ಲಂಡನ್: ’ರೋಜಾ’, ’ಬಾಂಬೆ’, ’ದಿಲ್ ಸೆ’ ಮೊದಲಾದ ಚಲನಚಿತ್ರಗಳಿಂದ ಅತ್ಯಂತ ಮೆಚ್ಚುಗೆ ಪಡೆದಿರುವ ಭಾರತದ ಸಿನೆಮಾ ನಿರ್ದೇಶಕ ಮಣಿ ರತ್ನಂ ಲಂಡನ್‌ನಲ್ಲಿ ನಡೆದ ಬಾಗ್ರಿ ಫೌಂಡೇಶನ್ ಲಂಡನ್ ಭಾರತೀಯ ಚಲನಚಿತ್ರೋತ್ಸವದ ಐಕಾನ್ ಪ್ರಶಸ್ತಿ ಪಡೆದಿದ್ದಾರೆ.
ಈ ಪ್ರಶಸ್ತಿ ಪಡೆಯುವುದು ಅತ್ಯಂತ ಖುಷಿ ತಂದಿದೆ ಎಂದ ಅವರು, ಭಾರತೀಯ ಚಿತ್ರರಂಗವು ಹೊಸ ಯುಗವನ್ನು ಕಾಣುತ್ತಿದ್ದು, ಬಾಗ್ರಿ ಫೌಂಡೇಶನ್ ಲಂಡನ್ ಭಾರತೀಯ ಚಲನಚಿತ್ರೋತ್ಸವ ಈ ಮುಂದಿನ ಪೀಳಿಗೆಗೆ ಒಂದು ನಿದರ್ಶನವಾಗಿದೆ ಎಂದರು.
ನೇಪಾಳ ಸಂತ್ರಸ್ತರಿಗೆ ಸಹಕರಿಸಿದ ಬಾಲಿವುಡ್ ತಾರೆ ಮನೀಷಾ ಕೊಯಿರಾಲಾ ಸನ್ ಮಾರ್ಕ್ ಲಿ. ವತಿಯಿಂದ ಸ್ಪಿರಿಟ್ ಆಫ್ ಇನ್ಸ್ಪಿರೇಷನ್ ಪ್ರಶಸ್ತಿ ಪಡೆದರು. ಸಿನೆಮಾ ರಂಗದಲ್ಲಿ ಅತ್ಯಂತ ಕಷ್ಟಕರವಾದ ಪಾತ್ರಗಳನ್ನು ಮಾಡಿದ ಸಾಧನೆ ಹಾಗೂ ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಸಿದ ಮನೀಷಾ ಅವರ ಕಾರ್ಯಗಳಿಗೆ ಸಂಸ್ಥೆ ಮೆಚ್ಚುಗೆ ವ್ಯಕ್ತಪಡಿಸಿದೆ.
’ಉಮ್ರಿಕಾ’ ಚಿತ್ರದಲ್ಲಿ ಮುಖ್ಯ ಪಾತ್ರ ವಹಿಸಿದ್ದ ಸೂರಜ್ ಶರ್ಮ ಅವರು ಅತ್ಯುತ್ತಮ ಯುವ ನಟ ಪ್ರಶಸ್ತಿ ಪಡೆದಿದ್ದಾರೆ. ಬಾಗ್ರಿ ಫೌಂಡೇಶನ್ ಸಹಯೋಗದೊಂದಿಗೆ ಅತ್ಯಜಿತ್ ರೇ ಕಿರು ಚಲನಚಿತ್ರ ಪ್ರಶಸ್ತಿ ’ಖರ್ಗೋಶ್ (ಮೊಲ) ಚಿತ್ರಕ್ಕೆ ಲಭಿಸಿದರೆ, ಲೆಬಾರಾ ಪ್ಲೇ ಆಡಿಯನ್ಸ್ ಪ್ರಶಸ್ತಿ ’ನಾಶೊಂ-ಲಾ ಕುಂಸಾರಾ’ಗೆ ಲಭಿಸಿದೆ.
ಬರ್ದ್ರೋಯ್ ಬರೆಟ್ಟೋ ನಿರ್ಮಾಣದ ’ನಾಶೊಂ-ಲಾ ಕುಂಸಾರಾ’ ಹಿಂದಿ ಚಲನಚಿತ್ರ ಸಂಗೀತದ ಮೇಲೆ ಗೋವಾ ಜಾಝ್‌ನ ಪ್ರಭಾವ ಬೀರುವಂಥದ್ದಾಗಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
