ನವದೆಹಲಿ: ಪೂರ್ವ ಲಡಾಕ್‌ನಲ್ಲಿ ಮುಂದಿನ ಹಂತದ ಸೇನಾ ಹಿಂಪಡೆಯುವಿಕೆಯಲ್ಲಿ ತಲೆದೋರಿರುವ ಭಿನ್ನಾಭಿಪ್ರಾಯಗಳನ್ನು ನಿವಾರಿಸಲು ಭಾರತ ಮತ್ತು ಚೀನಾ 11 ನೇ ಸುತ್ತಿನ ಕಮಾಂಡರ್ ಮಾತುಕತೆಯನ್ನು ಚುಶುಲ್‌ನಲ್ಲಿ ಇಂದು ನಡೆಸಲಿವೆ.
ಸುಮಾರು ಎರಡು ತಿಂಗಳ ಅಂತರದ ನಂತರ, ಕಮಾಂಡರ್ ಮಟ್ಟದ ಮಾತುಕತೆ ಮತ್ತೆ ಉಭಯ ದೇಶಗಳ ನಡುವೆ ನಡೆಯುತ್ತಿದೆ. ಮಾತುಕತೆಯು ಮುಖ್ಯವಾಗಿ ಇತರ ಘರ್ಷಣೆ ಪ್ರದೇಶಗಳಲ್ಲಿನ ಸೇನಾ ಹಿಂಪಡೆಯುವಿಕೆಯ ಮೇಲೆ ಗಮನಹರಿಸಲಿದೆ. ಪ್ಯಾಂಗೊಂಗ್ ಸೇನಾ ಹಿಂಪಡೆಯುವಿಕೆಯ ನಂತರ, ಗೋಗ್ರಾ, ಹಾಟ್ ಸ್ಪ್ರಿಂಗ್ಸ್ ಮತ್ತು ಡೆಪ್ಸಾಂಗ್‌ನಂತಹ ಇತರ ಘರ್ಷಣೆ ಕೇಂದ್ರಗಳಲ್ಲಿ ಸೇನಾ ಹಿಂಪಡೆಯುವಿಕೆ ಕೈಗೊಳ್ಳಲು ಎರಡೂ ದೇಶಗಳು ಯೋಜಿಸಿವೆ.
“ಬೇಸಿಗೆಯ ಪ್ರಾರಂಭದ ಮೊದಲು, ಘರ್ಷನೆಯನ್ನು ತಗ್ಗಿಸುವ ಬಗ್ಗೆ ಚರ್ಚಿಸಲಾಗಿದೆ. ವಿಷಯಗಳನ್ನು ಸರಾಗಗೊಳಿಸುವ ಸಲುವಾಗಿ ಎರಡೂ ಕಡೆಯವರು ಮೂಲ ಸ್ಥಾನಗಳಿಗೆ ಹಿಮ್ಮೆಟ್ಟುವ ಅಗತ್ಯವಿದೆ” ಎಂದು ಭಾರತೀಯ ಸೇನೆಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದರು.
ಫೆಬ್ರವರಿ 20 ರಂದು, ಭಾರತೀಯ ಮತ್ತು ಚೀನಾದ ಮಿಲಿಟರಿ ಅಧಿಕಾರಿಗಳು 10 ನೇ ಸುತ್ತಿನ ಮಿಲಿಟರಿ ಸಂವಾದವನ್ನು ನೈಜ ನಿಯಂತ್ರಣ ರೇಖೆಯಲ್ಲಿ (ಎಲ್‌ಎಸಿ) ಉದ್ವಿಗ್ನತೆಯನ್ನು ಕುಗ್ಗಿಸುವ ಸಲುವಾಗಿ ನಡೆಸಿದರು. ಭಾರತೀಯ ಮಿಲಿಟರಿ ಪ್ರತಿನಿಧಿಗಳ ನೇತೃತ್ವವನ್ನು ಲೇಹ್ ಮೂಲದ 14 ಕಾರ್ಪ್ಸ್ ಕಮಾಂಡರ್ ಲೆಫ್ಟಿನೆಂಟ್ ಜನರಲ್ ಪಿಜಿಕೆ ಮೆನನ್ ವಹಿಸಿದ್ದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
