿದೆ.
ಮುಂದಿನ ಒಂದು ಅಥವಾ ಎರಡು ದಿನಗಳಲ್ಲಿ ಯುಎಸ್ಎಯ ಗಿಲ್ಯಾಡ್ ಸೈನ್ಸಸ್ ಇಂಕ್ 75,000 ರಿಂದ 1,00,000 ಶೀಶೆಗಳನ್ನು ರವಾನಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಮೇ 15 ರ ಮೊದಲು ಅಥವಾ ನಂತರ ಒಂದು ಲಕ್ಷ ಡೋಸ್‌ ಅನ್ನು ಸಹ ಪೂರೈಸಲಾಗುತ್ತದೆ. ಇವಿಎ ಫಾರ್ಮಾ ಸರಿಸುಮಾರು 10,000 ಶೀಶೆಗಳನ್ನು ಪೂರೈಸುತ್ತದೆ ಮತ್ತು ನಂತರ ಪ್ರತಿ 15 ದಿನಗಳಿಗೊಮ್ಮೆ ಅಥವಾ ಜುಲೈ ವರೆಗೆ 50,000 ಶೀಶೆಗಳನ್ನು ಪೂರೈಸುತ್ತದೆ ಎಂದು ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.
ದೇಶದಲ್ಲಿ ರೆಮ್ಡೆಸಿವಿರ್ ಉತ್ಪಾದನಾ ಸಾಮರ್ಥ್ಯವನ್ನು ಸರ್ಕಾರ ಹೆಚ್ಚಿಸಿದೆ. ಏಪ್ರಿಲ್ 27 ರ ಹೊತ್ತಿಗೆ, ಏಳು ಪರವಾನಗಿ ಪಡೆದ ದೇಶೀಯ ತಯಾರಕರ ಉತ್ಪಾದನಾ ಸಾಮರ್ಥ್ಯವು ತಿಂಗಳಿಗೆ 38 ಲಕ್ಷ ಶೀಶೆಗಳಿಂದ ತಿಂಗಳಿಗೆ 1.03 ಕೋಟಿ ಶೀಶೆಗಳಿಗೆ ಏರಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
