ನವದೆಹಲಿ: ಫಿಟ್ ಇಂಡಿಯಾ ಅಭಿಯಾನದ ಮೊದಲ ವಾರ್ಷಿಕೋತ್ಸವವನ್ನು ಆಚರಿಸುವ ಸಲುವಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ದೇಶದಾದ್ಯಂತದ ಫಿಟ್ನೆಸ್ ಉತ್ಸಾಹಿಗಳು ಮತ್ತು ನಾಗರಿಕರೊಂದಿಗೆ “ಫಿಟ್ ಇಂಡಿಯಾ ಸಂವಾದ” ನಡೆಸಿದ್ದಾರೆ.
ಇದು ಆನ್ಲೈನ್ ಸಂವಾದ ಕಾರ್ಯಕ್ರಮವಾಗಿದ್ದು, ಅನೇಕ ಮಂದಿ ಫಿಟ್ನೆಸ್ ಉತ್ಸಾಹಿಗಳು ತಮ್ಮ ಫಿಟ್ನೆಸ್ ಪಯಣವನ್ನು ಪ್ರಧಾನಿಯೊಂದಿಗೆ ಹಂಚಿಕೊಂಡಿದ್ದಾರೆ.
ಕ್ರಿಕೆಟಿಗ ವಿರಾಟ್ ಕೊಹ್ಲಿ, ಮಾಡೆಲ್ ಮತ್ತು ಓಟಗಾರ ಮಿಲಿಂದ್ ಸೋಮನ್, ಪೌಷ್ಠಿಕ ತಜ್ಞೆ ರೂಜುತ ದಿವೇಕರ್ ಮತ್ತು ಇತರ ಫಿಟ್ನೆಸ್ ಉತ್ಸಾಹಿಗಳು ಪ್ರಧಾನಿಯೊಂದಿಗೆ ಸಂವಾದವನ್ನು ನಡೆಸಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿಯವರು ಆನ್ಲೈನ್ ಫಿಟ್ ಇಂಡಿಯಾ ಸಂವಾದದ ಸಂದರ್ಭದಲ್ಲಿ ‘ಫಿಟ್ ಇಂಡಿಯಾ ವಯಸ್ಸಿಗೆ ಸಮರ್ಪಕವಾದ ಫಿಟ್ನೆಸ್ ಶಿಷ್ಟಾಚಾರ’ವನ್ನು ಆರಂಭಿಸಿದ್ದಾರೆ.
ಮೋದಿಯವರು ವೃತ್ತಿಪರ ಫುಟ್ಬಾಲ್ ಆಟಗಾರ್ತಿ ಅಫ್ಶನ್ ಆಶಿಕ್ ಅವರೊಂದಿಗೆ ಮಾತನಾಡಿದ ಸಂದರ್ಭ, ನೀವು ಮಹಿಳೆಯರಿಗೆ, ವಿಶೇಷವಾಗಿ ಕಾಶ್ಮೀರದ ಮಹಿಳೆಯರಿಗೆ ದೊಡ್ಡ ಸ್ಫೂರ್ತಿ. ನಿಮ್ಮನ್ನು ಅನುಸರಿಸುವ ಮೂಲಕ, ದೇಶಾದ್ಯಂತದ ಯುವತಿಯರಿಗೆ ಉತ್ಸಾಹ ಸಿಗುತ್ತದೆ ಎಂದಿದ್ದಾರೆ.
ಮಿಲಿಂದ್ ಸೋಮನ್ ಮಾತನಾಡಿ, “ನನ್ನ ತಾಯಿ ನನಗೆ ಸ್ಫೂರ್ತಿ ನೀಡುತ್ತಾರೆ. ನಾನು ಅವಳನ್ನು ಪ್ರೇರೇಪಿಸುತ್ತೇನೆ, ಅವಳು ನನ್ನನ್ನು ಪ್ರೇರೇಪಿಸುತ್ತಾಳೆ. ನಮ್ಮ ದೇಹಕ್ಕೆ ಯಾವ ವ್ಯಾಯಾಮ ಬೇಕು ಎಂದು ನಾವೇ ಕಂಡುಕೊಳ್ಳಬೇಕು. ವ್ಯಾಯಾಮವನ್ನು ದಿನಚರಿಯನ್ನಾಗಿ ಮಾಡಿಕೊಳ್ಳಬೇಕು. ನಾನು ಜಿಮ್ಗೆ ಹೋಗುವುದಿಲ್ಲ, ನಾನು ಲಭ್ಯವಿರುವ ಯಾವುದನ್ನಾದರೂ ಬಳಸಿಕೊಂಡು ವ್ಯಾಯಾಮ ಮಾಡುತ್ತೇನೆ. ಆರೋಗ್ಯಕರವಾಗಿ ಮತ್ತು ಸದೃಢವಾಗಿರುವುದು ಬಹಳ ಮುಖ್ಯ. ಫಿಟ್ನೆಸ್ಗಾಗಿ ನಮಗೆ ಬೇಕಾಗಿರುವುದು ನಡವಳಿಕೆ ಮತ್ತು ಆತ್ಮವಿಶ್ವಾಸ ಮಾತ್ರ” ಎಂದಿದ್ದಾರೆ.
ಇದಕ್ಕೆ ಪ್ರತಿಕ್ರಿಯೆ ನೀಡಿದ ಮೋದಿ, “ನಾನು ನನ್ನ ಅಮ್ಮನಿಗೆ ವಾರಕ್ಕೆ ಎರಡು ಬಾರಿ ಫೋನ್ ಕರೆ ಮಾಡಿದಾಗ ಆಕೆ ಮೊದಲು ನನ್ನನ್ನು ಕೇಳುವುದು ಹಳದಿ ಸೇವಿಸುತ್ತಾ ಇದ್ದೀಯಾ ಎಂದು” ಎಂದಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.