ಗಯಾ: ಕೆಲವೇ ದಿನಗಳ ಹಿಂದಷ್ಟೇ ಬಿಹಾರದ ಭಗೀರಥ ಲೌಂಗಿ ಬುಹಿಯನ್ ಅವರ ಸಾಧನೆಯ ಕಥೆಯನ್ನು ಎಲ್ಲರೂ ಕೇಳಿದ್ದೇವೆ. ಸತತ ಮೂರು ವರ್ಷಗಳ ಏಕಾಂಗಿ ಹೋರಾಟ, ಶ್ರಮದ ಮೂಲಕ ನೀರಿನ ಅಭಾವ ಎದುರಿಸುತ್ತಿದ್ದ ತನ್ನ ಹಳ್ಳಿ ಲುಹ್ತುವದ ಕೋಠಿಲಾವಾಗೆ ಮೂರು ಕಿಮೀ ಕಾಲುವೆ ನಿರ್ಮಿಸಿ ನೀರು ಹರಿಸಿದ್ದ ವಿಚಾರ ಎಲ್ಲೆಡೆ ಜನಪ್ರಿಯವಾಗಿತ್ತು. ಅಂತಹ ಸಾಧಕ ಬುಹಿಯನ್ ಗೆ ಇದೀಗ ಮಹೀಂದ್ರಾ ಗ್ರೂಪ್ನ ಆನಂದ ಮಹೀಂದ್ರಾ ಅವರು ಉಡುಗೊರೆಯೊಂದನ್ನು ನೀಡಿದ್ದಾರೆ.
ಬುಹಿಯನ್ ಅವರಿಗೆ ಆನಂದ್ ಮಹೀಂದ್ರಾ ಅವರು ಟ್ರಾಕ್ಟರ್ ಒಂದನ್ನು ಗಿಫ್ಟ್ ಕೊಡುವ ಮೂಲಕ ಅವರ ಸಾರ್ಥಕ ಸೇವೆಗೆ ಗೌರವ ಸಲ್ಲಿಸಿದ್ದಾರೆ. ಆ ಗ್ರಾಮದ ತಮ್ಮ ಸಂಸ್ಥೆಯ ಡೀಲರ್ ಮೂಲಕ ಮಹೀಂದ್ರಾ ಸಂಸ್ಥೆ ಟ್ರಾಕ್ಟರ್ ಉಡುಗೊರೆಯನ್ನು ಬುಹಿಯನ್ ಅವರಿಗೆ ತಲುಪಿಸಿದೆ. ಬುಹಿಯನ್ ಅವರು ನಮ್ಮ ಸಂಸ್ಥೆಯ ಟ್ರ್ಯಾಕ್ಟರ್ ಅನ್ನು ಉಪಯೋಗ ಮಾಡುವುದೇ ಸಂಸ್ಥೆಗೆ ಹೆಮ್ಮೆ ಎಂದು ಸ್ವತಃ ಆನಂದ ಮಹೀಂದ್ರಾ ಅವರೇ ತಿಳಿಸಿದ್ದು, ಆ ಮೂಲಕ ನಿಸ್ವಾರ್ಥ ಶ್ರಮಜೀವಿಗೆ ನಿಜ ಗೌರವವನ್ನು ಅರ್ಪಣೆ ಮಾಡಿದ್ದಾರೆ.
ಅಲ್ಲದೆ ಬುಹಿಯನ್ ಅವರು ನಿರ್ಮಾಣ ಮಾಡಿರುವ ಈ ಕಾಲುವೆ ತಾಜ್ಮಹಲ್ ಅಥವಾ ಪಿರಮಿಡ್ಗಳಂತೆಯೇ ಗಮನ ಸೆಳೆಯಲಿರುವುದಾಗಿಯೂ ಆನಂದ್ ಮಹೀಂದ್ರಾ ಹೇಳಿದ್ದಾರೆ.
ಇನ್ನು ಮಹೀಂದ್ರಾ ಸಂಸ್ಥೆಯ ಟ್ರ್ಯಾಕ್ಟರ್ ಉಡುಗೊರೆಗೆ ಪಾತ್ರರಾಗಿರುವ ಶ್ರಮಿಕ ಬುಹಿಯನ್, ತನಗೀಗ ಹೆಚ್ಚು ಆನಂದವಾಗಿದೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.