ನವದೆಹಲಿ: ಪರಿಣಾಮಕಾರಿಯಾಗಿ COVID-19 ಗೆ ಚಿಕಿತ್ಸೆಯನ್ನು ಕಂಡುಹಿಡಿಯುವ ಸಲುವಾಗಿ ವಿಶ್ವ ಆರೋಗ್ಯ ಸಂಸ್ಥೆ (WHO) ಯು ನಡೆಸುತ್ತಿರುವ ಸಾಲಿಡಾರಿಟಿ ಕೋವಿಡ್-19 ಕ್ಲಿನಿಕಲ್ ಪ್ರಯೋಗಕ್ಕೆ ಭಾರತದ ಐದು ಆಸ್ಪತ್ರೆಗಳು ಆಯ್ಕೆಯಾಗಿವೆ.
ನಾಲ್ಕು ಆಸ್ಪತ್ರೆಗಳು ಈಗಾಗಲೇ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾದಿಂದ (ಡಿಸಿಜಿಐ) ಅನುಮೋದನೆ ಪಡೆದಿವೆ ಮತ್ತು ಪ್ರಯೋಗಗಳನ್ನು ಪ್ರಾರಂಭಿಸಿವೆ ಎಂದು ಸರ್ಕಾರಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಅಹಮದಾಬಾದ್ನ ಬಿಜೆ ಮೆಡಿಕಲ್ ಕಾಲೇಜು ಮತ್ತು ಸಿವಿಲ್ ಆಸ್ಪತ್ರೆ, ಜೋಧ್ಪುರದ ಏಮ್ಸ್ ಮತ್ತು ಚೆನ್ನೈನ ಅಪೊಲೊ ಆಸ್ಪತ್ರೆ ಮುಂತಾದ ವೈದ್ಯಕೀಯ ಸಂಸ್ಥೆಗಳು COVID-19 ರ ನಾಲ್ಕು ಚಿಕಿತ್ಸಾ ಪ್ರೋಟೋಕಾಲ್ಗಳ ಮೇಲೆ ಕ್ಲಿನಿಕಲ್ ಪ್ರಯೋಗಗಳನ್ನು ಮಾಡಲಿವೆ. ಈ ಕ್ಲಿನಿಕಲ್ ಪ್ರಯೋಗಗಳೆಂದರೆ, 1) ರೆಮ್ಡೆಸಿವಿರ್, 2) ಲೋಪಿನವೀರ್ ಮತ್ತು ರಿಟೊನವೀರ್, 3) ಹೈಡ್ರಾಕ್ಸಿಕ್ಲೋರೋಕ್ವಿನ್ ಮತ್ತು ಲೋಪಿನಾವಿರ್ ಮತ್ತು 4) ಇಂಟರ್ಫೆರಾನ್ ಬೀಟಾ -1 ಎ ಜೊತೆ ರಿಟೊನವಿರ್.
ಐಸಿಎಂಆರ್-ರಾಷ್ಟ್ರೀಯ ಏಡ್ಸ್ ಸಂಶೋಧನಾ ಸಂಸ್ಥೆಯ ಸಾಂಕ್ರಾಮಿಕ ರೋಗಶಾಸ್ತ್ರ ವಿಭಾಗದ ಮುಖ್ಯಸ್ಥೆ ಮತ್ತು ಡಬ್ಲ್ಯುಎಚ್ಒ-ಇಂಡಿಯಾ ಸಾಲಿಡಾರಿಟಿ ಟ್ರಯಲ್ನ ರಾಷ್ಟ್ರೀಯ ಸಂಯೋಜಕಿ, ಡಾ.ಶೀಲಾ ಗಾಡ್ಬೋಲ್ ಅವರು ಹೇಳುವಂತೆ, “ಒಟ್ಟು 1,500 ರೋಗಿಗಳನ್ನು ಎಲ್ಲಾ ಕ್ಲಿನಿಕಲ್ ಸೈಟ್ಗಳಿಗೆ ದಾಖಲಿಸಬೇಕೆಂದು ನಾವು ಬಯಸುತ್ತೇವೆ. ನಾವು ರೋಗಿಗಳ ನೋಂದಣಿಯನ್ನು ಪ್ರಾರಂಭಿಸಿದ್ದೇವೆ. ಇತರ ದೇಶಗಳಲ್ಲಿಯೂ ಸಹ, COVID-19 ರೋಗಿಗಳಿಂದ ಗರಿಷ್ಠ ಸಾಕ್ಷ್ಯವನ್ನು ಪಡೆಯಲು ರೋಗಿಗಳು ಈ ಪ್ರಯೋಗಕ್ಕೆ ದಾಖಲಾಗುತ್ತಿದ್ದಾರೆ” ಎಂದಿದ್ದಾರೆ.
ಯಾವುದೇ ರೋಗಿಯು ಔಷಧದ ದುಷ್ಪರಿಣಾಮವನ್ನು ತೋರಿಸಿದರೆ ಪ್ರಯೋಗವನ್ನು ರದ್ದುಪಡಿಸಲಾಗುವುದು ಎಂದು ಅವರು ಹೇಳಿದ್ದಾರೆ.
ಈ ನಡುವೆ, ಭಾರತದಲ್ಲಿ COVID-19 ಪ್ರಕರಣಗಳ ಸಂಖ್ಯೆ 56,342ಕ್ಕೆ ಏರಿದೆ, 1,886 ಸಾವುನೋವುಗಳು ಸಂಭವಿಸಿವೆ. ಕೊರೋನಾವೈರಸ್ ಸಕಾರಾತ್ಮಕ ಪ್ರಕರಣಗಳ ವಿಶ್ವದ ಸಂಖ್ಯೆ 39 ಲಕ್ಷಕ್ಕಿಂತ ಹೆಚ್ಚಾಗಿದ್ದು, 2.46 ಲಕ್ಷಕ್ಕೂ ಹೆಚ್ಚು ಸಾವುಗಳು ವರದಿಯಾಗಿವೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
