ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಇಂದು 70 ವರ್ಷ ತುಂಬಿದೆ. ದೇಶದ ಜನರಿಂದ ಮಾತ್ರವಲ್ಲದೆ ಪ್ರಪಂಚದಾದ್ಯಂತದ ಜನರಿಂದ ಅವರಿಗೆ ಶುಭಾಶಯಗಳು ಮತ್ತು ಹಾರೈಕೆಗಳು ಹರಿದು ಬರುತ್ತಿದೆ.
ಕಲಾಕೃತಿಗಳ ರಚನೆಯಿಂದ ಹಿಡಿದು ಕೇಕ್‌ ತಯಾರಿಕೆ, ಸಮಾಜಸೇವೆ, ಪೂಜಾ ಕೈಂಕರ್ಯ ಹೀಗೆ ನಾನಾ ತರನಾಗಿ ಪ್ರಧಾನಮಂತ್ರಿಯವರ ದೀರ್ಘಾಯುಷ್ಯಕ್ಕಾಗಿ ಜನರು ಪ್ರಾರ್ಥಿಸಿದ್ದಾರೆ, ಅವರ ಭವಿಷ್ಯಕ್ಕೆ ಶುಭ ಹಾರೈಸಿದ್ದಾರೆ. ದೇಶದ ವಿದೇಶದ ಗಣ್ಯರು ಮತ್ತು ಜನರಿಂದ ಮಾತ್ರವಲ್ಲ ಪುಟಾಣಿ ಮಕ್ಕಳಿಂದಲೂ ಅವರಿಗೆ ಹುಟ್ಟು ಹಬ್ಬದ ಶುಭಾಶಯ ಸಿಕ್ಕಿದೆ.
ನಾಗಾಲ್ಯಾಂಡ್‌ನ ಮೂವರು ಪುಟಾಣಿ ಮಕ್ಕಳು ನರೇಂದ್ರ ಮೋದಿ ಅವರಿಗೆ ಶುಭಾಶಯ ಕೋರುವ ವಿಡಿಯೋ ಈಗ ವೈರಲ್ ಆಗಿದೆ. ‘ಕ್ರಿಟಿಕ್ಸ್ ಕಾರ್ನರ್’ ಎಂಬ ಯೂಟ್ಯೂಬ್‌ ಇದನ್ನು ಪೋಸ್ಟ್ ಮಾಡಿದೆ.
ಇದನ್ನು ಸೌರವ್ ಸನ್ಯಾಲ್ ಎಂಬ ಅಂಕಣಕಾರ ಮತ್ತು ನಿರೂಪಕ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದು ನಾಗಾಲ್ಯಾಂಡ್‌ನ ವಿಡಿಯೋ ಆಗಿದ್ದು, ಮೂವರು ಪುಟಾಣಿ ಬಾಲಕಿಯರು ಮನೆಯ ಮುಂದೆ ಕುಳಿತು ಮೋದಿಗೆ ‘ಜನ್ಮದಿನದ ಶುಭಾಶಯʼ ಕೋರಿ ಹಾಡು ಹಾಡುತ್ತಿದ್ದಾರೆ. ಇದು ಅತ್ಯಂತ ಸುಮಧುರ ಹಾಡು, ಪುಟಾಣಿ ಮಕ್ಕಳ ಮುಖದಲ್ಲಿ ಮಂದಹಾಸವಿದೆ ಎಂದಿದ್ದಾರೆ.
ಇಲ್ಲಿಯವರೆಗೆ, ವೀಡಿಯೊ 13 ರಿಟ್ವೀಟ್‌ಗಳೊಂದಿಗೆ 1800 ವೀಕ್ಷಣೆಗಳನ್ನು ಪಡೆದಿದ್ದು, ವೈರಲ್ ಆಗುತ್ತಿದೆ.
This lovely birthday wish for PM @narendramodi comes in from Nagaland. #HappyBdayNaMo #happybirthdaymodiji #HappyBirthdayNarendraModi pic.twitter.com/2o7SSQxdAO
— Sourav Sanyal (@SSanyal) September 17, 2020
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
