ನವದೆಹಲಿ: 2019 ರ ಕೊನೆಯಲ್ಲಿ ಚೀನಾದಲ್ಲಿ ಮೊದಲ ಬಾರಿಗೆ ಪತ್ತೆಯಾದ ಕೊರೋನವೈರಸ್, ಸೋಮವಾರ ಸಂಜೆ ವೇಳೆಗೆ ಜಗತ್ತಿನಾದ್ಯಂತ 48.5 ಲಕ್ಷಕ್ಕೂ ಹೆಚ್ಚು ಜನರನ್ನು ಸೋಂಕು ಪೀಡಿತಗೊಳಿಸಿದೆ. ಸುಮಾರು 3.18 ಲಕ್ಷ ಜೀವಗಳನ್ನು ಬಲಿ ತೆಗೆದುಕೊಂಡಿದೆ.
ವರ್ಲ್ಡ್ ಮೀಟರ್ ವೆಬ್ಸೈಟ್ನ ಮಾಹಿತಿಯ ಪ್ರಕಾರ, ವಿಶ್ವದ ಒಟ್ಟು ಕೊರೋನವೈರಸ್ ಪ್ರಕರಣಗಳ ಸಂಖ್ಯೆ ಅಂದಾಜು 48,56,170 ಕ್ಕೆ ಏರಿದರೆ, ಸಾವಿನ ಸಂಖ್ಯೆ 3,18,375 ಕ್ಕೆ ಏರಿದೆ.
ಕಳೆದ 24 ಗಂಟೆಗಳಲ್ಲಿ, ಪ್ರಪಂಚದಲ್ಲಿ ಸುಮಾರು 56,910 ಹೊಸ COVID-19 ಪ್ರಕರಣಗಳು ಮತ್ತು 1,855 ಹೊಸ ಸಾವುಗಳು ಸಂಭವಿಸಿವೆ.
15,35,120 ಸಕಾರಾತ್ಮಕ ಪ್ರಕರಣಗಳನ್ನು ಹೊಂದಿರುವ ಯುಎಸ್ ವಿಶ್ವದಲ್ಲೇ ಅತಿ ಹೆಚ್ಚು COVID-19 ಪ್ರಕರಣಗಳನ್ನು ಹೊಂದಿರುವ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಯುಎಸ್ ಸೋಮವಾರ 7,500 ಹೊಸ ಪ್ರಕರಣಗಳನ್ನು ವರದಿ ಮಾಡಿದೆ.
ರಷ್ಯಾ, ಸ್ಪೇನ್, ಯುಕೆ, ಬ್ರೆಜಿಲ್ ಮತ್ತು ಇಟಲಿ ತೀವ್ರವಾಗಿ ಹೊಡೆತ ತಿಂದ ಇತರ ದೇಶಗಳಾಗಿವೆ.
ರಷ್ಯಾ ವಿಶ್ವದ ಅತಿ ಹೆಚ್ಚು ಹಾನಿಗೊಳಗಾದ ಎರಡನೇ ದೇಶವಾಗಿದೆ ಮತ್ತು ಕಳೆದ ಕೆಲವು ದಿನಗಳಿಂದ ಅತಿ ಹೆಚ್ಚು ಪ್ರಕರಣಗಳನ್ನು ಕಾಣುತ್ತಿದೆ. ಅಲ್ಲಿ ಇದು ಕಳೆದ 24 ಗಂಟೆಗಳಲ್ಲಿ 8,925 ಪ್ರಕರಣಗಳ ಹೆಚ್ಚಳ ಕಂಡಿದೆ. ರಷ್ಯಾದಲ್ಲಿ ಈಗ ದೇಶದಲ್ಲಿ ಒಟ್ಟು 2,90,670 ಸೋಂಕು ಪ್ರಕರಣಗಳಿವೆ.
ಮೂರನೇ ಸ್ಥಾನದಲ್ಲಿರುವ ಸ್ಪೇನ್ ಸುಮಾರು 469 ಹೊಸ ಪ್ರಕರಣಗಳನ್ನು ದಾಖಲಿಸಿದ್ದು, ಆ ದೇಶದ ಒಟ್ಟು ಸಂಖ್ಯೆ 2,78,180 ಕ್ಕೆ ತಲುಪಿದೆ.
2,710 ಹೊಸ ಪ್ರಕರಣಗಳನ್ನು ದಾಖಲಿಸಿರುವ ಯುಕೆಯ 2,46,406 ಜನರನ್ನು ವೈರಸ್ನೊಂದಿಗೆ ಹೋರಾಡುತ್ತಿದ್ದಾರೆ.
ಕಳೆದ 24 ಗಂಟೆಗಳಲ್ಲಿ ಬ್ರೆಜಿಲ್ 4,515 ಹೊಸಪ್ರಕರಣಗಳಿಗೆ ಸಾಕ್ಷಿಯಾಗಿದೆ. ದೇಶದ ಒಟ್ಟು ಸಂಖ್ಯೆ ಈಗ 2,45,595 ಕ್ಕೆ ಏರಿದೆ.
ಆರನೇ ಸ್ಥಾನದಲ್ಲಿರುವ ಇಟಲಿಯಲ್ಲಿ 2,25,880 ಕೋವಿಡ್-19 ಧನಾತ್ಮಕ ಪ್ರಕರಣಗಳಿದ್ದು, ಫ್ರಾನ್ಸ್ನಲ್ಲಿ 1,79,560 ಕ್ಕೂ ಹೆಚ್ಚು ಜನರು ವೈರಸ್ಗೆ ತುತ್ತಾಗಿದ್ದಾರೆ.
1,77,210 ಪ್ರಕರಣಗಳೊಂದಿಗೆ ಜರ್ಮನಿ, 1,50,240 ಪ್ರಕರಣಗಳೊಂದಿಗೆ ಟರ್ಕಿ ಮತ್ತು 1,22,490 ಸೋಂಕುಗಳನ್ನು ಹೊಂದಿರುವ ಇರಾನ್ ವಿಶ್ವದ ಅತ್ಯಂತ ಕೆಟ್ಟ ಹೊಡೆತ ತಿಂದ ರಾಷ್ಟ್ರಗಳಾಗಿವೆ.
91,300 ಕ್ಕೂ ಹೆಚ್ಚು ಕೊರೋನವೈರಸ್ ಸಾವುಗಳನ್ನು ಹೊಂದಿರುವ ಯುಎಸ್ ವಿಶ್ವದ ಅತಿ ಹೆಚ್ಚು ಹಾನಿಗೊಳಗಾದ ರಾಷ್ಟ್ರವಾಗಿ ಉಳಿದಿದೆ. ಕಳೆದ 24 ಗಂಟೆಗಳಲ್ಲಿ ಯುಎಸ್ನಲ್ಲಿ 328 ಹೊಸ ಸಾವುಗಳು ಸಂಭವಿಸಿವೆ.
ಎರಡನೇ ಸ್ಥಾನದಲ್ಲಿರುವ ಯುಕೆ ಸೋಮವಾರ 160 ಸಾವುಗಳಿಗೆ ಸಾಕ್ಷಿಯಾಗಿದೆ ಮತ್ತು 34,790 ಸಾವುನೋವುಗಳು ಇದುವರೆಗೆ ಅಲ್ಲಿ ಸಂಭವಿಸಿದೆ.
ಇಟಲಿಯಲ್ಲಿ 32,000 ಕ್ಕೂ ಹೆಚ್ಚು ಜನರು ಈ ವೈರಸ್ಗೆ ಬಲಿಯಾಗಿದ್ದಾರೆ.
28,100 ಸಾವುನೋವುಗಳೊಂದಿಗೆ ಫ್ರಾನ್ಸ್ ಮತ್ತು 27,700 ಸಾವುಗಳೊಂದಿಗೆ ಸ್ಟೇನ್ ಹೋರಾಟ ನಡೆಸುತ್ತಿದೆ.
ಇನ್ನು ಭಾರತದ ವಿಷಯವನ್ನು ಗಮನಿಸಿದರೆ, ಇದುವರೆಗೆ 96,169 ಜನರು ವೈರಸ್ಗೆ ತುತ್ತಾಗಿದ್ದಾರೆ. 3,029 ಸಾವುಗಳು ಸಂಭವಿಸಿವೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
