ನವದೆಹಲಿ: ಭಾರತದ ಅತಿ ದೊಡ್ಡ ಟೆಲಿಕಾಂ ಆಯೋಜಕ ಭಾರ್ತಿ ಏರ್ಟೆಲ್ ಭಾರತದಾದ್ಯಂತ 296 ನಗರಗಳಲ್ಲಿ ೪ಜಿ ಸೇವೆಯನ್ನು ಬಿಡುಗಡೆಗೊಳಿಸಿದೆ.
ಏರ್ಟೆಲ್ ಗ್ರಾಹಕರು 4ಜಿ ಡೇಟಾ ಸೇವೆಯನ್ನು 3ಜಿ ಬೆಲೆಯಲ್ಲಿ ಪಡೆಯಬಹುದಾಗಿದೆ. ಇದರ ಆರಂಭಿಕ ಬೆಲೆ ರೂ.25 ಎಂದು ಏರ್ಟೆಲ್ ಟೆಲಿಕಾಂ ಆಯೋಜಕರೋರ್ವರು ತಿಳಿಸಿದ್ದಾರೆ. ಫ್ಲಿಪ್‌ಕಾರ್ಟ್ ಹಾಗೂ ಸ್ಯಾಮ್‌ಸಂಗ್ ಜೊತೆ ಒಪ್ಪಂದ ಮಾಡುವ ಮೂಲಕ 4ಜಿ ಮೊಬೈಲ್ ಹ್ಯಾಂಡ್‌ಸೆಟ್ ಮತ್ತು ಸೇವೆಗಳನ್ನು ಒದಗಿಸಲು ಮುಂದಾಗಿದೆ. 4ಜಿ ಸೇವೆಗಳನ್ನು ಪಡೆಯಲು ಗ್ರಾಹಕರು ಏರ್ಟೆಲ್ ಹಾಗೂ ಸ್ಯಾಮ್‌ಸಂಗ್ ಸ್ಟೋರ್‌ಗಳಿಂದ 4ಜಿ ಸಿಮ್ ಕಾರ್ಡ್‌ಗಳನ್ನೇ ಹೊಂದಬೇಕು.
ಇದಲ್ಲದೇ ಏರ್ಟೆಲ್ ಆರಂಭಿಕ ರೂ.999ರ ’ಇನ್ಫಿನಿಟಿ ಪ್ಲಾನ್’ಗಳನ್ನು ಪರಿಚಯಿಸಿದೆ. ಈ ಯೋಜನೆಯು ಅನಿಯಮಿತ ವಾಯ್ಸ್ ಕಾಲ್ಸ್, ವೈಯಂಕ್ ಮ್ಯೂಜಿಕ್ ಹಾಗೂ ವೈಯಂಕ್ ಮೂವೀ ಅಪ್ಲಿಕೇಷನ್‌ಗಳನ್ನು ನಿರ್ವಹಿಸಲು ಸಹಕರಿಸಲಿದೆ. ಫ್ಲೆಕ್ಸ್‌ಪೇಜ್‌ನ ಸಹಾಯದಿಂದ ಡೇಟಾ ಬಳಕೆ ಹಾಗೂ ನೈಜ ಸಮಯದ ಬಳಕೆ(ರಿಯಲ್ ಟೈಮ್ ಯೂಸೇಜ್) ಮಾಹಿತಿ ಪಡೆಯಬಹುದಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.
ರಿಲಯನ್ಸ್ ಇಂಡಸ್ಟ್ರೀಸ್ ಕೂಡ ವರ್ಷಾಂತ್ಯದಲ್ಲಿ ರಿಲಯನ್ಸ್ ಜಿಯೊ 4ಜಿ ಸೇವೆ ಆರಂಭಿಸಲಿದೆ ಎಂದು ಘೋಷಿಸಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
