ನವದೆಹಲಿ: 1.5GW ಸಾಮರ್ಥ್ಯ ಹೊಂದಿರುವ ಸೌದಿ ಅರೇಬಿಯಾದ ಅತಿ ದೊಡ್ಡ ಸೌರ ಸ್ಥಾವರ – ಸುಡೈರ್ ಸೌರ ಪಿವಿ ಯೋಜನೆಯನ್ನು ನಿರ್ಮಿಸುವ ಒಪ್ಪಂದವನ್ನು ಲಾರ್ಸೆನ್ ಮತ್ತು ಟೌಬ್ರೊ ಗೆದ್ದುಕೊಂಡಿದೆ. ಎಲ್ & ಟಿಯ ನವೀಕರಿಸಬಹುದಾದ ಇಂಧನದ ಅಂಗಸಂಸ್ಥೆಗೆ ಈ ಯೋಜನೆಯನ್ನು ನೀಡಲಾಗಿದೆ.
ಒಪ್ಪಂದದ ಮೌಲ್ಯ ಸುಮಾರು 5000-7000 ಕೋಟಿ ರೂಪಾಯಿ ಎಂದು ಮೂಲಗಳು ತಿಳಿಸಿವೆ.
ಸೌದಿಯ ಸಾರ್ವಜನಿಕ ಹೂಡಿಕೆ ನಿಧಿಯ (ಪಿಐಎಫ್) ಅಂಗಸಂಸ್ಥೆಯಾದ ಎಸಿಡಬ್ಲ್ಯೂಎ ಪವರ್ ಮತ್ತು ವಾಟರ್ ಅಂಡ್ ಎಲೆಕ್ಟ್ರಿಸಿಟಿ ಹೋಲ್ಡಿಂಗ್ ಕಂಪನಿಯ ಒಕ್ಕೂಟವು ಈ ಒಪ್ಪಂದವನ್ನು ನೀಡಿದೆ.
ಒಪ್ಪಂದವು ಇಪಿಸಿ (ಎಂಜಿನಿಯರಿಂಗ್, ಸಂಗ್ರಹಣೆ ಮತ್ತು ನಿರ್ಮಾಣ) ಪ್ರಕಾರದದ್ದಾಗಿದ್ದು, ಸೌದಿಯ ರಾಷ್ಟ್ರೀಯ ನವೀಕರಿಸಬಹುದಾದ ಇಂಧನ ಕಾರ್ಯಕ್ರಮದ (ಎನ್‌ಆರ್‌ಇಪಿ) ಭಾಗವಾಗಿರುವ ಈ ಯೋಜನೆಯನ್ನು ರಿಯಾದ್ ಪ್ರಾಂತ್ಯದಲ್ಲಿ ಸ್ಥಾಪಿಸಲಾಗುತ್ತಿದೆ.
ಲಭ್ಯವಿರುವ 30.8 ಚದರ ಕಿಲೋಮೀಟರ್ ಲ್ಯಾಂಡ್ ಪಾರ್ಸೆಲ್‌ನಲ್ಲಿ 1.5 ಜಿಡಬ್ಲ್ಯೂ ಪಿವಿ ಸೌರ ಮಾಡ್ಯೂಲ್‌ಗಳು ಮತ್ತು ಸಂಯೋಜಿತ ಸಿಂಗಲ್ ಆಕ್ಸಿಯಾಲ್ ಟ್ರ್ಯಾಕರ್ ಮತ್ತು ಇನ್ವರ್ಟರ್‌ಗಳನ್ನು ಸ್ಥಾಪಿಸಲಾಗುತ್ತದೆ. ಎಲ್ & ಟಿ ಅಭಿವೃದ್ಧಿಪಡಿಸಲು ನಿಗದಿಪಡಿಸಿರುವ ಈ ನಿರ್ದಿಷ್ಟ ಯೋಜನೆಯು ಪಿಐಎಫ್‌ಗೆ ಹಂಚಿಕೆಯಾಗಿರುವ ಸೌದಿ ಸಾಮ್ರಾಜ್ಯದ 58.7 ಜಿವ್ಯಾಟ್‌ನ ಶೇಕಡಾ 70 ರಷ್ಟು ಗುರಿ ಸಾಮರ್ಥ್ಯದ ಒಂದು ಭಾಗವಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
