ದ್ವಿತೀಯ ಪಿಯುಸಿ ಪರೀಕ್ಷಾ ವೇಳಾಪಟ್ಟಿ ಬಿಡುಗಡೆ

ಬೆಂಗಳೂರು: ರಾಜ್ಯದ ಎಸ್‌ಎಸ್‌ಎಲ್‌ಸಿ ವಿದ್ಯಾರ್ಥಿಗಳ ಪರೀಕ್ಷೆಗೆ ಸಂಬಂಧಿಸಿದಂತೆ ನಿನ್ನೆಯಷ್ಟೇ ತಾತ್ಕಾಲಿಕ ವೇಳಾಪಟ್ಟಿ ಬಿಡುಗಡೆ ಮಾಡಲಾಗಿದೆ. ಇಂದು ದ್ವಿತೀಯ ಪಿಯುಸಿ ಪರೀಕ್ಷಾ ವೇಳಾಪಟ್ಟಿಗೆ ಸಂಬಂಧಿಸಿದಂತೆ ಸಚಿವ ಸುರೇಶ್ ಕುಮಾರ್ ಅವರು ಮಾಹಿತಿ ನೀಡಿದ್ದಾರೆ.

ಮೇ 24 ರಿಂದ ತೊಡಗಿದಂತೆ ಜೂನ್ 10 ರ ವರೆಗೆ ದ್ವಿತೀಯ ಪಿಯುಸಿ ಪರೀಕ್ಷೆಗಳು ನಡೆಯಲಿವೆ ಎಂದು ಸಚಿವರು ತಿಳಿಸಿದ್ದಾರೆ. ಮೇ 24 ರಂದು ಭೌತಶಾಸ್ತ್ರ, ಇತಿಹಾಸ, ಮೇ 25 ದ್ವಿತೀಯ ಬಾಷೆ, ಮೇ 29 ಪೊಲಿಟಿಕಲ್ ಸೈನ್ಸ್, ಮೇ 26 ಜಿಯಾಲಜಿ, ಸೈಕಾಲಜಿ, ಹೋಂ ಸೈನ್ಸ್, ಮೇ 27 ಅಕೌಂಟನ್ಸಿ, ಮ್ಯಾಥ್ಸ್, ಆಪ್ಷನಲ್ ಕನ್ನಡ, ಮೇ 28 ಉರ್ದು, ಸಂಸ್ಕೃತ, ಮೇ 29 ಪೊಲಿಟಿಕಲ್ ಸೈನ್ಸ್, ಮೇ 31 ಕೆಮೆಸ್ಟ್ರಿ, ಬ್ಯುಸಿನೆಸ್ ಸ್ಟಡೀಸ್, ಜೂನ್ 3 ಹಿಂದಿ, ಜೂನ್ 4 ಎಕನಾಮಿಕ್ಸ್, ಜೂನ್ 5 ಪ್ರಥಮ ಭಾಷೆ ಕನ್ನಡ, ಜೂನ್ 7 ಇಂಗ್ಲಿಷ್, ಜೂನ್ 9 ಸಮಾಜ ಶಾಸ್ತ್ರ, ಸಂಖ್ಯಾ ಶಾಸ್ತ್ರ, ಜೂನ್ 10 ಭೂಗೋಳ ಶಾಸ್ತ್ರ ಪರೀಕ್ಷೆಗಳು ನಡೆಯಲಿವೆ ಎಂದು ಸಚಿವರು ಮಾಹಿತಿ ನೀಡಿದ್ದಾರೆ.

ಖಾಸಗಿ ಶಾಲೆಗಳ ಶುಲ್ಕ ಕಡಿತಕ್ಕೆ ಸಂಬಂಧಿಸಿದಂತೆಯೂ ಮಾತನಾಡಿರುವ ಸಚಿವರು, ಖಾಸಗಿ ಶಾಲೆಗಳು ಕೇವಲ 70% ಗಳಷ್ಟು ಮಾತ್ರವೇ ಶುಲ್ಕ ಸಂಗ್ರಹ ಮಾಡಬಹುದು. 30% ಶುಲ್ಕ ಕಡಿತ ಮಾಡಲಾಗಿರುವುದಾಗಿಯೂ ತಿಳಿಸಿದ್ದಾರೆ. ಶುಲ್ಕ ವಿನಾಯಿತಿ ವಿಚಾರದಲ್ಲಿ ಸಮಿತಿಯನ್ನೂ ರಚಿಸಲಾಗಿದೆ. ಈ ಸಮಿತಿಯ ಮೂಲಕವೇ ಶೂಲ್ಕ ಸಮಸ್ಯೆ ಬಗೆಹರಿಸಲಾಗುವುದು ಎಂದು ತಿಳಿಸಿದ್ದಾರೆ. ವಾರ್ಷಿಕ ಶುಲ್ಕವನ್ನು ಮಾತ್ರ ಪಡೆಯಲು ಅನುಮತಿ ನೀಡಲಾಗಿದ್ದು, ಹೆಚ್ಚುವರಿ ಶುಲ್ಕವನ್ನು ಪಡೆಯುವಂತಿಲ್ಲ ಎಂದು ಸಚಿವರು ಈ ಸಂದರ್ಭದಲ್ಲಿ ತಿಳಿಸಿದ್ದಾರೆ.