ಸೌದಿ: ಸೌದಿ ಅರೇಬಿಯಾ ಆಡಳಿತವು ತನ್ನ ಪಠ್ಯಕ್ರಮದಲ್ಲಿ ಹಿಂದೂ ಮಹಾಕಾವ್ಯಗಳು, ಪದ್ಧತಿಗಳು, ಆಚರಣೆಗಳು ಮತ್ತು ಪುರಾಣಗಳನ್ನು ಪರಿಚಯಿಸಿದೆ. ಇನ್ನುಮುಂದೆ ಮಕ್ಕಳಿಗೆ ಅಲ್ಲಿ ರಾಮಾಯಣ, ಮಹಾಭಾರತ, ಯೋಗ ಮತ್ತು ಆಯುರ್ವೇದದ ಬಗ್ಗೆಯೂ ಕಲಿಯುವ ಅವಕಾಶ ಸಿಗಲಿದೆ.
ಧಾರ್ಮಿಕ ಅಧ್ಯಯನ ಪಠ್ಯಗಳಲ್ಲಿ ಬೌದ್ಧಧರ್ಮ ಮತ್ತು ಇತರ ಧರ್ಮಗಳ ಕುರಿತ ಅಧ್ಯಾಯಗಳೂ ಸೇರಿವೆ ಎಂಬುದು ವಿಶೇಷ. ಇದು ರಾಜಕುಮಾರ ಮೊಹಮ್ಮದ್ ಬಿನ್ ಸಲ್ಮಾನ್ ಅವರ ಮಾರ್ಗದರ್ಶನದಲ್ಲಿ ಸಿದ್ಧಪಡಿಸಿದ ವಿಷನ್ 2030 ದಾಖಲೆಯ ಒಂದು ಭಾಗವಾಗಿದೆ.
ರಾಜಕುಮಾರ ಸಲ್ಮಾನ್ ಅವರು ತಮ್ಮ ಸಾಮ್ರಾಜ್ಯ ಹೇಗೆ ಕಾರ್ಯನಿರ್ವಹಿಸಬೇಕು ಎಂಬುದರಲ್ಲಿಮಹತ್ವದ ಬದಲಾವಣೆಗಳನ್ನು ತರುವ ದೃಷ್ಟಿಯಿಂದರ ನೀತಿಗಳಲ್ಲಿ ವ್ಯಾಪಕ ಬದಲಾವಣೆಗಳನ್ನು ಜಾರಿಗೆ ತರುತ್ತಿದ್ದಾರೆ.
ಸೌದಿ ಅತಿಯಾದ ತೈಲ-ಅವಲಂಬಿತ ಆರ್ಥಿಕತೆಯನ್ನು ಹೊಂದಿದೆ. ಆದರೆ ರಾಜಕುಮಾರ ಅಲ್ಲಿ ಹೆಚ್ಚು ವೈವಿಧ್ಯಮಯ ಆರ್ಥಿಕತೆಯನ್ನು ಬಯಸುತ್ತಿದ್ದಾರೆ ಮತ್ತು ಹೆಚ್ಚು ಜಾಗತೀಕೃತ ಜಗತ್ತಿಗೆ ಯುವ ಪೀಳಿಗೆಯನ್ನು ಸಿದ್ಧಪಡಿಸಲು ಇಂಗ್ಲಿಷ್ ಭಾಷೆಯನ್ನು ಕಡ್ಡಾಯಗೊಳಿಸುತ್ತಿದ್ದಾರೆ.
ಸೌದಿ ಮೂಲದ ಯೋಗ ಶಿಕ್ಷಕ ನೌಫ್ ಅಲ್ಮಾರ್ವಾಯ್ ಅವರು ಏಪ್ರಿಲ್ 15 ರಂದು ತಮ್ಮ ಮಗುವಿನ ಪ್ರಶ್ನೆ ಪತ್ರಿಕೆಯ ಸ್ಕ್ರೀನ್ಶಾಟ್ ಅನ್ನು ಟ್ವೀಟ್ ಮಾಡಿದ್ದರು, ಇದರಲ್ಲಿ ಹಿಂದೂ ಧರ್ಮ ಮತ್ತು ಬೌದ್ಧಧರ್ಮದ ಬಗ್ಗೆ ಪ್ರಶ್ನೆಗಳಿವೆ.
ಸೌದಿ ಅರೇಬಿಯಾದಲ್ಲಿ ಯೋಗವನ್ನು ಜನಪ್ರಿಯಗೊಳಿಸಿದ್ದಕ್ಕಾಗಿ ಅಲ್ಮರ್ವಾಯ್ ಅವರಿಗೆ 2018 ರಲ್ಲಿ ಪದ್ಮಶ್ರೀ ನೀಡಲಾಯಿತು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.